Josué 2:14 - Qullan Arunaka DC

¹⁴ Jupanakasti sapxänwa: —Jumatix nanakan jutataxa jan khitirus yatiykäta ukaxa, nanakax pachpa jakañanakaxampiw jumanakat sayt'apxä. Kunapachatix Tatitux aka uraq churapkitan ukkhaxa, nanakasti jumatxa khuyapt'ayasipxämawa, arsutanakaxsa janiw mayjaptayapkäti.

Aymar Bibliia 1986

¹⁴ Jupanacasti warmirojj sapjjänwa: —Jumatejj jan qhitirus yatiycäta nanacan jutatajj-jja, nanacasti jacañanacajjampiw jumatjja sayt'apjjä cunapachatï Diosajj aca orak churapquitan ucqhajja, nanacasti jumatjja qhuyapayasipjjämawa, ucatsti uñjaraquïtaw nanacan arunacajjaru phokhatanacajja.

Qullan Arunaca

¹⁴ Jupanacasti warmirojj sapjjänwa: —Jumatejj jan qhitirus yatiycäta nanacan jutatajj-jja, nanacasti jacañanacajjampiw jumatjja sayt'apjjä cunapachatï Diosajj aca orak churapquitan ucqhajja, nanacasti jumatjja qhuyapayasipjjämawa, ucatsti uñjaraquïtaw nanacan arunacajjaru phokhatanacajja.

Josué 2:14 Jak'a apnaqawi uñst'ayäwi

Génesis 24:49

Jichhax sapxita: ‘Jumanakax uywirixar aski lurapxasmati, janicha, jan wakiskchi ukasti sapxarakita, nayan kuna lurañsa amuyt'asiñaxataki’ sasa.

Génesis 47:29

Mä urusti Jacobux jiwirjamäxänwa, ukat José yuqapar jawsayasin jupar säna: —Chiqpachapuni munaschista ukaxa, amparam lankhu charax manqhar ucham, ukatsti kuntix maykäma uk phuqhañatak juramento lurarapita. ¡Janipuniw Egipto uraqir imayitätati!

2 Samuel 2:5

ukat Davidax Jabés markankirinakar jaqinak khithäna akham sapxañapataki: “Tatituw jumanakar aski waxt'äwinak churxapxätam, khuyapt'ayasiñ chuymampi Saúl reyin janchip imt'xapxatamata.

2 Samuel 2:6

Tatituy khuyapayasiñampi, chiqa chuymampi jumanakar uñjpan. Nayasti, ukham lurapxatamat sum jumanakarux uñjapxarakïma.

2 Samuel 9:1

Mä urusti, Davidax yanapirinakaparuw jiskt'äna: “¿Saúl reyin wila masinakapat maynis jakaskiti, nayan Jonatanat amtasisa yanapt'añaxataki?” sasa.

1 Reyes 20:39

Reyix uka chiqa saraskäna ukapachaw profetax jach'at jupar art'äna: —Nayax rey, nuwasiñ taypin jikxatasiyäta, ukansti mayniw mä katuntat jaqi uñjañaxatak katuyitu, sarakituwa: “Aka jaqi uñjäta, jaltayät ukkhasti, jakañap jakañamampiw phuqhitäta, jan ukax kimsa waranqa qullqi churitäta” sasa.

Proverbios 14:22

Ñanqha lurañ thaqhirinakax, maysaruw saranukupxi; aski lurañ thaqhirinakasti munasiñampi, chiqampi jikxatapxi.

Proverbios 18:24

Yaqhip masinakax jank'akiw apanukusi, ukampis mayni masinakax jilasat sipan juk'ampiwa.

Mateo 5:7

“Kusisiñanïpxiw khuyapayirinakaxa, Diosasti jupanakarux khuyapayarakiniwa.

Hechos 23:22

Ukatsti jilïrix uka yuqall wawar khitharpayasax sarakïnwa: —Kuntix yatiykista uk janiw khitirus arsütati —sasa.

Josué 2:13

ukatsti awkixaru, taykaxaru, jilanakaxaru, kullakanakaxaru, taqi jupanakampïpki ukanakarus janiy jiwayapxampti. ¡Taqiniruy jiwañat qhispiyapxita —sasa.

Josué 2:15

Rahab warmin utapax markar muyuntki uka pirqa patankänwa, ukatsti uka pä chacharux mä wiskata uta ventanap chiqa warkuqäna.

Josué 6:17

Aka markampi, kunanakatix ukan utjki ukanakamppachax q'ala tukjatäniwa, Tatituw ukham lurasiñapatak arsu uka layku. Ukampis Rahab jan wali sarnaqir warmimpiru, utapan imantasitäpkani ukanakarukiw jakañapax qhispiyatäni, khitkäyätan uka uñaqir chachanakar jupan imantatap layku.

Josué 6:22

Josué chachasti kawkïr chachanakatix uraq uñaqanipkatayna uka pani chacharux sänwa: “Uka Rahab warmin utapar sarapxam, ukatsti juparux taqi utapankirinakapamp chika irpsunipxam, kunjämtix jumanakax sapkatäta ukhamar phuqhasa.

Josué 6:25

Josué chachax Rahab warmimpiru, wila masinakapampirukiw jakañap qhispiyäna, jupaw kawkïr uñaqirinaktix Josué chachax Jericó markar khitkatayna uka pani chachanakar imantäna uka layku. Ukat Rahab warmin saraqiri wawanakapax jichhürkama israelitanak taypin jakasipki.

1 Samuel 20:8

Ukhamax nayar yanapt'itaya, juman luqtirimätwa, ukhamarus Tatit nayraqatan jila masïñatakiw juramento lurtanxa. Jichhasti, nayan juchaxächi ukax juma kipka jiwayita. Janiw wakiskiti awkiman ukaru nayar irpañamaxa —sasa.