2 Corintios 6:10 - Qullan Arunaka DC

¹⁰ Llakitäpkirista ukham uñjasipxta, ukampis kusisitakipunïsipktwa; jan kunanïpkirista ukham uñjasipxta, ukampis waljaniruw qamiriptayapxta; janis kunanïpkirista ukhamäpxtwa, ukampis janiw kunas pist'apkituti.

Aymar Bibliia 1986

¹⁰ Llact'atäpcta ucasa, cusisitaquipunïsipctwa; jan cunanïpcta ucasa, waljaniruraquiw kamiriptayapjjtjja; janis cunanïpctsa ucampis janiw cunas pist'apcaraquituti.

Qullan Arunaca

¹⁰ Llact'atäpcta ucasa, cusisitaquipunïsipctwa; jan cunanïpcta ucasa, waljaniruraquiw kamiriptayapjjtjja; janis cunanïpctsa ucampis janiw cunas pist'apcaraquituti.

2 Corintios 6:10 Jak'a apnaqawi uñst'ayäwi

Salmos 84:11

11 (12) Diosaw qhan churistu, imarakistu; jan kamskay askin jakirinakarux, jupaw khuyapayasiñampi, aytat kankañampi churi, Tatitux taqi kun churi.

Proverbios 13:7

Yaqhipanakax jan kunanïsinsa, qamirïpkaspas ukhamaw tukupxi; yaqhipanakasti taqi kunanïkasinsa, jan kunanïpkaspas ukhamaw tukupxaraki.

Proverbios 16:16

Qurit sipansa yatiñ kankañ jikxatañaw juk'amp askixa; qullqit sipansa amuyt'a kankañanïñaw askixa.

Mateo 5:12

Kusisitak jakasipxam, jumanakasti alaxpach markan jach'a churäwi katuqapxäta; jumanakat nayra profetanakarux kipkarak uñisipxäna.

Mateo 5:4

“Kusisiñanïpxiw t'aqhisirinakaxa, jupanakax chuymachatäpxaniwa.

Lucas 6:21

“Kusisiñanïpxtaw manq'at jichha awtjayasirinakaxa, jumanakasti sist'atäxapxätawa. “Kusisiñanïpxtaw jichha jachirinakaxa, qhiparusti larusipxätawa.

Juan 16:22

Jichhasti jumanakax llakisipxtawa; ukampis nayax wasitat jumanakar uñjapxäma ukapachasti, chuymanakamax kusisiniwa, janirakiw khitis uka kusisiñ apaqapkätamti.

Hechos 16:25

Niya chika arumarusti, Pablompi Silasampix Tatitut mayisisipkäna, q'uchunak q'uchusipkarakïna, ukchañkamasti carcelan jist'antat yaqha jaqinakax ist'asipkänwa.

Hechos 3:6

Ukampis Pedrox jupar sänwa: —Janiw qurisa, qullqis utjkituti, ukampis kunatix utjkitu uk churäma: Nazaretankir Jesucriston sutiparuw sisma, sayt'asim, sartarakim —sasa.

Hechos 5:41

Ukatsti apostolunakax jilïrinakan nayraqatapat wali kusisitaw mistuwayxapxäna, Diosan jupanakar Jesusan sutip layku t'aqhisiñatak ajllitapata.

Romanos 11:12

Ukhamasti judionakan lanktasitapampi, aynacht'atapampitix jan judiöpkis jupanakan askipatakïchixa, ¡kunja sumakïkani kunapachatix judionakax kutikipstankani ukkhaxa!

Romanos 12:15

Kusisitanakampix kusisipxam, jachirinakampisti jachapxarakim.

Romanos 15:13

Uka suyt'añ churir Diosasti, jupar iyawsapxatam laykux kusisiñampi, sumankañampi jumanakarux phuqhantpan, Qullan Ajayun ch'amapampisti jilarkir suyt'añ jumanakar churpan.

Romanos 8:32

Diosasti pachpa Wawaparuw taqi jiwasanak laykux jiwar katuyi, ukhamasti, ¿kamisarak Wawapamp chika kunsa jan churkistaspasti?

