2 Samuel 2:4 - Qullan Arunaka DC

⁴ Uka qhipatsti Judá uraqinkir jaqinakaw ukar purintanipxarakïna, ukatsti ukan Davidarux Judá markan reyipäñapatak utt'ayapxäna. Juparusti Galaad chiqankir Jabés markankir jaqinakan Saúl reyir imt'xapxatap yatiyapxäna,

Aymar Bibliia 1986

⁴ Ucaruw Judá tokenquir jakenacajj purintanipjjaraquïna, ucanwa Davidarojj Judá marcan reyipäñapataqui utt'ayjjapjjaraquïna. Davidarusti yatiyapjjaraquïnwa Jabes de Galaad sisqui ucsa jakenacan Saúl reyir imantjjatapa.

Qullan Arunaca

⁴ Ucaruw Judá tokenquir jakenacajj purintanipjjaraquïna, ucanwa Davidarojj Judá marcan reyipäñapataqui utt'ayjjapjjaraquïna. Davidarusti yatiyapjjaraquïnwa Jabes de Galaad sisqui ucsa jakenacan Saúl reyir imantjjatapa.

2 Samuel 2:4 Jak'a apnaqawi uñst'ayäwi

2 Samuel 19:11

11 (12) Uka arunakasti Israel markpachan ist'asïna, David reyin utapkamarakiw puritayna. Ukat Davidax Sadoc, Abiatar sacerdotenakar mä iwxa apayäna, akham sasa: “Jumanakax Judá markankir jilïr jaqinakamp parlapxam, kunatsa jan jichhakam nayaru reyi utaxar kuttayanxapxitu,

2 Samuel 19:42

42 (43) Judá markankir jaqinakasti israelitanakarux sapxarakïnwa: —¿Kunatarak mayjt'asipxtasti? Reyix nanakan jak'a wila masixawa. ¿Reyin uywatati nanakasti jakasipkta, jan ukax, kuna yänakcha nanakatak katuntasipxtxa? —sasa.

2 Samuel 2:11

Ukat Davidax Hebrón markan qhiparäna, ukatsti paqallq mara, suxta phaxsiniw Judá marka apnaqäna.

2 Samuel 2:7

Jichhasti jumanakax ch'am katxatapxam, janirak thayjtapxamti, jumanakar apnaqir Saúl reyix jiwatäkchi ukasa, jichhasti Judá ayllunkirinakaw nayar reyit utt'ayitu jumanakar apnaqañataki” sasa.

2 Samuel 21:11

Davidasti kuntix Saúl reyin Rispá uñt'atapax lurkatayna uk yatisinxa,

2 Samuel 21:12

Saúl reyimpina, Jonatán yuqapampin ch'akhanakap aptiriw saräna, uka ch'akhanakasti Galaad uraqinkir Jabés markan utjasir jaqinakan amparapankänwa. Uka jaqinakasti Saúl reyin amayap Bet-sán plazat lunthatawayapxatayna, uka plazaruw filisteo jaqinakax kunürutix Guilboa chiqan Saúl reyir atipjapkäna ukürux amayanak warkkatapxatayna. Ukampis Jabés markankir jaqinakax, uka amayanak lunthatawayasin, markapan imt'xapxäna.

2 Samuel 5:17

Filisteonakax Davidan Israel markxar reyit utt'ayatäxatap yatisasti, jupanakax taqiniw Davidar thaqtir sartapxäna; Davidasti uk yatisin imantasiñ chiqaruw sarxäna.

2 Samuel 5:3

Ukhamaw Israelankir taqpach jilïr jaqinakapax Hebrón markar David reyimp parlir sarapxäna, jupasti Tatitun nayraqatapan mä arust'äwi jupanakamp lurarakïna. Ukatsti jupanakax Israelan reyipat Davidar utt'ayapxäna.

2 Samuel 5:5

Hebrón markanxa paqallqu chikatan maraw Judá uraqin reyipäna, Jerusalén markansti kimsa tunka kimsan maraw taqpach Israel markampiru, Judá markampir apnaqawayäna.

2 Reyes 11:12

Ukapachaw Joiadá sacerdotex reyin Joás wawapar irpsunïna, ukat jupan p'iqiparux reyi pillu uchäna, ukatsti marka apnaqañ yatichäwi qillqatanak churarakïna, p'iqipar aceite warxatasinsti reyit utt'ayäna. Ukxarusti taqiniw amparanakap t'axllirasipxäna, jach'at art'asipxarakïna: “¡Jallalla rey!” sasa.

1 Crónicas 10:11

Kunapachatix Galaadankir Jabés chiqan jakirinakax filisteonakan Saúl reyir ukham lurapxatap yatipxän ukkhasti,

1 Crónicas 11:3

Ukhamaw Israel markan jilïr jaqinakax Hebrón chiqar David reyimpi parlir sarapxäna, Tatitun nayraqatapansti, Davidampix mä arust'äwi lurapxäna. Ukatsti Davidarux Israel marka apnaqiripat utt'ayapxäna, kunjämtix Diosax Samuel tuqi arskän ukhamaru.

1 Crónicas 12:23

23 (24) Hebrón chiqan nuwasiñatak wakicht'atax akanakaw Davidampix mayacht'asipxäna, Saúl reyin marka apnaqañap katuyxañataki, kunjämtix Tatitux siskän ukhamaru:

1 Samuel 16:13

Ukspachaw Samuelux aceiten uchat waxra aptasin uka waynarux jilanakapan nayraqatapan aceitempi p'iqipxar warxatasin reyïñapatak yaqhachxäna, uka waynasti David satänwa. Ukat uksarusti Tatitun ajayupaw jupxankäna. Ukatsti Samuelux Ramá chiqaruw sarxäna.