AJONJÜ 2:12 - Hawa Naga Bible 2001

¹² Tsuinghez kuex kvmx vrvmc thuiuz muex vnyuiuz tamx kox wawc guyc thoz wuez yaq; Tsuinghez kuex vphiz vshuz jix ikhoc lvmx laungx htenc nuex woalc wuez yaq, Vnyuiuz tamx pvmc nuex jauz susuc maq pat wvnc tueq.

ASII LAKDAP Bible (BSI)

¹² Tsangramtsi nai khamnyangtsi raq haü wan raüta, anyungtiim rit hoqtrangtlo. Tsangshiq chiihea wea lam na, asho aphi ikha küram liira riwanto. Raüta chaosusu maq, Raüta anyungtiim jaq pum na tsai wanto.

AJONJÜ 2:12 Referencias Cruzadas

YOBA 30:16

Majuiuc ngaz kuex vthueyc wvnc shex; ngaz rvhumc vtaungx kuilc daz jamjaux tvkoc tvyomx ngoz tueq vguez.

Tvtsvmc 42:4

Lvy wvnc tueq wawc lvmz kuex rvwvl koq yuq ngvy thuinz vmungx nuex pinhtumc yonz vtaungx, Tishox yuimx nuex mungx miqsaz htenc rulc vdvmz waung wvnc tauk nuex, vkoz vkez rvtuimx yaq phungc rueq Tishox muex tvts vmc shix vtueq, kokez guyc sez ruiux, tsuingshiq kuex shvlx wvnc tueq.

Tvtsvmc 62:8

Ngvy miqsaz htenc lex, vkhing ruip rawx Tishox muex tvluimc wuez shuinz. Vpiq kuex naungshiq kvwungx juing baung rvtueq, nuimshiq kuilc daz vtuinx lotlaz kuex vpiq muex jungx tvtay shuinz.

ISAIA 51:20

Hungc vlaungc nulx wvnc ningkhvnc nuex mmiq htenc kuex lvmx heq tek nuex rul wvnc wuez vtuex; tsuingshiq kuex shvrvyx waz bix nuex vmanz khiyix ikhoc yaungx tuex. Tsuingshiq kuex Tishox thuinkhvy phuk yaq kuex rvhumc vtuex.

ISAIA 53:12

Kvkhoc rvtueq ngaz rueq vpiq kuex tvyungx luz vtueq, luimc vkawc vyungx jix hvlwvl nuex, tvtsanc nganc juing baungshiz kuq shaungx. Vpiq rueq vrullungx kuex vkuy roc thuinz maq kuq ruiux, layx bac jix waz hez rvhumc juing kuex rvhumc tueq. Vpiq rueq miq paunghvlc mvrax laung nuex tsuingshiq rvhumc aungx yaq kuex vpiq rvhumc tueq,” ngoz tueq jungx tueq.

JEREMIA 5:17

Tsuingshiq rueq nuimshiq pulx thuey waqthuimx nuiyc phuiuz vsvy kuex phauk saq vtueq; tsuingshiq rueq nuimshiq saz miqwaz sahez nuiyc yalxjuik sahez kuex thvt gay shuex. Tsuingshiq rueq nuimshiq khelbuenx htenc nuiyc suiux vngac htenc nuimshiq svpiq ruiuz htenc nuiyc phuiuq muiuq jungx htenc kuex tvbac gay shuex. Tsuingshiq nolaungx bix rueq nuimshiq rueq tvluimc vshuinx lung palx ruk ghaqyungx htenc kuex tvbac gay shuex.

AJONJÜ 1:11

Piq miqsaz htenc rueq phuiuz vsvy thuiyx yaq nuex wvraungx nuiyq kvbot nyvnx wuez tueq; Tsuingshiq shauk pumz tvraungx lvp tvkoc tsuingshiq tsak vnyvmx maq phuiuz vsvy layc wuez tueq. Ghaqyungx rueq, “Yehowa lex, ngaz kuex lawc koq; ngvy thuinz kuilc daz vtaungx kuex khiz kuq koq,” ngoz tueq guyc sez tueq.

AJONJÜ 4:4

Tsuingshiq rueq tsuingshiq puix nuingc jix nosaz rulx kuex khvmx vrvmc maq tvthueyc gay tueq; nosaz rulx rueq phuiuz vsvy thoz koq muinz tsuinghez muex tv-phuiuz svy jix vshiz muinz vguez.

EJEKIEL 30:24

Kvruex yimaq ngaz rueq Babelon hokhvmx waz yauk phumz kuex hunglaungc tvlvp vtueq, ngvy yaung kuex piq yauk nuex lekuq shaungx. Yuq muinz Ejip hokhvmx yauk phumz kuex tv-ngawk rvgay shaungx, piq kuex piq ralx hez khaungkac nuex kvbot nyvnx yaq lvmx maq thueyc wvnc tuex.