1 Juan 3:14 - Qullan Arunaka DC

Jiwasax jiwañat jakañaruw sarakipxtan, uksti jilanakasar munatas laykuw yattan. Khititix jan munki ukax jiwatäskiwa.

Aymar Bibliia 1986

Jiwasajj jiwañat jacañaruw pasawayjjtan, acsti yatiwaytanwa jilanacasaru munatas laycu. Qhititejj jake masipar jan munqui ucajja jiwataquïsquiwa.

Qullan Arunaca

Jiwasajj jiwañat jacañaruw pasawayjjtan, acsti yatiwaytanwa jilanacasaru munatas laycu. Qhititejj jake masipar jan munqui ucajja jiwataquïsquiwa.

1 Juan 3:14 Jak'a apnaqawi uñst'ayäwi

Salmos 16:3

Akapach aytat jaqinakan kusisiñ jikxatirinakax sapxiwa: aka uraqinkir diosanakax ch'amaniwa, sasa.

Proverbios 21:16

Ch'ikhi kankañamp jan sarnaqir jaqixa, jiwatanak taypiruw purini.

Mateo 25:40

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.

Lucas 15:24

Aka wawaxasti jiwatänwa, jichhax jaktanxiwa; chhaqhatänwa, jichhasti jikxatatäxiwa’ sasa. Ukat phunchhäwi lurañ qalltapxäna.

Lucas 15:32

Ukampis wakisiw kusist'añaxa, aka jilamax jiwatänwa, jichhasti jaktanxiwa: chhaqhatänwa, jichhasti uñstanxiwa’ ” sasa.

Lucas 7:5

jupax markasar muniriwa, jupa kipkaw jiwasan sinagogas lurayaraki —sasa.

Juan 13:35

Jumanakatix maynit maynikam munasipxätaxa, taqiniw nayan yatiqirinakäpxatam amuyapxani —sasa.

Juan 15:12

Nayan kamachixax akawa: Maynit maynikam munasipxam, kamisatix nayax jumanakar munasipxsma ukhama.

Juan 15:17

Ak jumanakar mayipxsma: Maynit maynikam munasipxam.

Juan 5:24

“Qhanak sapxsma, khititix nayan arsutaxar ist'ki, khithankitu ukarus iyawskaraki ukax, wiñay jakañaniwa; janiw juchañchatäkaniti, jan ukasti jiwañat jakañaruw sarakipxi.

2 Corintios 5:1

Jiwasanakax akapachankir utar uñtatakïtanwa, apnaqañ utar uñtata, ukax janiw wiñayatakïkiti; ukampis yattanwa, uka utatix tukusinixa, Diosax alaxpachan wiñay uta wakicharapistu, ukasti janiw jaqinakan amparapampi luratäkiti.

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Efesios 1:15

Ukalayku, Jesucristo Tatitur jumanakan iyawsapxatam yatisina, qullan markankirinakatak munasiñanïpxatamat ist'asaxa,

Efesios 2:1

Jumanakax nayrax ñanqha lurañanakana, jucha lurañanakan jakasax

Efesios 2:5

Ukat Cristompi chika jakañ churistu, juchanakasan jiwataskchïyätan ukasa. Jumanakax Diosan khuyapayasiñapat qhispiyasiñ katuqapxtaxa.

Colosenses 1:4

Jumanakan Jesucristor iyawsapxatam yatipxta, Diosan q'umachat markapankirinakar munapxatam yatipxarakta,

1 Tesalonicenses 4:9

Jilatanak pura munasiñxatsti janiw jumanakar qillqaniñax wakiskxiti, pachpa Diosaw jumanakar maynit maynikam munasiñ yatichapxtam.

Hebreos 13:1

Maynit maynikam jilapurjam munasipxam.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 3:8

Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.

2 Pedro 1:7

Diosar munañarusti, jilapurjam sarnaqañampi; jilapurjam sarnaqañarusti, munasiñampi.

1 Juan 2:3

Diosan kamachinakaptix phuqhañän ukkhaxa, jupar uñt'atas yatisipxtan.

1 Juan 3:23

Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.

1 Juan 4:12

Diosarux janipuniw khitis uñjkiti, ukampis jiwasatix maynit maynikam munasiñäni ukkhaxa, Diosax jiwasan jaki, munasiñapasti jiwasan uñstaraki.

1 Juan 5:13

Aksti Diosan Yuqapar iyawsirinakaruw qillqanipxsma, wiñay jakañanïpxatam yatipxañamataki.

1 Juan 5:2

Kunapachatix Diosar munasitasampi arsutapar phuqhapktan ukkhaxa, Diosan wawanakapar munasitas yatiraktan.