Juan 16:22 - Qullan Arunaka DC

Jichhasti jumanakax llakisipxtawa; ukampis nayax wasitat jumanakar uñjapxäma ukapachasti, chuymanakamax kusisiniwa, janirakiw khitis uka kusisiñ apaqapkätamti.

Aymar Bibliia 1986

Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Qullan Arunaca

Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Juan 16:22 Jak'a apnaqawi uñst'ayäwi

Job 34:29

Diosatix amukïspa ukasti, ¿khitirak juchañchaspasti? Jupatix ajanup imantasispa ukasti, ¿khitirak uñjaspasti? Jupaw markanakarusa, jaqinakarus uñch'ukiski,

Salmos 146:2

Jakañaxkamax Tatituruw yupaychä; jupatakiw q'uchunak q'uchurakï.

Salmos 33:21

Jupampiw chuymanakasax kusisi; qullan sutiparuw taqi chuymamp iyawsapxtan.

Isaías 25:9

Uka urunsti satarakïniwa: “Akapï jiwasan Tatitusaxa, juparuw iyawstan, juparakiw qhispiyistu, kusisipxañäni, k'uchirt'asipxañäni, jupaw qhispiyistu.”

Jeremías 31:12

“Jerusalén markar purinisinsti, kusisiñat q'uchupxani, Tatitut katuqapkani uka askinakat kusisipxani: trigo, vino, aceite, ovejanaka, vacanaka, taqi ukanakata. Suma qarpata muxsa achunak churir yapjamäxaniwa, janirakiw ch'amapas tukuskxaniti.

Mateo 28:8

Warminakasti uk ist'asin wal mulljasipxäna, mä tuqit kusisipxarakïnwa, ukatsti jalakamaw yatiqirinakapar uka yatiyäwi yatiyir sarapxäna.

Lucas 10:42

ukampis mayaw wakiskirixa. Mariax kunatix wakiskirïki uk ajllisi, janirakiw khitis uk apaqkaniti —sasa.

Lucas 16:25

Abrahamasti juparux sänwa: ‘Wawa, amtasim, jumax jakañaman askinak katuqtaxa, Lazarosti jan walinak katuqi. Jichhasti akan jupax kusisiñ katuqxi, jumarusti t'aqhisiñaw wakt'tam.

Lucas 19:26

Reyisti sarakïnwa: ‘Nayasti sapxsmawa, khitintix utjki ukarux juk'ampiw churasini, ukampis khitintix jan utjki ukatxa mä juk'a utjiripas apaqatäniwa.

Lucas 24:41

Ukampis jupanakax kusisiñampita, axsarañampit janiw iyawsirjamäpkänti, ukat Jesusax jupanakarux säna: —¿Janit akan kuna manq'añas utjapktamxa? —sasa.

Juan 14:1

Uka qhipatsti Jesusax yatiqirinakapar saskakïnwa: —Jumanakax jan llakisipxamti. Diosar iyawsapxam, nayarus iyawsapxarakita.

Juan 14:19

Mä juk'ampjarux akapachankirinakax janiw juk'amp uñjkxapxitaniti; ukampis jumanakax uñjasipkitätawa, nayan jakaskatax laykux jumanakax jakasipkätawa.

Juan 14:27

“Samarañ jaytapxsma. Nayan samarañax churapxsma, ukampis uka samarañax janiw akapachax churki ukhamäkiti. Jan llakisipxamti, janirak axsarapxamsa.

Juan 16:16

“Akat mä qawqha urunakatxa, janiw uñjkxapxitätati, ukampis uka qhipat wasitat uñjxapxarakitäta.”

Juan 16:20

Qhanak sapxsma, jumanakax jachapxätawa, llakisipxarakïtawa, akapachankir jaqinakasti kusisipxaniwa. Ukampis, jumanakan llakimax kusisiñaruw kipstani.

Juan 16:6

jan ukasti, akanak arsutaxat llakitakïxapxtawa.

Juan 21:7

Ukat Jesusan wali munat yatiqiripax Pedror säna: —¡Tatituwa! —sasa. Simón Pedrosti, Tatitütap yatisinxa, ukspachaw patxa isip uchasisin umar t'iskuntäna.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Hechos 13:52

Tatitur iyawsirinakasti wali kusisitaw jikxatasipxäna, Qullan Ajayumpi phuqt'atäpxarakïnwa.

Hechos 16:25

Niya chika arumarusti, Pablompi Silasampix Tatitut mayisisipkäna, q'uchunak q'uchusipkarakïna, ukchañkamasti carcelan jist'antat yaqha jaqinakax ist'asipkänwa.

Hechos 2:46

Sapüruw Tatitun utapan tantachasipxäna, utanakapansti t'ant'a pachjapxäna, taqi kusisiñampi, llamp'u chuymampiw manq'asipxarakïna.

Hechos 5:41

Ukatsti apostolunakax jilïrinakan nayraqatapat wali kusisitaw mistuwayxapxäna, Diosan jupanakar Jesusan sutip layku t'aqhisiñatak ajllitapata.

2 Corintios 6:10

Llakitäpkirista ukham uñjasipxta, ukampis kusisitakipunïsipktwa; jan kunanïpkirista ukham uñjasipxta, ukampis waljaniruw qamiriptayapxta; janis kunanïpkirista ukhamäpxtwa, ukampis janiw kunas pist'apkituti.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

Hebreos 10:34

Jumanakasti carcelankirinakat khuyapt'ayasipxäyätawa, kusisiñampiw yänakamsa aparayasipxäyätaxa, alaxpachan ukat juk'ampi suma wiñayatak katuqañ utjatap yatisina.

Hebreos 6:18

Aka pä luräwix janiw mayjt'kaspati, ukanakat Diosax janiw k'ariskaspati; khitinakatix Diosan imantasiñap thaqhapktan ukanakax mä jach'a chuymachasïwi katuqtan, jupax churkistu uka suyt'äwirus iyawsaraktan.

1 Pedro 1:8

Jumanakax Jesucristor jan uñjkasas, juparux munapxtawa, jichhasa, jan uñjkas iyawsasin walrak kusisipxtaxa. Uka jach'a kusisiñanakamasti janiw arunakamp arsuñjamäkiti,