Rut 2:20 - Qullan Arunaka DC

²⁰ Noemí mamasti yuxch'aparux sarakïnwa: —¡Uka chachax Tatitun aski waxt'äwip katuqpan! Jupasti jichhax jiwasar khuyapayistuwa, kunjämtix nayrapachax jiwir wila masinakasar khuyapt'ayirïkän ukhama. Uka jaqix jiwasan jak'a wila masisawa, jupaw wila masinak taypit jiwasar khuyapt'ayasistaspa —sasa.

Aymar Bibliia 1986

²⁰ Noemí warmisti juparojj saraquïnwa: —¡Diosasti juparojj bendizpan! Jupasti jichhajj jiwasarojj sum uñjistu, cunjämatï nayrajj jiwirinacampi lurcäna uqhama. Uca jakesti jiwasan familiasawa, ucatwa jiwasaru khespiyañapajj wact'i.

Qullan Arunaca

²⁰ Noemí warmisti juparojj saraquïnwa: —¡Diosasti juparojj bendizpan! Jupasti jichhajj jiwasarojj sum uñjistu, cunjämatï nayrajj jiwirinacampi lurcäna uqhama. Uca jakesti jiwasan familiasawa, ucatwa jiwasaru khespiyañapajj wact'i.

Rut 2:20 Jak'a apnaqawi uñst'ayäwi

2 Samuel 2:5

ukat Davidax Jabés markankirinakar jaqinak khithäna akham sapxañapataki: “Tatituw jumanakar aski waxt'äwinak churxapxätam, khuyapt'ayasiñ chuymampi Saúl reyin janchip imt'xapxatamata.

2 Samuel 9:1

Mä urusti, Davidax yanapirinakaparuw jiskt'äna: “¿Saúl reyin wila masinakapat maynis jakaskiti, nayan Jonatanat amtasisa yanapt'añaxataki?” sasa.

Job 19:25

Nayax Diosaxan jakaskatap yattwa, jupaw aka uraqin nayan arxatirixäni.

Proverbios 17:17

Mä jilat masix, taqi pachan munasiripuniwa; llakisiñansti, jilamäkaspa ukham chuymachasi.

Levítico 25:25

“Mayni marka masimatix aynacht'at uñjasini, ukat uraqipa jumar aljätam ukaxa, mayni jak'a wila masipaw kuntix wila masipax aljkatayna uka uraq kutsuyir jutani.

Filipenses 4:10

Walpun nayax kusista jumanakan nayat amtasipxatamata. Janiw ukampix nayat armasipxpachawa sañ munkti, jan ukasti janiw kunjämatsa nayar yanapt'añ jikxatapkäyätati.

Rut 2:21

Rut warmix ukxar sänwa: —Jupasti nayarux sarakituwa: “uywatanakaxamp chik irnaqaskakim yapu apthapiñ tukusiñapkama” —sasa.

Rut 3:12

Chiqpachansa, jak'a wila masimätwa, ukampis juman yaqha nayat sipan juk'ampi jak'a wila masimax utjaskiwa.

Rut 4:14

Wawax yurkäna ukkhasti, Belenankir warminakax Noemí mamarux sapxänwa: —¡Tatitux jach'añchatäpan, jupaw jichhürux mä allchhi apayantam, jumar uywañapataki! ¡Uka allchhimasti Israel markan wali aytat jaqïpan!

Rut 4:4

Nayax uk jumar yatiyañ munsma, jumatix alasiñ munasmaxa, jichhpach alasim aka jilïr jaqinak nayraqatana. Elimélec chachan jak'a wila masipätam laykusti, uraqip alasxañamax wakt'tamwa. Jumatix jan alasiñ munkstaxa, nayar yatiyxita, jumxarusti nayaruw wakt'itu —sasa. Uka wila masisti ukxarux sänwa: —Alasïwa —sasa.

Rut 4:6

Uka arunak ist'asasti uka wila masix sänwa: —Ukhamïpanxa janiw alaskiristti, janiw nayax wawanakaxar jan walir uchañ munkti. Ukampis jumatix alasiñ munstaxa, alasiskakim, kuna lurañatix nayar wakt'kitu uk jumaruw churxsma —sasa.