РЫМЛЯНАЎ 2:13 - Біблія (пераклад В. Сёмухі)

бо не слухачы закона праведныя перад Богам, а выканаўцы закона апраўданы будуць;

Біблія (пераклад А.Бокуна)

Бо не слухачы Закону праведныя перад Богам, але выканаўцы Закону будуць апраўданыя.

Кнігі Святога Пісання - Біблія - Біблія — пераклад Чарняўскага (выданне 2017 года)

Бо не тыя, што слухаюць закон, справядлівыя ў Бога, але тыя, што выконваюць закон, будуць апраўданы.

РЫМЛЯНАЎ 2:13 Крыжаваныя спасылкі

ПСАЛТЫР 143:2

літасьць мая і аслона мая, сховішча маё і Збаўца мой, шчыт мой, - і я на Яго спадзяюся; Ён мой народ мне паддае.

ЕРАМІІ 11:6

І сказаў мне Гасподзь: агаласі ўсе гэтыя словы ў гарадах Юды і на вуліцах Ерусаліма і скажы: слухайце словы запавету гэтага і выконвайце іх.

ЕЗЭКІІЛЯ 20:11

І даў ім запаведзі Мае і абвясьціў ім Мае пастановы, выконваючы, якія чалавек быў бы жывы дзякуючы ім;

ЛУКАША 18:14

Кажу вам, што гэты пайшоў у дом свой апраўданы болей, чым той: бо кожны, хто ўзьвялічвае сам сябе, паніжаны будзе, а хто паніжае сябе, узвысіцца.

ЛУКАША 8:21

Ён сказаў ім у адказ: маці Мая і браты Мае - гэта слухачы слова Божага і выканаўцы яго.

ЯНА 13:17

Калі гэта ведаеце, дабрашчасныя вы, калі выконваеце.

ДЗЕІ 13:39

і ва ўсім, у чым вы не маглі апраўдацца законам Майсеевым, апраўдваецца Ім кожны веруючы.

РЫМЛЯНАЎ 10:5

Майсей піша пра праведнасьць ад закона: «чалавек, які яго выконвае, жыць будзе ім».

РЫМЛЯНАЎ 2:25

Абразаньне карыснае, калі выконваеш закон; а калі ты пераступаеш закон, дык абразаньне тваё сталася неабразаньнем.

РЫМЛЯНАЎ 3:20

бо дзеямі закона не апраўдаецца перад Ім ніякая плоць; бо законам спазнаецца грэх.

РЫМЛЯНАЎ 3:23

бо ўсе зграшылі і пазбаўлены славы Божай,

РЫМЛЯНАЎ 3:30

бо адзін Бог, Які апраўдае абрэзаных па веры і неабрэзаных празь веру.

1 КАРЫНФЯНАЎ 4:4

Бо, хоць я нічога ня ведаю за сабою, але гэтым не апраўдваюся; а судзьдзя мне - Гасподзь.

ГАЛЯТАЎ 2:16

аднак жа, даведаўшыся, што чалавек апраўдваецца ня дзеямі закона, а толькі вераю ў Ісуса Хрыста, і мы ўверавалі ў Хрыста Ісуса, каб апраўдацца вераю ў Хрыста, а ня дзеямі закона; бо дзеямі закона не апраўдваецца ніякая плоць.

ГАЛЯТАЎ 5:4

Вы, хто апраўдвае сябе законам, засталіся бяз Хрыста, адпаліся ад мілаты,

ДРУГІ ЗАКОН 4:1

Дык вось, Ізраіле, слухай пастановы і законы, якія я вучу вас выконваць, каб вы былі жывыя і пайшлі і ўспадкавалі тую зямлю, якую Гасподзь, Бог бацькоў вашых, дае вам;

ДРУГІ ЗАКОН 5:1

І паклікаў Майсей увесь Ізраіль і сказаў ім: слухай, Ізраіле, пастановы і законы, якія я сёньня скажу ў вушы вашыя, і вывучыце іх і старайцеся выконваць іх.

ДРУГІ ЗАКОН 6:3

Дык вось, слухай, Ізраіле, і старайся выканаць гэта, каб табе добра было, і каб вы вельмі памножыліся, як Гасподзь, Бог бацькоў тваіх, казаў табе, што Ён дасьць табе зямлю, дзе цячэ малако і мёд.

ЯКАВА 1:27

Чыстая і беспахібная пабожнасьць перад Богам і Айцом ёсьць тое, каб дагледзець сірот і ўдоваў у іхніх скрухах і захоўваць сябе неапаганенага сьветам.

1 ЯНА 2:29

Калі вы ведаеце, што Ён праведнік, дык ведайце і тое, што кожны, хто чыніць праўду, народжаны ад Яго.

1 ЯНА 3:7

Дзеці! хай ня зводзіць вас ніхто. Хто чыніць праўду, той праведны, падобна як Ён праведны.