1 Samuel 23:21 - Qullan Arunaka DC

²¹ Saúl reyisti sarakïnwa: —¡Tatitux jumanakar jach'añchpan nayat khuyapt'ayasipxatamata!

Aymar Bibliia 1986

²¹ Saúl reyisti saraquïnwa: —¡Diosajj jumanacar bendispan nayat qhuyapt'ayasipjjatamata! —sasa.

Qullan Arunaca

²¹ Saúl reyisti saraquïnwa: —¡Diosajj jumanacar bendispan nayat qhuyapt'ayasipjjatamata! —sasa.

1 Samuel 23:21 Jak'a apnaqawi uñst'ayäwi

Génesis 20:13

Kunapachatix Diosax awkixan utapat irpsunkitu ukkhaxa, nayax juparux sistwa, kawkharutix purkañäni ukanxa, nayatxa “jilaxawa” sañapapuni —sasa.

2 Samuel 2:5

ukat Davidax Jabés markankirinakar jaqinak khithäna akham sapxañapataki: “Tatituw jumanakar aski waxt'äwinak churxapxätam, khuyapt'ayasiñ chuymampi Saúl reyin janchip imt'xapxatamata.

Salmos 10:3

Ñanqha lurir jaqix munapayatapat jach'achasi; Tatiturusti ñanqhachji, jisk'achjarakiwa.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Jueces 17:2

jupasti mä urux taykaparuw säna: —Waranqa patakan qullqi lunthatktam uka lunthatar ñanqhachir ist'sma. Nayätwa jumaru uka qullqi lunthatirixa; nayaw katuskta, jichhasti kuttayxämawa, Tatitutak yaqhachatam ist'ta, qullqimpi jawikipat mä ídolo lurayañataki. Ukat uka qullqi kuttayxäna. Taykapasti sänwa: —¡Munat wawaxay, Tatituy jumar aski waxt'äwip churpan! —sasa.

1 Samuel 15:13

Ukatsti Samuelux Saúl reyin ukaruw saräna, juparusti sänwa: —Tatitux jumar jach'añchpan. Nayax Tatitun arsutanakaparux phuqxtwa —sasa.

1 Samuel 22:8

Jumanakax taqiniw nayatak jan wali amtapxtaxa, janiw khitis wawaxampi Jesé jaqin yuqapampi mä amtäwi luratapat yatiykituti; janirakiw khitis nayat amtasipkistati; janiw khitis siskituti kuntix yuqaxax yanapirixar nayar jan wal lurañ amtayatapatxa, kunjämtix jichhax wakichasiski ukhama —sasa.

1 Samuel 23:22

Achikt'asipxsmawa, jichhax sarapxam, ukatsti kawkhanpunsa jikxatasi uk sum uñaqanipxam, jupan wali sallqätap yatiyapxitu.