DUNGWVNC 30:7 - ASII LAKDAP Bible (BSI)

⁷ Wranaptek Aron ka lem tsrup riiqwa watlaq akhingtek na, apaiq raq ara berong-wacha arjaq ahomwiq-homseng honglu ka chaqho lili riichang.

Hawa Naga Bible 2001

⁷ Arun rueq wvraungx nvp tek wvrkok htenc kuex tvyoalc shuex nuex, kvruex htauk kvyuq vhomc vtumc phvnx htenc kuex juiuz rax.

DUNGWVNC 30:7 Referencias Cruzadas

1 KAÜWA WERAÜ 23:13

Ase chhikhuwe Amram ka Aron nai Mosheq awe riito. (Aron nai asaü asetiim ka asii hupsam thun kra liikoti pattup pat-sa arang hoti ma shongto. Tsangshiq ka Tatiwe shomnoq jaqsham homseng honglu ka wa na chaqti, kiimaq apaiq shiikumpanti, kiimaq mungmaiqse ka apaiq mang na shiimanketi ma shongto.

1 KAÜWA WERAÜ 6:34

Elkana, Jeroham, Eliel, Toa,

2 KAÜWA WERAÜ 2:3

Solomon raq Tajar Hokhamwe Hiram ma tsütsa ka akha tiiwanto: “Ümniiraq iwe Hokhamwe Dawit rai apaiq hokham jamhai miitu maisak pepan lunkuq laü ikha, ngi rai min piikiilaq.

2 KAÜWA WERAÜ 2:4

Ngi raq i Tatiwe Shiikeawe shreng chang Shomjam ashi haitiikang. Kriika asii jam miraq. Kiijaq isenginok nai ngi raq apaiq ka homseng honglu süse tapan chaq laita mishom noqhai. Kiijaq naishiq raq asii winsii honglu thun ka atsaq min tsaq mai phan maq honglu mikuq hai. Kiimaq kiijaq naishiq raq wa na chaqtlii-honglu thun ka ranaptek na kiimaq rajitek na mikuq hai. Kiimaq Niitiitsak ranaiq thun niimin, Jinye Dong Poi thun niimin, kiimaq laihin asii ranaiq thun niimin, Tatiwe naishiq Shiikeawe shreng ma mikuq hai. Apaiq raq Israilnok ma arka pattup pat-sa kewan chang nguta aming kuqto.

2 KAÜWA WERAÜ 26:18

apaiq ka tiiwinhoto. Tsangshiq raq apaiq ma nguto, “Ujjia! Ümniiraq Tatiwe ma homseng honglu chaq kuq lot maü. Aron saüse phan ramwebi kli ara jaqsham miitu kiinong kuq wanto. Ara asii hiq ba arwa ümniika tiijin tlo laq. Ümniiraq Tati Shiikeawe ka roi laü. Kiimaq apaiq achu shiiman ümkhu thaq na ahü she.”

2 KAÜWA WERAÜ 29:7

Tsangshiq raq Shomjam kilü thun ka shaqbaiqto. Raüta lem thun ka wiita tiimat baiqto. Kiimaq homseng honglu min chaq mak she thaq baiqto. Kiimaq Israilnok Shiikeawe ma wa na wiipumtam maq chaqtlii nyamse honglu thun min takuq mak she thaq baiqto.

Tvtsvmc 141:2

Ngi raq achu jaütiikang arka honglu akuq ikha taolaq, ijaq ra na dotiikang arka raji honglu akuq ikha taolaq.

DUNGWVNC 30:34

Tatiwe raq Mosheq ma nguto, “Ara ahomwiq tapan thun arwa riingea riingea chhaq maq thap laüta lamlaq: stekte homseng wa, onicha homseng wa, galbanum homseng wa, kiimaq chiisan pechong mong wa alam homsengtsai wa.

DUNGWVNC 30:6

Laüta ara berong-wacha arka Tongshong Tek tukchang kheathum chantlaq kriima kinphai nü na thülaq. Arba arjaq Ngi ka ümniirai mirhumha.

DUNGWVNC 30:8

Kiimaq apaiq raq raji ko na lem tiinyaitlaq akhing niimin akhiisii homseng honglu kra chaqho lili riichang. Ara homseng honglu ke arka pattup pat-sa atsaq kai maiq mak kuq wan ruqli riichang.

DUNGWVNC 40:27

Raütiishe ahomwiq-homseng honglu kra Tatiwe raq aming kuqtaq kra phan phan wa na chaqto.

WEAWEA 16:40

Arka Aron saüse phan riimakti raq, juli jiimin berong-wacha tho na Tatiwe ma homseng honglu chaq wa maimak nguta, Israilnok miitu honlam bomchong ashi riito. Kriiti ka Kora nai asenginok khiimbaiqtaq kiikha wa raq apaiq kiimin mikhiimbaiq. Arthun jaqsham klo wantaq arka Tatiwe raq Mosheq lümaq aming kuqtaq kra phan phan Eleajar raq kloto.

Luke 1:9

Ramwebi raq lang tlaq tri maq, lang lii kiita, kra ranaiq na Shiikeawe ma honglu homseng ka aluchiim na chaq jaqsham kriika, Jekeria mang na, lang raq thaüto. Krai mren, apaiq ka Tatiwe Shomjam mong na honglu kra chaq wa nguta nyap wato

Acts 6:4

Laita, naishiq riika, atsi dada maq, achu jaü nai trahoke jaqsham na tsan tiitsi phai.”

TRI CHONGKE 33:10

Tsangshiq raq ümsenginok ma üm tri ka lang ronglaq nguta mishrin kuq wan; Tsangshiq raq üm berong wacha na honglu thun mitaa kuq wan.

1 SAMUEL 2:28

Israilnok maiqphan tlotli sitlaq kra phong wa, ngi raq tsangta ka, iramwebi ma, berong-wacha na jaqsham ma, honglu homseng kra chaq ma, kiimaq asii miirii sam raüta, ngi rai bom riichong ma nguta shongkang. Kiimaq ngi raq tsangshiq ma berong-wacha na chaq chang ngam kiiwa tsangshiq rii ngamrea lamthü miitu arang kuqkang.

1 SAMUEL 3:3

Samuel ka asii khok, Tongshong Tek thü chang na akon riito. Ranap ra miwü shaq na, lem kiimin lüshatli riito.