AJONJÜ 2:14 - Hawa Naga Bible 2001

¹⁴ Mshvmmax bix rueq vrot vkaq jungx yaq maq lvy vtueq mnoz muex yvmx jungc kuy juing muinz vguez; Tsuinghez rueq jungphvnx yaq kuex mmvrax lvmz tvdung jungx muq, tvkhic muq, mnoz muex laulawc gay kv-phux. Mnoz kuex thuinz kvlayc rac muq ngoz tueq tsuinghez rueq mnoz muex tvrvwvl kv-phux.

ASII LAKDAP Bible (BSI)

¹⁴ Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.

AJONJÜ 2:14 Referencias Cruzadas

ISAIA 58:1

Yehowa rueq, “Mnoz kuex bolic tuimz shuiux ikhoc guyc lot tuiux tanc khvnc guyc kuiuz! Tsuingshiq mvrax htenc nuex seng vtueq ngvy miqsaz Israel htenc muex jungx kuq shuiux!

JEREMIA 2:8

Shomc waz bix rueq, ‘Yehowa kuex m-yuq lac?’ ngoz tueq wiz muq, ngvy shomc waz bix rueq ngaz kuex tuiuz muq. Guimz lawc jix hez rueq ngaz kuex khawx lvlx wuez yaq; shomc waz bix rueq Bala muingc ruingc vtueq jungx ruiux khuec guez yac yuimx htenc kuex nawk palx wuez yaq.

JEREMIA 20:6

Mnoz tvkoc, Pashhur lex, mnoz nuiyc m-yuimx wuinz lotlaz muinz lvp vtueq Babelon nuex thuq wvnc rvhumc tuinx. Kvruex yuq mnoz kuex mnoz muex vrot vkaq kvjaz paunghvlc jungx wvnc tueq mkungjix bix lotlaz rulc vdvmz thueyc wvnc vtueq luip gay rvhumc tuiux,’” ngoz tueq jungx tueq.

JEREMIA 23:22

Mkhoc shoc maq tsuingshiq kuex ngaz rueq vyumx kvmungx vshaungx lvmz tuiuz ruiux yuq, ngvy miqsaz kox nuex ngvy bomjungc kuex jungphvnx khvmz tueq, tsuingshiq layx vbac maq httax vtueq tsuingshiq rueq shuimx yaq vbac yauk shuimc htenc wawc tsuingshiq muex vmauk kuq shuex.

JEREMIA 23:36

Kvkhoc rvtueq tsuingshiq rueq ‘Yehowa rueq gurc juing gurc,’ ngoz tueq kvjaz kuex mkaq muinz kvjak mvy muq, yvmx khoc lac ngoz ruiux lec miq vshiz shiz rueq kvkhoc kvjak gay ruiux yuq, ngvy bomjungc kuex piq gurc muex vsuing tvyaungc shaungx. Miq htenc rueq Tvphaungc Tvsuip Yehowa tsuingshiq Tishox vtvraungx Tishox bomjungc htenc kuex tvyaq gay tueq.

JEREMIA 28:15

Kvruex yimaq ngaz rueq Hanania muex vruex lvmz kuex tvhttoarc jungx tauk, “Hanania lex, tay shuiuz! Yehowa rueq mnoz tvkaz kv-phux rvmuq, mnoz rueq miq htenc muex rot kaq vtueq tvkvmx luimx vshuiux.

JEREMIA 29:21

“Tvphaungc Tvsuip Yehowa Israel Tishox rueq, vpiq muingc ruingc vtueq vrot vkaq kvjaz maq nuimshiq muex jungphvnx yaq Kolaia saz Ahab nuiyc Maseia saz Zedekia nuex tvkop vtueq jungx tueq. Vpiq rueq Babelon Hokhvmx Nebukhadnezar yauk nuex lekuq gay ruiux, nuimshiq muik lawc nuex tsuingnueyc kuex thvt gay shuex, ngoz tueq Yehowa rueq jungx tueq.

JEREMIA 37:19

Babelon hokhvmx waz rueq mnoz nuiyc mmungtan kuex khvt shuex rvmuq, ngoz tueq mnoz muex jungc jix mshvmmax bix kuex yvmx khoc lac yaungx wuez vtvnx?

