АГЕЯ 1:2 - Кнігі Святога Пісання - Біблія - Біблія — пераклад Чарняўскага (выданне 2017 года)

«Вось што кажа Госпад Магуццяў, прамаўляючы: “Народ гэты кажа: не прыйшоў яшчэ час будаваць дом Госпадаў”».

Біблія (пераклад А.Бокуна)

«Гэтак кажа ГОСПАД Магуцьцяў, кажучы: “Гэты народ кажа: "Не прыйшоў час, час, каб будаваць Дом ГОСПАДА"”».

Біблія (пераклад В. Сёмухі)

Так сказаў Гасподзь Саваоф: народ гэты кажа: «ня прыйшоў яшчэ час - будаваць дом Гасподні».

АГЕЯ 1:2 Крыжаваныя спасылкі

4 ЦАРСТВАЎ 12:7

Тады цар Ёас паклікаў першасвятара Ёяду і святароў, і спытаўся ў іх: «Чаму вы не папраўляеце пашкоджанняў у святыні? Такім чынам, не бярыце болей грошы ад знаёмых вашых, але аддайце іх на аднаўленне святыні».

ЭЗДРЫ 4:23

Такім чынам, копія загаду цара Артаксэркса была прачытана перад кіраўніком Рэгумам і пісарам Самсаем і іх дарадчыкамі; ды яны спешна выправіліся ў Ерузалім да юдэяў і пад пагрозай сілы забаранілі далейшую працу іх.

НЭЭМІІ 4:10

Але юдэі сказалі: «Не стала моцы ў нясучага, і зямлі вельмі шмат; і мы не зможам адбудаваць мур».

ВЫСЛОЎІ 22:13

Гультай кажа: «Леў знадворку, прападу я на сярэдзіне вуліцы».

ВЫСЛОЎІ 29:25

Страх перад чалавекам ставіць пастку, а хто ўскладае надзею на Госпада — будзе падтрыманы.

ЭКЛЕЗІЯСТА 11:4

Хто назірае за ветрам, той не сее, а хто глядзіць на хмары, не будзе збіраць.

ЭКЛЕЗІЯСТА 3:3

час забіваць і час лячыць, час нішчыць і час будаваць;

ЭКЛЕЗІЯСТА 9:10

Што толькі можа рабіць рука твая, выконвай несупынна, бо ў пекле, куды ты спяшаешся, не будзе ані працы, ані розуму, ані мудрасці, ані ведаў.

АГЕЯ 1:1

У другі год царавання Дарыя, у першы дзень шостага месяца, Госпад прамовіў праз прарока Агея да Зарабабэля, сына Салаціэля, кіраўніка Юды, і да першасвятара Ешуа, сына Ёсэдэка, кажучы:

АГЕЯ 1:3

І прамовіў Госпад праз прарока Агея, кажучы:

ЛІКІ 13:31

Між тым Калеб, супакойваючы абурэнне народа супраць Майсея, казаў: «Пойдзем і здабудзем зямлю, бо мы зможам авалодаць ёю».