ПСАЛТЫР 119:26 - Кнігі Святога Пісання - Біблія - Біблія — пераклад Чарняўскага (выданне 2017 года)

Дарогі мае абвясціў я, і Ты выслухаў мяне, навучы мяне пастановам Тваім.

Біблія (пераклад А.Бокуна)

Пра шляхі мае я апавядаў, і Ты адказаў мне; навучы мяне пастановам Тваім.

ПСАЛТЫР 119:26 Крыжаваныя спасылкі

3 ЦАРСТВАЎ 19:10

А ён адказаў: «Запалаў я руплівасцю дзеля Госпада, Бога Магуццяў, бо сыны Ізраэля занядбалі запавет Твой, ахвярнікі Твае развалілі, а прарокаў Тваіх пазабівалі мечам, і застаўся я адзін, і на маё жыццё цікуюць, каб знішчыць яго».

3 ЦАРСТВАЎ 8:36

тады Ты выслухай іх з неба і адпусці грахі паслугачоў Тваіх і народа Твайго, Ізраэля, і пакажы ім дарогу добрую, якой маюць ісці, і дай дождж на Тваю зямлю, якую Ты даў народу Свайму ва ўласнасць.

4 ЦАРСТВАЎ 20:3

«О Госпадзе! Узгадай, як я хадзіў перад Табою верна і са шчырым сэрцам, і рабіў тое, што міла Табе». І заплакаў Эзэкія ўголас.

4 ЦАРСТВАЎ 20:5

«Вярніся і скажы Эзэкіі, валадару народа Майго: “Гэта кажа Госпад, Бог Давіда, бацькі твайго: “Пачуў Я малітву тваю, убачыў слёзы твае, і, вось, Я аздараўлю цябе, і на трэці дзень ты пойдзеш у святыню Госпада.

ПСАЛТЫР 119:106

Даю я прысягу і пастанаўляю пільнавацца прысудаў справядлівасці Тваёй.

ПСАЛТЫР 119:12

Дабраславёны Ты, Госпадзе; навучы мяне пастановам Тваім.

ПСАЛТЫР 25:4

ДАЛЕТ. Пакажы мне, Госпадзе, Свае дарогі і навучы мяне Сваім сцежкам.

ПСАЛТЫР 27:11

Пакажы мне, Госпадзе, дарогу Тваю і скіроўвай мяне на простую сцяжыну адносна праціўнікаў маіх.

ПСАЛТЫР 32:5

Дык выявіў я Табе правіну маю і не затаіў несправядлівасці сваёй. Я сказаў: «Вызнаю супраць сябе вінаватасць маю перад Госпадам». І Ты адпусціў бязбожнасць граху майго.

ПСАЛТЫР 38:18

Я ўжо магу хутка зваліцца, і боль мой заўжды перада мной.

ПСАЛТЫР 86:11

Навучы мяне, Госпадзе, шляху Твайму, і буду хадзіць я ў праўдзе Тваёй; зрабі шчырым сэрца маё, каб шанавала яно імя Тваё.

ВЫСЛОЎІ 28:13

Хто ўтойвае злачынствы свае — не будзе жыць у шчасці; хто прызнаецца і пакіне гэта, даб’ецца міласэрнасці.