1 Pedro 3:8 - Qullan Arunaka DC

⁸ Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.

Aymar Bibliia 1986

⁸ Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.

Qullan Arunaca

⁸ Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.

1 Pedro 3:8 Jak'a apnaqawi uñst'ayäwi

Salmos 103:13

Kunjämatix mä awkix wawanakapat khuyapayaski, ukhamaw Tatitux iyawsirinakapat khuyapayasi;

Proverbios 28:8

Jila jalaqtampi qullqi mayt'as qamir yänak waljaptayir jaqix, jan kunan jaqinakat khuyapayasir jaqitakiw waljaptayaski.

Zacarías 7:9

“Aksti nayaw arsta: Jumanakasti taripañanakamanxa chiqäpxapunim, maynit maynikam munasirïpxam, khuyapayasirïpxarakim.

Mateo 18:33

¿Janit jumax irnaqir masimat nayjam khuyapayasiñamax wakiskänxa?’ sasa.

Lucas 10:33

Ukampis Samariankir mä jaqiw uka kipka thakhinjam saraskäna, uka jaqir uñjasasti, wal khuyapt'ayasïna.

Hechos 2:1

Pentecostés uruyañ uru purinipansti, iyawsirinakax taqpachaniw mayawjanak tantachasipxäna.

Hechos 27:3

Qhipürusti Sidón sat puertoruw puripxta. Julio capitanax Pablor suma chuymampiw uñjäna, jilat masinakapar tumpt'iris sarayänwa, jupanakat kuna yanap mayisirisa.

Hechos 28:7

Ukawja jak'ansti Publio sat chachan uraqinakapaw utjäna, jupasti uka Malta wat'an wali aytat jaqïnwa. Publio chachax wali sum katuqapxitu, kimsüruw ukan sum uñjt'apxarakitu.

Hechos 4:32

Diosar iyawsirinakax waljanïnwa, jupanakasti mä chuymakïpxänwa, mä amtañanikïpxarakïnwa. Utjir yänakapax taqininkänwa, ukanakat janiw khitis: “Nayankituwa” siskänti.

Romanos 12:10

Maynit maynikamax jilapurjam munasipxam, purapat yäqasisa.

Romanos 15:5

Diosakiw ch'amampi, chuymachasiñamp churirixa, jupay jumanakarux maynit maynikam suman jakasiñatak yanappan, Jesucriston sarnaqäwiparjama,

1 Corintios 1:10

Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

1 Corintios 12:26

Janchisan mä chiqatix t'aqhischixa, taqi chiqaw t'aqhisiraki, mä chiqatix yäqatächixa, taqpachaniw kusisipxi.

Efesios 4:2

Alt'at chuymanïpxam, munasirïpxarakim; llamp'u chuymanïpxam, maynit maynikamasti munasiñampi uñjasipxam;

Efesios 4:31

Jumanak taypitsti apanukupxam: k'allk'usiñanaka, jan wali munañanaka, thithiñanaka, arnaqjasiñanaka, tuqisiñanaka, kunayman ñanqha lurañanaka.

Efesios 4:32

Ukatsipana jumanakax suma chuymanïpxam, maynit maynikam khuyapt'ayasisa, purapat pampachasipxam, kunjämtix Diosax jumanakar Cristo tuqi pampachapktam ukhama.

Filipenses 2:3

Janipun kunsa purapat ch'axwasa, jach'a jach'a tukuñ munasas lurapxamti, jan ukasti llamp'u chuymampi taqi kunsa lurapxam, sapa maynix jupat juk'amp sumäkaspas ukham uñjapxam.

Filipenses 3:16

Ukhamasti, kuntix katuqapktan ukarjam jakañasaw wakisi.

Colosenses 3:12

Diosaw jumanakarux munasipxtam, jupan qullan markapankañatakiw ajllisipxtam. Ukhamax khuyapayasiñampi, suma jaqïñampi, jisk'ar tukuñampi, llamp'u chuymanïñamp isthapit sarnaqapxam.

Hebreos 13:1

Maynit maynikam jilapurjam munasipxam.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

Santiago 5:11

Jiwasasti khitinakatix t'aqhisipki jupanakarux “kusisiñaniwa” sistanwa. Jumanakax kunjämtix Job chachax t'aqhiskän uk ist'apxtawa, ukatsti kunjämtix Tatitux tukuyar jupampi lurkän uk yatipxaraktawa. Tatitux wali munasiri, khuyapayasiriwa.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 2:17

Taqinirus suman uñjapxam. Tatitun utapankirinakar munapxam, Diosar jach'añchapxam, reyirus ist'apxarakim.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”

2 Pedro 1:7

Diosar munañarusti, jilapurjam sarnaqañampi; jilapurjam sarnaqañarusti, munasiñampi.

1 Juan 3:14

Jiwasax jiwañat jakañaruw sarakipxtan, uksti jilanakasar munatas laykuw yattan. Khititix jan munki ukax jiwatäskiwa.