ПСАЛТЫР 24:1 - Біблія (пераклад В. Сёмухі)

Псальма Давідава. Да Цябе, Госпадзе, узношу душу маю.

Біблія (пераклад А.Бокуна)

Псальм Давіда. ГОСПАДАВА зямля і тое, што напаўняе яе, сусьвет і ўсё, што жыве ў ім.

Кнігі Святога Пісання - Біблія - Біблія — пераклад Чарняўскага (выданне 2017 года)

Давідаў псальм. Госпадава зямля і што яе напаўняе, зямля і ўсе, хто жывуць на ёй.

ПСАЛТЫР 24:1 Крыжаваныя спасылкі

1 ЛЕТАПІСАЎ 29:11

Твая, Госпадзе, веліч, і магутнасьць, і слава, і перамога, і цудоўнасьць, і ўсё, што на небе і на зямлі, Тваё; Тваё, Госпадзе, царства, і Ты найвышэй за ўсё, як Уладаны.

1 ЛЕТАПІСАЎ 29:16

Госпадзе Божа наш! усё гэта мноства, якога нарыхтавалі мы на будову дома Табе, сьвятому імю Твайму, ад рукі Тваёй яно, і ўсё Тваё.

2 ЛЕТАПІСАЎ 25:9

І сказаў Амасія чалавеку Божаму: што ж рабіць са ста талантамі, якія я аддаў войску Ізраільскаму? І сказаў чалавек Божы: Гасподзь можа даць табе больш за гэта.

ЁВА 34:13

Хто апрача Яго думае пра зямлю? І хто кіруе ўсім сусьветам?

ЁВА 41:11

з пашчы ягонай выходзяць агнявікі, выскокваюць вогненныя іскры;

ЁВА 41:3

Хто апярэдзіў Мяне, каб Я даваў яму? пад усім небам усё Маё.

ПСАЛТЫР 50:10

Дай мне ўцеху пачуць і радасьць, і ўзрадуюцца косьці, Табою паламаныя.

ПСАЛТЫР 50:12

Чыстае сэрца ўмацуй ува мне, Божа, і дух справядлівы аднаві ўва мне.

ПСАЛТЫР 89:11

Хто ведае сілу гневу Твайго, і лютасьць Тваю па меры страху Твайго?

ПСАЛТЫР 89:12

Навучы нас так лічыць нашыя дні, каб нам мудрае сэрца набыць.

ПСАЛТЫР 98:7

У слупе хмарным прамаўляў Ён да іх; яны захоўвалі Яго запаведзі і пастановы, якія Ён даў ім.

ВЫХАД 19:5

дык вось, калі вы будзеце слухацца голасу Майго і шанаваць запавет Мой, дык будзеце Маім скарбам з усіх народаў, бо Мая ўся зямля,

ВЫХАД 9:29

Майсей сказаў яму: як толькі я выйду з горада, і граду больш ня будзе, каб ты ўведаў, што Гасподняя зямля;

ДАНІІЛА 4:25

Усё гэта збылося ў цара Навухаданосара.

МІХЕЯ 4:13

Устань і малаці, дачка Сіёна; бо Я зраблю рог твой жалезным і капыты твае зраблю меднымі, - і скрышыш многія народы і прысьвеціш Госпаду здабыткі іхнія і багацьці іхнія Ўладару ўсёй зямлі.

НАВУМА 1:5

Горы трасуцца перад Ім, і пагоркі растаюць, і зямля хістаецца перад абліччам Ягоным, і сусьвет і ўсе, што жывуць на ёй.

1 КАРЫНФЯНАЎ 10:26

бо Гасподняя зямля і ўсё, што на ёй.

ДРУГІ ЗАКОН 10:14

Вось у Госпада, Бога твайго, неба і нябёсы нябёсаў, зямля і ўсё, што на ёй;