JEREMIA 5:31

shvmmax bix kuex vrot vkaq kvjaz maq lvy vtueq yvmx muinz jungx muq; shomc waz bix rueq muinz shvmmax bix rueq nvr yaq rulc rv-ngvlc guimz lawc yaq, ngvy miqsaz htenc rueq tvwanc juing lvmz yvmx muinz vguez. Yuq muinz vtvsuip nuex vruex lvmz htenc lotlaz yaungx wvnc tuex nuex tsuingshiq rueq yvmx lac shuimx shvnx?” ngoz tueq jungx tueq.

AJONJÜ 4:13

Yuq muinz kvkhoc httuiuc wvnc tueq kuex yaungx wvnc tueq shex, yvmx rvtueq lac ngoz ruiux lec, kvruex ghaqyungx wawc shvmmax bix nuiyc shomc waz bix mvrax yaq vtueq mvrax vguez jix htenc thueyc tueq ningkhvnc nuex rvtueq.

EJEKIEL 13:22

“Ngaz rueq tvshirix roc mauk miq hvlx hez htenc kuex nuimshiq vrot vkaq kvjaz maq thuinz tvbac tvyomx vshuinx. Layx vbac miq htenc rueq layx vbac yauk shuimc kuex tvwanc muit maq, nuimshiq rueq tsuingshiq rullungx kuex tvsumx rumx vshuinx.

EJEKIEL 22:25

Tsuingshiq walaungx bix kuex vhuk raz tueq ngvmx htenc puinz kauk gay yaq hangsic htenc ikhoc rvtueq. Tsuingshiq rueq miq htenc kuex thvt gay ruiux, kuimphox nuiyc tsak vnyvmx htenc kuex taungx shuex tanc khvnc lvmz wvnc yaq, tsuingshiq rueq miq thvy ningkhvnc nuex mvntix nyuiuz hez paung yaq.

EJEKIEL 22:28

Khoalx tuk kuex lunghtunc maq nyvt yaq ikhoc shvmmax bix rueq muinz kvruex mvrax htenc kuex puingc gay wuez tueq. Tsuingshiq rueq vrot vkaq romzyac tvkhic htenc kuex khiz vtueq, vrot rawshvmx bomc kuex jungx yaq. Johvlc Yehowa rueq vkhoc jungx yaq ngoz tueq tsuingshiq rueq jungx tvpaungc wuez yaq, yuq muinz ngaz, Yehowa kuex tsuingshiq rulc rvbomc mauk doc.

EJEKIEL 23:36

Yehowa rueq ngaz muex jungx phuex, “Vthueyc rvyaq miq lex, mnoz rueq Ohola nuiyc Oholiba kuex phoc tvkoc tvyoalc toq shex haz? Tsuingnueyc rueq shuimx wvnc tueq miqsuirc vsac khac tvgurc shuiuz.

Hosea 9:7

Murx tvgurc vkhing shex httuiuc tueq, miq htenc rueq shuimx tueq rulc rv-ngvlc tsuingshiq rueq lvp wvnc shuex. Kvkhoc yaungx wvnc ruiux yuq jix Israel rueq tuiuz shuex! Tsuingshiq rueq, “Vruex shvmmax waz vkuex vngaz khoc vnauz. Vruex siyac hungc vlaungc httax yaq waz kuex miqyaq ngoc raung,” ngoz tueq ngoz shuinx. Nuimshiq rueq mvrax yunghvlc ningkhvnc nuex nuimshiq rueq ngaz kuex shuiuc pac wuez vphuinx.

Mikha 2:11

“Kvruex miq htenc kvraq vrot vkaq kvjaz jungphvnx khuemx yaq shvmmax ikhoc jix kuex raungc raq wuez yaq, ‘Mnoz tvkoc svpiq tix nuiyc joal vtsvmz yvlx dung tuex ngoz tueq ngaz rueq rawshvmx shvmx tauk,’ ngoz tueq jungx shuex.

Mikha 3:8

Yuq muinz ngvy tvkoc kuex, Yehowa rueq vpiq siyac nuiyc luimc vkawc tvmvrc kuq vtueq, tvrac vlvmz tharc nuiyc Israel miqsaz tsuingshiq mvrax htenc kuex jungc kuy lot juing khamc thuinz kuex htawc kuq yaq.

JEPHANIA 3:4

Shvmmax bix kuex yauk shuimc gurpix muq maq bomc httuiz jungphvnx vtueq khawx lvlx yaq; shomc waz bix rueq vsawc baung htenc kuex tvshuy shac vtueq miqmac tvkoc laung nuex Tishox tvrac htenc kuex ruip rux wek wix wuez yaq.