ПЕСЬНЯ 4:12 - Біблія (пераклад В. Сёмухі)

Зачынены сад, сястрыца, нявеста, зачынены сад, запячатаная крыніца:

Біблія (пераклад А.Бокуна)

Замкнёны сад — сястра мая, нявеста, замкнёны сад, крыніца запячатаная.

Кнігі Святога Пісання - Біблія - Біблія — пераклад Чарняўскага (выданне 2017 года)

Замкнуты сад — сястра мая, нявеста, замкнуты сад, калодзезь запячатаны.

ПЕСЬНЯ 4:12 Крыжаваныя спасылкі

БЫЦЦЁ 29:3

Калі зьбіраліся туды ўсе статкі, адвальвалі камень ад вусьця калодзежа і паілі авечкі; пасьля зноў клалі камень на сваё месца, на вусьце калодзежа.

ПЕСЬНЯ 4:9

Паланіла ты сэрца маё, сястрыца, нявеста, паланіла ж ты сэрца маё адным паглядам вачэй, пацеркамі аднымі на шыйцы тваёй.

ПЕСЬНЯ 6:11

Я спусьціўся ў арэхавы сад паглядзець на ўсходы ў даліне, паглядзець, ці лаза зелянее, гранаты ці зацьвілі?

ПЕСЬНЯ 6:2

Мой каханы ў сад твой спусьціўся, да градак духмяных, каб пасьвіць у садзе і лілеі зьбіраць.

ІСАІ 58:11

і будзе Гасподзь правадыром тваім заўсёды, і ў час засухі будзе насычаць душу тваю і мацаваць косьці твае, і ты будзеш як напоены вадою сад і як крыніца, воды якое ніколі не перасыхаюць.

ЕРАМІІ 31:12

І прыйдуць яны - і будуць радавацца на вышынях Сіёна; і сьцякуцца да добрасьці Гасподняй, да пшаніцы і віна і алею, да ягнят і валоў; і душа іхняя будзе як напоены вадою сад, і яны ня будуць ужо болей таміцца.

АСІІ 6:3

Дык вось, спазнаем, будзем імкнуцца спазнаць Госпада; як ранішняя зара - зьяўленьні Яго, і Ён прыйдзе да нас як дождж, як позьні дождж абросіць зямлю.

1 КАРЫНФЯНАЎ 6:13

Ежа для чэрава, а чэрава для ежы; але Бог зьнішчыць і тое і другое. А цела не для распусты, а для Госпада, і Гасподзь для цела.

1 КАРЫНФЯНАЎ 7:34

незамужняя клапоціцца пра Гасподняе, як дагадзіць Госпаду, каб быць сьвятою і целам і духам; а замужняя клапоціцца пра зямное, як дагадзіць мужу.

2 КАРЫНФЯНАЎ 1:22

Які і паклаў на нас пячатку і даў заклад Духа ў сэрцы нашыя.

ЭФЭСЯНАЎ 1:13

у Ім і вы, пачуўшы слова праўды, абвяшчэньне вашага выратаваньня, і ўвераваўшы ў Яго, пазначаны пячаткаю абяцанага Духа Сьвятога,

ЭФЭСЯНАЎ 4:30

І не зьневажайце Духа Божага, Якім мы запячатаны ў дзень адкупленьня.

АДКРЫЦЦЁ 21:27

і ня ўвойдзе ў яго нічога нячыстага, і ніхто, аддадзены погані і хлусьні, а толькі тыя, якія запісаны ў кнізе жыцьця.

АДКРЫЦЦЁ 7:3

не рабеце шкоды ні зямлі, ні мору, ні дрэвам, пакуль не накладзём пячаткі на ілбы рабам Бога нашага.