Juan 14:27 - Qullan Arunaka DC

²⁷ “Samarañ jaytapxsma. Nayan samarañax churapxsma, ukampis uka samarañax janiw akapachax churki ukhamäkiti. Jan llakisipxamti, janirak axsarapxamsa.

Aymar Bibliia 1986

²⁷ “Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Qullan Arunaca

²⁷ “Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Juan 14:27 Jak'a apnaqawi uñst'ayäwi

2 Crónicas 20:30

Josafat reyin marka apnaqañapasti sumakiw sarantäna, Diosaw juparux marka jak'anakapampi suman jakayäna.

Job 34:29

Diosatix amukïspa ukasti, ¿khitirak juchañchaspasti? Jupatix ajanup imantasispa ukasti, ¿khitirak uñjaspasti? Jupaw markanakarusa, jaqinakarus uñch'ukiski,

Salmos 11:1

Tatituw nayan imantasiñaxaxa. Inamayaw sasipkitu: “Jamach'ir uñtat qullur jaltxam.

Salmos 112:7

Jan wali yatiyäwinakarux janiw axsarkiti, Tatitunkasax chuymapax wali thurt'atawa.

Salmos 27:1

Tatituw qhanaxasa, qhispiyasiñaxasa, ¿khitirurak axsarästi? Tatituw jakañaxar arxati, ¿khitirurak axsarästi?

Salmos 28:3

Janikiy qhuru jaqinakamp chika qatatistati, janikiy ñanqha luririnakampis chikachasiyistati, pata chuymakiw jaqi masipampi sumankirix tukupxi, chuymapasti ñanqhan phuqhantatawa.

Salmos 29:11

Tatituw markaparux ch'am churi; jupaw markaparux sumankañ churi.

Salmos 56:11

11 (12) Diosaruw taqi chuyma katuyasta, janiw kunarus axsarkti: ¿Kamacharakitan jaqisti?

Salmos 56:3

3 (4) Axsarayaskta ukapachax jumarukiw alkatsma.

Salmos 72:2

chiqapar uñjañamp markamar irpañapataki, jan yäqat wawanakamar chiqap uñjañapataki.

Salmos 72:7

¡Aski kankañax marka apnaqäwipan panqarpan, sumankañasti phaxsin tukusiñapkam utjpan!

Salmos 85:10

10 (11) Khuyapayasiñampi, aski kankañampix jikisipxaniwa, sumankañampi, chiqapar uñjañampiw mayacht'asipxani,

Salmos 91:5

Axsarkay arum ch'amakarux jan axsarkamti, urun antutat mich'inakarus jan axsarkamti,

Proverbios 3:25

Akatjamat utjir chijinakarux janiw axsarkätati jan wali jaqinakar tukjañ uru jutkani ukarus janirakiw axsarkätati,

Isaías 12:2

Tatit Diosaw nayar qhispiyitu, juparuw iyawsta, janiw kunsa axsarkti. Tatituw nayan arxatirixaxa, nayar ch'amañchirixasa, jupaw qhispiyirixaxa.”

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 41:14

Tatitusti sarakiwa: “Israel, Jacobun markapa, jisk'äskamsa, pisi ch'amäskamsa, jan axsaramti, nayaw yanapaskäma. Naya, Israelan Qullan Diosapa, nayaw qhispiyirimätxa.

Isaías 54:13

Wawanakamarux nayaw yatichä; jupanakatakisti sumankañaw utjani.

Isaías 55:12

“Jumanakax Babiloniat kusisitaw mistunxapxäta, markamarusti sumakiw kuttanxapxäta. Jumanakar uñjasinsti jach'a qullunakasa, jisk'a qullunakas kusisiñat wal q'uchupxani, pampankir quqanakasti t'axllisipxaniwa.

Isaías 57:19

taqinirus sarakïwa: ‘¡Samarañax jayankirinakamp utjpan, ukhamarak jak'ankirinakampisa! ¡Nayaw markaxarux qullt'asxä!’

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 1:8

Jan khitirus axsaramti, nayaw jumar imañatak jumamp chikt'atäskä. Naya Tatituw uk arsta” sasa.

Lamentaciones 3:17

Sumankañas nayat jayarst'xiwa, janiw yatkxti kunäskchix kusisiñasa.

Ezequiel 2:6

Jumasti, jupanakarux jan axsaramti, kuntix sapkätam uka arunakarus janirak axsaramti, ch'aphinakan muyuntatjamas uñjaskchïta, jan ukax alacran sata laq'unak taypinjam jikxataskchïta ukasa. Arunakapar janipun axsaramti, jupanakan mayja uñnaqapxatapatsa janirak mayjt'asimti, qawqha naya tuqi sayt'asir jaqinakäsipkpasa.

Daniel (hebreo) 4:1

1 (31) “Naya, Nabucodonosor reyix muntwa, aka uraqin utjir taqi markanakan jakir jaqinakatakix sumankañasa, taqi kunan phuqt'atäñas utjañapa.

Daniel (hebreo) 6:25

25 (26) Ukapachaw Darío reyix mä qillqat uraqpachan utjir taqi markanakaru, ukhamaraki kunayman arut parlir jaqinakar apayäna, akham sasa: “Jumanak taypin jilarkir sumankañ utjpan.

