UNumeri 9:22 - IsiZulu 2020

Noma lalihleli phezu kwethabanakeli izinsuku ezimbili, noma inyanga, noma isikhathi esingakanani, abakwa-Israyeli babehlala enkanjini bangaqhubeki nohambo, kodwa kwakuthi lapho liphakanyiswa, bahambe.

IBHAYIBHELI ELINGCWELE

Noma kwakuyizinsuku ezimbili, noma inyanga, noma isikhathi esingakanani ifu lisahlezi phezu kwetabernakele, abantwana bakwa-Israyeli bahlala ekamu,* abahambanga; kepha lapho lenyuswa, bahamba.

Contemporary Zulu Bible 2024

Noma ifu lalihlala phezu kwetabernakele izinsuku ezimbili, noma inyanga, noma unyaka, abantwana bakwa-Israyeli bahlala ematendeni abo, abasukanga; kodwa kwathi selinyuswa basuka.

UNumeri 9:22 Jak'a apnaqawi uñst'ayäwi

AmaHubo 107:7

Wabahola ngendlela eqondileyo ukuze baye emzini ababezohlala kuwo.

AmaHubo 143:10

Ngifundise ukwenza intando yakho, ngokuba Wena unguNkulunkulu wami, uMoya wakho omuhle mawungihole emhlabathini ohlelembekile.

AmaHubo 32:8

Ngizokubonisa, futhi ngikufundise indlela ozohamba ngayo; ngizobeka iso lami kuwe, ngikweluleke.

AmaHubo 48:14

ukuthi impela lo Nkulunkulu, unguNkulunkulu wethu waphakade naphakade. Uzosihola kuze kube sekufeni.

AmaHubo 73:24

Uyakungihola ngesiluleko sakho, andukuba ungamukele enkazimulweni.

AmaHubo 77:20

Abantu bakho wabahola njengezimvu ngesandla sikaMose no-Aroni.

UEksodusi 39:42

Abantu bakwa-Israyeli bawenza wonke umsebenzi njengalokhu uSimakade ayemyalile uMose.

UEksodusi 40:16

UMose wenza konke njengalokhu uSimakade ayemyalile.

UNumeri 1:54

Abakwa-Israyeli benza konke njengalokhu uSimakade ayemyalile uMose.

UNumeri 8:20

UMose no-Aroni nayo yonke inhlangano yabantu bakwa-Israyeli, benza kubaLevi njengakho konke uSimakade ayeyale ngakho uMose ngabaLevi; abantu bakwa-Israyeli benza kanjalo-ke.

UNumeri 9:17

Noma yinini lapho ifu liphakama ethendeni, abakwa-Israyeli babehamba, kuthi lapho ifu lima khona, nabo bakanise lapho.

UNumeri 9:21

Kokunye ifu lalihlala ubusuku nje obubodwa kuze kube sekuseni; kuthi uma liphakanyiswa ekuseni, bahambe. Noma ngabe ifu lalingahlala ubusuku nemini, kwakuthi uma lenyuswa baqhubeke nohambo.

IzEnzo 1:4

Kwathi esahleli nabo, wabayala ukuba bangamuki eJerusalema, kodwa balindele isithembiso sikaYise abasizwe ngaye.