Romanos 9:2

nayan mä jach'a llakiw utjitu, chuymaxansti llakisiñax jan tukuskayawa,

1 Corintios 1:5

Jupa tuqiw Diosax ajay tuqin qamirïñ churapxtam, aru tuqina, yatiñ tuqina,

2 Corintios 2:4

ukampis kunapachatix uka qillqat apayanipksma ukkhax wali llakt'ata, mayjt'ataw jikxatasïyäta, llakisiñatsa jacharakïyätwa. Ukampis janiw llakisipxañamatak apayanipksmati, jan ukasti, kunja jach'äkitix munasiñaxax jumanakatak uk yatipxañamatakiwa.

2 Corintios 4:15

Taqi ukanakasti jumanakan askimatakiw lurasiwayi, ukhamata, Diosan munasiñap katuqirinak utjatapatxa, waljaniraki Diosar yuspagarapxañapataki, Diosan qhapaq kankañapataki.

2 Corintios 4:7

Diosan uka jach'a churäwipasti janchinakasanxa mä ñiq'i phukhun imatjamawa, ukhamat uka jach'a ch'amax jan jiwasat jutatapa, jan ukasti Diosat jutatap yatisiñapataki.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Efesios 3:16

Nayax Dios Awkiruw mayta, muspharkañ qamir kankañapat Qullan Ajayup tuqi jumanakar ch'am churañapataki,

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Filipenses 2:17

Jumanakax Diosar iyawsasaw jupar arkapxtaxa, ukasti juparu luqtäwi katuyatäkaspas ukhamawa. Inas nayarux jiwayapxchitani, jiwataxasti Diosatakix mä luqtäniwa, ukhamäspa ukasti, nayax wali kusisitäyäwa, jumanakampi chikarakiw kusisirakï.

Filipenses 4:4

Tatitunkasax kusisipxapunim. Wasitat sapxsma, ¡Kusisipxam!

Colosenses 1:24

Jichhax jumanak layku t'aqhisisax kusistwa, ukhamat pachpa janchixan kunatix Criston iglesiap layku t'aqhisiñax jan phuqhatäki uk phuqhaskta.

Colosenses 3:16

Ukhamasti Tatitun arunakapax chuymanakamar phuqhantpan. Jumanakkamax taqi amuyt'a chuymampi yaticht'asipxam, iwxt'asipxarakim. Chuymanakaman Diosar yuspagaras ajay q'uchunak q'uchupxam.

1 Tesalonicenses 1:6

Jumanakasti nanakar uñtasa, Cristor uñtasaw arkapxtaxa, ukatsti wali jach'a t'aqhisiñanak taypinsa, kusisiñampiw Qullan Ajayun yatiyäwip katuqapxtaxa.

1 Tesalonicenses 5:16

Kusisitäpunïpxam.

1 Timoteo 4:8

Janchin jalnaqas ch'amachasiñax janchin k'umaräñapatakix askipuniwa, ukampis Tatitur chuyma katuyañatak ch'amachasiñaw taqi kunat sipan askixa, ukasti akapachan jakañatakiw yanapi, jutir pachan jakañatakisti yanaparakiwa.

1 Timoteo 6:18

Kunatix askïk uk lurapxañapatak iwxt'am, aski luräwinakan qamirkipstapxpan, ukatsti kunatix jupanakan utjki uk mayninakar churañatakix jank'akïpxarakpan.

Hebreos 10:34

Jumanakasti carcelankirinakat khuyapt'ayasipxäyätawa, kusisiñampiw yänakamsa aparayasipxäyätaxa, alaxpachan ukat juk'ampi suma wiñayatak katuqañ utjatap yatisina.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

1 Pedro 4:13

Jan ukasti Jesucristjam t'aqhisipxatanakamat kusisipxam, ukhamat kunapachatix jupax qhapaq kankañapamp jutkan ukkhax kusisiñan phuqt'atäpxañamataki.

Apocalipsis 2:9

Nayax taqi luräwinakam yatta, t'aqhisitamsa, pist'añan sarnaqatamsa yatiraktwa, ukampis ajay tuqin qamirïtawa. ‘Judiöpxtwa’ siri jaqinakan jumxat jan wali parlatanakap yatiraktwa, ukampis chiqpachan jupanakax supayan tamapankasipkiwa.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.