2 Samuel 2:5 - Qullan Arunaka DC

ukat Davidax Jabés markankirinakar jaqinak khithäna akham sapxañapataki: “Tatituw jumanakar aski waxt'äwinak churxapxätam, khuyapt'ayasiñ chuymampi Saúl reyin janchip imt'xapxatamata.

Aymar Bibliia 1986

Ucat Davidajj qhitanaca qhitäna aqham sapjjañapataqui: “Tatituw jumanacar bendicipjjätam uqham suma chuymampi Saúl reyir uñjapjjatamata, jumanacar apnakerimaru imt'jjapjjatamata.

Qullan Arunaca

Ucat Davidajj qhitanaca qhitäna aqham sapjjañapataqui: “Tatituw jumanacar bendicipjjätam uqham suma chuymampi Saúl reyir uñjapjjatamata, jumanacar apnakerimaru imt'jjapjjatamata.

2 Samuel 2:5 Jak'a apnaqawi uñst'ayäwi

Génesis 14:19

Ukatsti Abram chacharuw aka arunakampi aski waxt'äwi churäna: “Alaxpachankir Diosaw aski waxt'äwinak churätam, jupasti alaxpacha, akapacha luririwa;

Génesis 14:22

Ukampis Abram chachax sarakïnwa: —Alaxpacha, akapach lurir jach'a Diosaruw juramentompi arsta,

2 Samuel 15:20

Wasürukiw purisinktaxa, ¿kamisarak jichhürusti nanakamp chika sarañamatak mayïmasti? Janiw naya pachpas yatiskti kawksar sarataxsa. Kuttxakim, marka masinakamarus jumamp chik irpasxam. ¡Tatitusti jumar yanappan, jumamp chikapunïpan! —sasa.

2 Samuel 21:12

Saúl reyimpina, Jonatán yuqapampin ch'akhanakap aptiriw saräna, uka ch'akhanakasti Galaad uraqinkir Jabés markan utjasir jaqinakan amparapankänwa. Uka jaqinakasti Saúl reyin amayap Bet-sán plazat lunthatawayapxatayna, uka plazaruw filisteo jaqinakax kunürutix Guilboa chiqan Saúl reyir atipjapkäna ukürux amayanak warkkatapxatayna. Ukampis Jabés markankir jaqinakax, uka amayanak lunthatawayasin, markapan imt'xapxäna.

Salmos 115:15

¡Alaxpach akapach lurir Tatitux askinakapay jumanakar churpan!

Josué 2:14

Jupanakasti sapxänwa: —Jumatix nanakan jutataxa jan khitirus yatiykäta ukaxa, nanakax pachpa jakañanakaxampiw jumanakat sayt'apxä. Kunapachatix Tatitux aka uraq churapkitan ukkhaxa, nanakasti jumatxa khuyapt'ayasipxämawa, arsutanakaxsa janiw mayjaptayapkäti.

Jueces 21:8

Ukat jiskt'apxäna: ¿Akan utjpachati Mispá markana Dios nayraqatar jan uñstir israelitaxa?” sasa. Ukapachaw jupanakax amtapxäna, Galaad chiqankir Jabés markat jan maynisa uka tantachasïwiru jutapxatapa,

Rut 1:8

Thakhinjam sarkasasti, Noemí mamax yuxch'anakaparuw säna: —Jumanakax sarxapxam, utanakamar taykanakam thiyar kutt'xapxam. Tatitux jumanakat khuyapayaspan, kunjämtix jumanakax nayatsa yuqanakaxatsa khuyapasipkista ukhama,

Rut 2:20

Noemí mamasti yuxch'aparux sarakïnwa: —¡Uka chachax Tatitun aski waxt'äwip katuqpan! Jupasti jichhax jiwasar khuyapayistuwa, kunjämtix nayrapachax jiwir wila masinakasar khuyapt'ayirïkän ukhama. Uka jaqix jiwasan jak'a wila masisawa, jupaw wila masinak taypit jiwasar khuyapt'ayasistaspa —sasa.

Rut 3:10

Booz chachasti sänwa: —¡Tatitux waxt'äwip jumar churpan! Jiwir chachamatakix chiqa chuymanïtam uñacht'ayista. Chacht'asiñ munasax qamirïpasa, jan utjirinïpas nayat juk'amp wayna jaqi thaqhasisamäna; ukampis janiw ukham lurktati.

1 Samuel 11:1

Nahas sat Amón uraqin reyipasti, Galaad tuqin Jabés sat chiqaruw saräna, ukansti markar tukjañatakix mä ejército wakicht'äna. Ukampis Jabés chiqan utjir jaqinakax juparux sapxänwa: —Nanakampi mä amtäwir mantam, ukat jumarux jaysapxäma —sasa.

1 Samuel 11:9

Ukatsti purinipki uka khithatanakarux akham sänwa: —Jichhax Jabés chiqan utjiri jaqinakarux sapxam, qharüru chika uruw jupanakarux qhispiyatäni —sasa. Khithatanakasti sarasin Jabés chiqan utjasirinakaruw yatiyapxäna, jupanakasti wal kusisipxäna.

1 Samuel 15:13

Ukatsti Samuelux Saúl reyin ukaruw saräna, juparusti sänwa: —Tatitux jumar jach'añchpan. Nayax Tatitun arsutanakaparux phuqxtwa —sasa.

1 Samuel 23:21

Saúl reyisti sarakïnwa: —¡Tatitux jumanakar jach'añchpan nayat khuyapt'ayasipxatamata!

1 Samuel 24:19

19 (20) Chiqpachansa, janiw khitis uñisiripar katjasax ukhamak khithanukkaspati. Ukhamasti, ¡Tatituy jumarux askimpi kuttaypan, kuntix jichhürux nayampi lurkta ukanakatxa!