Lucas 10:42 - Qullan Arunaka DC

⁴² ukampis mayaw wakiskirixa. Mariax kunatix wakiskirïki uk ajllisi, janirakiw khitis uk apaqkaniti —sasa.

Aymar Bibliia 1986

⁴² Ucampis mayaw waquisejja. Mariajj sumïrïquis ucwa ajllisi, janiraquiw ucjj qhitis apakcaniti —sasa.

Qullan Arunaca

⁴² Ucampis mayaw waquisejja. Mariajj sumïrïquis ucwa ajllisi, janiraquiw ucjj qhitis apakcaniti —sasa.

Lucas 10:42 Jak'a apnaqawi uñst'ayäwi

Salmos 119:111

Arunakamax nayatak wiñay katuqäwiwa, arsutanakamax chuymaxaruw kusisiyi.

Salmos 119:173

Amparamax nayar yanapt'añatak wakichatäpan, arunakamar taqi kunat sipan munasitax layku.

Salmos 119:30

Chiqa thakhin sarnaqañ ajllista, arunakamaruw munasta.

Salmos 142:5

5 (6) Tatay, jumaruw art'asinsma, jumaruw saraksma: “Jumätaw nayan imantasiñaxaxa; jumakiw aka jakañ uraqin taqi kunaxätasa” sasa.

Salmos 17:15

Nayasti kusisitaw jikxatasï; ajanuy ajanu jumar uñkatasina, ¡uñatatkä ukkhax nayraqataman jikxatasisina!

Salmos 27:4

Tatitur mä mayisiñaxakiw utji, ukakirak munta: jakañaxkam utapan utjasiña, utapan jupar yupaychañataki, qhapaq kankañap uñjasin kusisiñataki.

Salmos 73:25

¿Khitis alaxpachan utjitu? ¡Juma sapakïtawa! Jumampi chik utjasax janiw kuns aka uraqin munkti.

Eclesiastés 12:13

Parlañax tukusxiwa. Taqi kunaw satäxi. Diosar yupaycham, kamachi arunakapar phuqham, taqi ukanakan jaqitakïtap layku.

Marcos 8:36

¿Kuna askïspas jaqitakixa, taqi akapach yänakax jupankxaspa, ajayupsti apt'asispa ukaxa?

Lucas 10:39

Martax mä kullakanïnwa, jupasti María satänwa, Mariasti Jesús jak'aruw qunt'asïna kuntix siskän uk ist'iri.

Lucas 11:1

Mä kutix Jesusax mä chiqan Diosaruw mayisiskäna, mayisiñ tukuyxipansti, yatiqirinakapat mayniw juparux säna: —Tatay, Diosar mayisiñay yaticht'apxita, kunjämtix Juanax yatiqirinakapar yatichkän ukhama —sasa.

Lucas 12:20

Diosasti juparux sänwa: ‘Pisi amuyt'an jaqi, jichha arumpachaw jiwxäta; kuntix imasiskta ukasti ¿khititakirakïnisti?’ sasa.

Lucas 12:33

Kunatix utjapktam uk aljapxam, ukatsti jan kunanïpki ukanakar churxapxam; ukhamat jan mirq'isir wayaqanak lurasipxäta, alaxpachansti jan tukuskir yänak imasipxäta, kawkhantix lunthatas jan apskani, kharus janirak kharuntkani ukkharu.

Lucas 16:2

Uywiripasti jupar jawsasin säna: ‘¿Kunjämas jumat parlapkitu ukaxa? Apnaqatamat jakthapit katuyxita, janiw juk'amp yänakax apnaqirïkxätati’ sasa.

Lucas 16:25

Abrahamasti juparux sänwa: ‘Wawa, amtasim, jumax jakañaman askinak katuqtaxa, Lazarosti jan walinak katuqi. Jichhasti akan jupax kusisiñ katuqxi, jumarusti t'aqhisiñaw wakt'tam.

Lucas 18:22

Jesusax uk ist'asin sänwa: —Ukampis may jan phuqktati: taqi kunatix utjktam ukanak aljaram, ukatsti jan kunaninakar churam, ukapachaw qamir kankañamax alaxpachan utjätam, ukatsti nayar arkita —sasa.

Lucas 8:18

“Ukhamasti, sum ist'apxam, khitintix utjki juparux juk'ampiw churasini; ukampis khitintix jan utjki jupatxa, kunatix utjañapäki ukamppach apaqasini”.

Juan 11:1

Mä usutaw utjäna, Lázaro sutini, jupasti Betania markankirïnwa, Mariampi, Marta, kullakapampix uka markankirirakïnwa.

Juan 11:19

Walja judionakaw Martampiru, Mariampiru, jilapan jiwatapat chuymachir sarapxatayna.

Juan 12:3

María kullakapasti, nardo quqat apsut chikat litro q'apkir qulla apanïna, uka qullasti wali jila alanïnwa, ukampiw Jesusan kayupar warxatäna, ukatsti ñik'utapampiw phiskhurarakïna. Uka q'apkir qullasti utpacharuw q'aphipampix phuqhantäna.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Juan 5:24

“Qhanak sapxsma, khititix nayan arsutaxar ist'ki, khithankitu ukarus iyawskaraki ukax, wiñay jakañaniwa; janiw juchañchatäkaniti, jan ukasti jiwañat jakañaruw sarakipxi.

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

1 Corintios 13:3

Ukatsti taqi yänakaxtix jan kunaninakar lakinuqirista, pachpa janchixtix nakhantatäñatak katuyirista, ukat janitix munasiñax utjkitaspaxa, uka lurataxax janiw kunatakïkaspasa.

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Deuteronomio 30:19

Alaxpachampi, akapachampiw qhanañchani; jichhürun nayan jumanakar jakañampita, jiwañampita ajllisiñamatak uñachayataxa; ukhamarak aski waxt'äwimpita, ñanqhachäwimpit ajllisipxañamataki. Ukhamax jakañay ajllisipxam, jumanakasa, wawanakamasa jakapxañamataki;

Josué 24:15

Ukampis janitix Tatitur yupaychañ munapksta ukaxa, jichhüruy ajllisipxam khitirutix yupaychañ munapkta ukaru: Éufrates jawir thiyanakan nayra awkinakamax yupaychapkäna uka diosanakaruti, jan ukax, aka uraqin jakir amorreo jaqinakan diosanakaparucha. Ukampis nayampi, wila masinakaxampix Tatituruw yupaychapxä —sasa.

Josué 24:22

Josué chachasti sänwa: —Jumanak pachpaw qhanañchapxtaxa, Tatitur luqtañ ajllisipxatamxa —sasa. Jupanakasti sapxänwa: —Ukhamawa, nanak pachpaw qhanañchapxta —sasa.