Juan 4:14 - Qullan Arunaka DC

¹⁴ nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Aymar Bibliia 1986

¹⁴ Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Qullan Arunaca

¹⁴ Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Juan 4:14 Jak'a apnaqawi uñst'ayäwi

Isaías 49:10

“Janiw manq'at awtjayaskxapxaniti, umatsa pharjayaskxapxaniti, janirakiw lupisa, junt'usa qhatintkxaniti, nayaw jupanakar munta ukat irpta, jalkiri uma thiyanakaruw irparakï.

Isaías 55:1

“Taqi khitinakatix umat pharjatäpkta ukanakax umt'ir jutapxam; jan qullqininakax jutapxam, manq'añatak trigo inak mayisipxam, vinompi, lechempi inak mayisipxam.

Isaías 58:11

Nayax jumarux irpaskapunïmawa, wasaranxa manq'añ jilarkir churäma, janchimarusti ch'amañcharakïmawa, suma qarpata panqar yapjamaw tuküta, uma jalsur uman phuqt'ataw tukurakïta.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 31:25

Qarjatanakaru, jan ch'aman sarnaqirinakarusti manq'añampi, umañampi jilarkir churarakï” sasa.

Ezequiel 47:9

Kawki chiqansa, kawkharutix aka umanakax purkani ukansti, kunayman walja animalanakampi walja chawllanakampiw jakasipxani. Aka jawiran umanakapasti k'allk'u umanakxa suma muxsa umaruw tukuyxani, ukatsti kunayman chawllanakaw utjarakini.

Levítico 11:36

“Taqi khitinakatix uka jiwat animalanakan janchip llamkt'apkani ukanakasti, q'añut uñt'atapunïniwa. Ukampis kawkha phuch'unakattix umax apsutäki uka phuch'ux q'umakipunïskaniwa.

Mateo 25:46

Uka jaqinakasti wiñay t'aqhisiñaruw sarapxani, aski jaqinakasti wiñay jakañaruw sarapxarakini.”

Mateo 5:6

“Kusisiñanïpxiw aski kankañ utjañap munirinakaxa, jupanakax phuqhat uk katuqapxani.

Juan 10:10

“Lunthatax lunthatsuñataki, jiwayañataki, tukjañatakiw juti; ukampis nayax jakañanïpxañamatakiw jutta, jilarkir jakañanïpxañamataki.

Juan 11:26

khititix jakaski, nayar iyawskarakitu ukax, janiw wiñayatak jiwkaniti. ¿Uk iyawstati? —sasa.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Juan 4:11

Warmisti Jesusarux sarakïnwa: —Tata, janiw kunampi um apsuñamas utjkiti, phuch'ux wali manqhawa. ¿Kawkitarak jakkir uma churitasmasti?

Juan 4:13

Jesusasti sarakïnwa: —Aka umat umirinakax wasitatampis pharjayasiskakiniwa;

Juan 4:36

Khititix yapu apthapki ukax payllap katuqasiwa, yapu apthapitapasti wiñay jakañatakiwa, ukhamat yapuchirimpi yapu apthapirimpi kusisipxañapataki.

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Juan 6:35

Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.

Juan 6:58

Alaxpachat saraqanir t'ant'at parlta. Aka t'ant'ax janiw nayra awkinakamax maná t'ant'a manq'apkän ukhamäkiti, jupanakasti manq'apkchïna ukas jiwarasipkakïnwa; ukampis khititix aka t'ant'a manq'kani ukax wiñayatakiw jakani —sasa.

Juan 7:37

Phunchhäwi tukuy urux juk'amp jach'a urünwa. Ukürusti, Jesusax sayt'asisin jach'at arsüna: —Khititix umat pharjatäskchi ukax nayar jutpan, nayar iyawsiristi, ukat umt'arakpan. Kamisatix Qillqatan siski: “Nayar iyawsirin chuymapatxa, jakaskir umani jawiranakaw jalsuni” —sasa.

Romanos 5:21

Kamisatix juchax jiwañ apanis utjantasïnxa, ukhamarakiw Diosan munasiñapax jiwasar aski jaqir tukt'ayasa, Jesucristo Tatitus tuqi wiñay jakañ churas utjantasïna.

Romanos 6:23

Juchan waxt'äwipax jiwañakiwa, Diosan waxt'äwipasti wiñay jakañawa, Jesucristo Tatitusana.

2 Corintios 1:22

Jupaw jiwasanakarux chimpt'istu, chuymasarusti Qullan Ajayu ucharakistu, kuntix churapxämaw siskistu uk katuqañax phuqhasiñapataki.

Efesios 4:30

Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

Apocalipsis 7:16

Janiw manq'atsa umatsa t'aqhiskxapxaniti, janirakiw intis nakhantkaniti, lupis jupanakar jan walt'aykarakiniti,

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.