Zacarías 6:13

Tatitun utap wasitat sayt'ayasinsti, mä reyjamaw jach'añchäwinak katuqani. Reyi qunuñapar qunt'asisaw apnaqani, qunuñap thiyapanxa sacerdotew qunt'asirakini, jupanak taypinsti sumankañaw utjani.

Números 6:26

Tatituy jumarux munasiñamp uñtanpan, sumankañsa churarakpan.’

Mateo 10:26

“Jupanakarux jan axsarapxamti. Janiw kuna imantatas jan uñjatäkaniti, janirakiw kuna jamasankiris jan yatitäkaniti.

Lucas 1:79

khitinakatix ch'amakan jakasipki, ukanakar qhantayañataki, jiwasarus samarañ thakhinjam irpañataki.”

Lucas 10:5

Mä utar mantapkäta ukkhasti, nayraqat aruntapxam: ‘Sumankañax aka utan utjpan’ sasa.

Lucas 12:4

“Munat jilatanakaxa, jumanakaruw sapxsma, janchir jiwayirirux jan axsarapxamti, janiw jupax ukat juk'amp lurkaspati.

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Juan 14:1

Uka qhipatsti Jesusax yatiqirinakapar saskakïnwa: —Jumanakax jan llakisipxamti. Diosar iyawsapxam, nayarus iyawsapxarakita.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Juan 20:19

Uka domingo arumasti, Jesusan yatiqirinakapax judionakar axsaratap laykuw uta punkunak jist'antasisin tantachasipxäna. Jesusasti ukaruw mantäna, jupanak taypin sayt'asin aruntäna, akham sasa: —¡Sumankañax jumanakampïpan! —sasa.

Juan 20:21

Jesusasti wasitampiw jupanakar säna: —¡Sumankañax jumanakampïpan! Kunjämtix Awkix nayar khithankitu, ukhamarakiw jumanakar khithapxsma —sasa.

Juan 20:26

Kimsaqallqu uru qhipatsti, yatiqirinakapax wasitampiw mä utan tantachasipxäna, Tomasisti ukapachax jupanak taypinkänwa. Punkunakax suma jist'antatänwa, Jesusasti ukaruw mantäna, jupanak taypiruw sayt'asïna, ukatsti aruntarakïnwa: —¡Sumankañax jumanakampïpan! —sasa.

Hechos 10:36

Diosax Israelan wawanakaparuw parläna, sumankañ arunak Jesucristo tuqi yatiyasa, jupax taqi jaqinakan Tatitupawa.

Hechos 18:9

Mä arumasti Tatitux mä unañchäwi tuqiw Pablor parlxayäna: “Jan axsaramti, suma yatiyäwi arunak yatiyaskakim, janipun amukt'amti.

Romanos 15:13

Uka suyt'añ churir Diosasti, jupar iyawsapxatam laykux kusisiñampi, sumankañampi jumanakarux phuqhantpan, Qullan Ajayun ch'amapampisti jilarkir suyt'añ jumanakar churpan.

Romanos 5:1

Ukhamasti, Diosax iyawsäwi laykuw aski jaqit katuqxistu, Diosampi sumankañax Jesucristo Tatitus tuqiw utjistu.

Romanos 5:10

Kunapachatix Diosan uñisiripäkäyätan ukkhaw Wawapan jiwatap tuqi jupampi sumankthapxtan, ukatarak jakañap tuqi qhispiyatäñäni, jichhasti jupampi sumankthapitäxtanwa.

Romanos 8:6

Janchin munañaparjam lurañax jiwañaruw puriyi; Ajayun munañap lurañasti, wiñay jakañampiru, sumankañampiruw puriyi.

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Gálatas 6:16

Taqi aka arunakarjam sarnaqirinakax samarañampi khuyapayasiñampi katuqapxam, Diosan Israel markapankir taqpach wawanakapas katuqapxarakim.

Filipenses 4:7

Ukkhakiw Diosax jumanakarux samarañap churapxätam, uka samarañapasti jaqitakix jan amuyt'kayawa; uka samarañarakiw jumanakan chuymanakama, amuyunakamsa imani Cristonkapxatam layku.

Colosenses 1:20

ukatsti aka uraqpachpan Cristo tuqi sumankañ utjañap munarakïna, uka sumankañasti Criston cruzan jiwatap tuqikiw utjäna.

Colosenses 3:15

Criston sumankañapay chuymanakam apnaqpan, Diosasti uka amtäwimpiw mä janchir tukupxañamatak jawsapxtam. Ukatsti yuspagarapxapunim.

2 Tesalonicenses 3:16

Pachpa sumankañan Tatitux jumanakar sumankañ churpan, taqi pachana, kunayman tuqita. Tatitux taqi jumanakampïpan.

2 Timoteo 1:7

Diosax janiw axsarañ ajay churkistuti, jan ukasti ch'amañchir ajayu, munasir ajayu, sum amuyt'ayir ajay churistu.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Hebreos 7:2

Abrahamasti nuwasïwit apaqankatayna ukanakat sapa tunkat maya churäna. Melquisedec sutix “Chiqapar uñjir reyi” sañ muni, ukampis Salem markan reyipat uñt'atarakïnwa, ukasti “Sumankayir reyi” sañ munaraki.

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.