2 Corintios 5:1 - Qullan Arunaka DC

¹ Jiwasanakax akapachankir utar uñtatakïtanwa, apnaqañ utar uñtata, ukax janiw wiñayatakïkiti; ukampis yattanwa, uka utatix tukusinixa, Diosax alaxpachan wiñay uta wakicharapistu, ukasti janiw jaqinakan amparapampi luratäkiti.

Aymar Bibliia 1986

¹ Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.

Qullan Arunaca

¹ Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.

2 Corintios 5:1 Jak'a apnaqawi uñst'ayäwi

Génesis 3:19

Sapüru manq'añamsti jump'imampiw jikxatäta, ukax jiwañamkamäniwa, laq'ata luratäkta uka laq'ar kuttañamkama, laq'ätawa, laq'arurakiw tukxäta —sasa.

Job 30:22

Thayampiw apayista, jach'a thayampiw thalsuyarakista,

Job 4:19

¡ukatsa juk'ampiw jaqir jan alkatkaspati, jaqin t'ukhätap layku, laq'a patxar utachat ñiq'i utar uñtatätap layku, ukanakasti thuthar uñtat pallalljatäspawa!

Salmos 56:9

9 (10) Jumat yanap maykäm ukapachaxa, nayampi timasirinakax jayaruw jaltxapxani. Nayax yattwa, Diosan nayar arxatirïtapa.

Isaías 38:12

Utaxsa t'unthapipxiwa, aparapxarakituwa, awatirinakan chhujllanakapäkaspas ukhama. Jakañaxax mä sawurin sawupäkaspas ukhamänwa, telarat khuchhuqki ukar uñtata. Uruy arumaw t'aqhisiyista.

Marcos 14:58

—Nanakax aka jaqirux akham siri ist'apxta: “Nayaw jaqin lurat aka Tatitun utap tinkuyä, ukatsti kimsürut jaqin jan lurat yaqha uta sayt'ayarakï” —sasa.

Hechos 7:48

Ukhamäkipansa, alaxpachankir Diosax janiw jaqinakan amparanakapamp lurat utanakan jakaskiti, ukham mä profeta tuqi säna:

1 Corintios 3:9

Jiwasanakax Diosan luräwipan irnaqir masinakapäpxtanwa, jumanakasti yapuchat yapunakäpxtawa, Diosan utachat utäpxaraktawa.

2 Corintios 4:7

Diosan uka jach'a churäwipasti janchinakasanxa mä ñiq'i phukhun imatjamawa, ukhamat uka jach'a ch'amax jan jiwasat jutatapa, jan ukasti Diosat jutatap yatisiñapataki.

2 Corintios 5:4

Akapachankir utan jakkasax t'aqhistanwa, ayquraktanwa, janiw q'alaläñ munktanti, jan ukasti isthapitäñ muntanxa, ukhamat kunatix jiwirïki ukax, machaq jakañamp chhaqtayatäñapataki.

Colosenses 2:11

Cristonkxapxatam laykuw jumanakax circuncisión katuqxapxtaxa, janiw jaqin circuncisión luratapampiti, jan ukasti Diosax Cristompi mayachapktam uka layku, ukatsti jucha lurañanakat qhispiyapxaraktam.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

Hebreos 11:10

Abrahamax uka suma utt'ayat marka suyt'askäna, Diosan lurt'at marka.

Hebreos 9:11

Ukampis Cristox niy jutxiwa, jichhasti jupaw aski luräwinakat Jilïr sacerdoter tukxi. Jupasti kawkha qullan utantix sacerdotëki uka utax juk'amp sumawa, phuqhatarakiwa, janiw akapachankir jaqinakan luratäkiti.

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.

1 Pedro 1:4

ukhamarakiw jumanakarux kuntix Tatitux alaxpachan suma churäwi imarapipktam uk katuqayapxätam, ukasti janiw tukjatäkaspati, janiw q'añuchatäkaspasa, janirakiw mä panqarjamas wañskaspati.

2 Pedro 3:11

Niyakitix taqi kunas ukham tukjaschinixa, jumanakax Tatit chuyma, jupar katuyasit jakapxañamawa.

1 Juan 3:14

Jiwasax jiwañat jakañaruw sarakipxtan, uksti jilanakasar munatas laykuw yattan. Khititix jan munki ukax jiwatäskiwa.

1 Juan 3:19

Jiwasax ukhamat chiqankatas yatisiñäni, ukatsti Diosan nayraqatapan chuymas chuymaw jikxatasiñäni;

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.