AJONJÜ 2:13 - Hawa Naga Bible 2001

¹³ O Yerusalem lex, lungwawx vphaungx Yerusalem lex, ngaz rueq mkhoc jungc lot juing lac? Ngaz rueq mnoz muex mkhoc sitenc yatenc lot juing lac? Vkhoc kuilc daz kuex vshiz muinz rvhumc muq doc. Mnoz kuilc daz jamjaux kuex svmuktvrax ikhoc yunghvlc vhtaz lot miq; thuinz tvluimc juing httax lot muq.

ASII LAKDAP Bible (BSI)

¹³ Itsan imong tsi chang Jerusalem lei, ngi raq ümniima jamlai wa michongha? Ngi raq ümniika jamkho mitiijaiq ha? Ümnaq chamchao akhiika, jumin chamchao mak dea. Ümnaq chamchao arka, sammoktra chum jong ikha jonghea, aran phan chang ahü she.

AJONJÜ 2:13 Referencias Cruzadas

2 SAMUEL 5:20

Dawid kuex Bala Perazim nuex duiz woz vtueq kvwawc Philistin miqsaz htenc kuex khvt taungx gay tueq. Piq rueq, “Yehowa rueq ngvy ralx htenc kuex kuk laungx yuix puingc rueq thuq gay yaq ikhoc shuiuq gay tsuiyc tueq,” ngoz tueq jungx tueq. Kvkhoc rvtueq kvruex baung kv-ngoc Bala Perazim ngoz tueq muingc tueq.

2 HOKHVMX 19:21

Yehowa rueq, “Sennacherib lex, Yerusalem ghaqyungx rueq mnoz kuex lawc vtueq nueyx wuez yaq.

Tvtsvmc 60:2

Mnoz rueq ghaq vraungx kuex buil ruiux soalc vtueq lanx gay toq; kvruex khoz kay ningkhvnc nuex majuiuc vmac htenc kuex phemc tvhvlc shuiuz.

ISAIA 37:22

Yehowa rueq, “Sennacherib lex, Yerusalem ghaqyungx rueq mnoz kuex lawc vtueq nueyx wuez yaq.

JEREMIA 14:17

Ngaz yonzyex vtaungx kuex mungx miqsaz muex jungc kuy tvkoc ngaz muex Yehowa rueq nvr phuex: “Ngvy muik htenc kuex raung-nuiyq raungwvrx muik phic m-svrc kueq, ngvy miqsaz kuex pinhtumc vphiz vshuz rvhumc vtueq, thuiuz sac hvlc ningkhvnc nuex ngaz kuex mkaq muinz vkhoarc thauk lot mauk mruez kueq.

JEREMIA 14:19

Yehowa lex, mnoz rueq Yuda mungx kuex tvdux gay tvlanc shec haz? Mnoz rueq Zion miqsaz haz shuiuc vshuiux? Nuiyshiq hvlx lot miq laz juing mnoz rueq yvmx ngoz tueq lac nuiyshiq tvthuiuz sac hvlc ruez vphux? Nuiyshiq rueq nomic lvmx kuex thuiyx vshix, yuq muinz vhvlx muex yaungx muq; nuiyshiq hvlc wvnc tvkoc tvluimc vshix, yuq muinz vhiz juing dvyx dung wvnc yaq.

JEREMIA 8:22

Gilead nuex phumz vwaq vguez shex haz? Kvyuq phumz tawk jix vguez shex haz? Yvmx ngoz tueq lac ngvy miqsaz htenc muex tvhvlc kuq muq rvtvnx?

JEREMIA 9:18

Miq htenc rueq jungx tueq, “Naungshiq muik htenc nuex muik phic mvrc vtueq, naungshiq muik khuix htenc kuex vkhoarc htuiz, muik phic rueq hemc gay nuex httuiuc laz, maungx huiuz shic thenc yaq jix kuex yauk lox gvl shuinz,” ngoz tueq.

AJONJÜ 1:12

Piq rueq vruex maq lvy jix miq tek muex, “Ngaz kuex lawc kuit! Ngaz vkhoc thuiuz vsac kuex ukhaq muinz rvhumc muit shvmx nauz,” ngoz tueq guyc sez ramc tueq. Yehowa rueq vpiq thuinkhaq yaq nuex ngvy htauk nuex vthuiuz vsac tvgurc kuq phuex.

EJEKIEL 32:31

“Vkhoc ralx nuex thvy gay rvhumc jix lotlaz lvmz kuex khic wvnc ningkhvnc nuex, Ejip hokhvmx waz nuiyc piq nolaungx bix rueq thuinz tvhvlc juing lvp wvnc shuex,” ngoz tueq Johvlc Yehowa rueq jungx tueq.

DANIEL 9:12

Nuiyshiq muex muinz nuiyshiq mungx guimz lawc jix hez muex muinz mnoz rueq ruez shuiux ngoz toq rulc rv-ngvlc mnoz rueq shuimx toq. Mnoz rueq ghaq htauk wawc vganc ghaqyungx htauk nuex muinz Yerusalem muex vjvnc murx tvgurc toq,