Lucas 15:24 - Qullan Arunaka DC

²⁴ Aka wawaxasti jiwatänwa, jichhax jaktanxiwa; chhaqhatänwa, jichhasti jikxatatäxiwa’ sasa. Ukat phunchhäwi lurañ qalltapxäna.

Aymar Bibliia 1986

²⁴ Aca wawajjasti jiwatänwa, jichhasti jactanjjewa; chhakatänwa, jichhasti jicjjatatäjjewa” sasa. Ucat fiesta lurañ kalltapjjäna.

Qullan Arunaca

²⁴ Aca wawajjasti jiwatänwa, jichhasti jactanjjewa; chhakatänwa, jichhasti jicjjatatäjjewa’ sasa. Ucat fiesta lurañ kalltapjjäna.

Lucas 15:24 Jak'a apnaqawi uñst'ayäwi

Génesis 45:28

Ukat sarakïna: “¡Walikiw nayatakix José wawaxan jakaskatap yatiñaxa, ukhamax janïra jiwkasin jupar uñjir sarä!” sasa.

Isaías 35:10

khitinakarutix Tatitux qhispiyki ukanaka; Jerusalén markarusti kusiskañ q'uchunak jayllisaw mantapxani, wiñayatakiw kusisit jakapxani. Jachañasa, t'aqhisiñas tukusxaniwa, kusisiñampi, sumankañampikiw utjxani.

Isaías 66:11

jupasti mä taykjamaw jumanakarux chuymachañampi uywapxätam, uka chuymachasiñampi phuqt'atäpxañamkama.

Ezequiel 34:16

Chhaqtat ovejanakar thaqhasxäwa, saranukutanakarus kuttayanxäwa, kayu p'akit sarnaqirinakarusti qullxatt'arakïwa, t'ukhanakarusti yanapt'äwa, lik'i ovejanakarusa, ch'amaninakarus sum uñjasirakï. Kunjämatix awatiñax wakiski ukhamarjamaw nayax awatisirakï.

Ezequiel 34:4

Jumanakax janiw pisi ch'ama ovejanakarux yanapt'apktati, usutanakarus janiw qullt'apktati, kayu p'akit ovejanakarus janiw ch'uqxatt'apktati, yaqha tuqir saranukurinakarux janiw kuttayanipktati, janirakiw chhaqhatanakar thaqhiris sarapktati, jan ukasti qhuru kankañampi jawq'jasaw usuchjapxtaxa.

Mateo 8:22

Jesusasti sarakïnwa: —Jiwatanakax jiwat masipar imaskpan sama, jumax nayar arkita —sasa.

Marcos 8:22

Ukatsti Betsaida markaruw puripxäna, ukansti mä juykhu jaqiruw Jesusan ukar irpanipxäna, juparusti llamkt'añapatakiw achikt'asipxäna.

Lucas 10:19

Nayaw jumanakarux ch'am churapxsma katarinakaru, mich'isir laq'unakar takxatapxañamataki, ukhamarak uñisirin taqi ch'amapar atipt'apxañamataki, ukatsti janiw kunas kamachapkätamti.

Lucas 15:23

¡Suma lik'i vaca qallu irptanisin kharsupxam, ukatsti manq'añäniwa, kusisirakiñäniwa!

Lucas 15:25

“Ukchañkamasti jilïr yuqax yapunkaskänwa. Kuttanxasinsti uta jak'ar niy purisax phusirinak ist'äna, ukhamarak thuqhurinaka.

Lucas 15:32

Ukampis wakisiw kusist'añaxa, aka jilamax jiwatänwa, jichhasti jaktanxiwa: chhaqhatänwa, jichhasti uñstanxiwa’ ” sasa.

Lucas 15:4

“¿Khitis jumanakat patak ovejanïspa, ukat may chhaqhayasispa ukaxa, janit llätunk tunka llätunkan oveja pampar jaytawayasin, chhaqhat oveja jikxatañkam thaqhir sarkaspaxa?

Lucas 19:10

Jaqin Yuqapax kunatix chhaqhatäkän uk thaqhiri, qhispiyirirakiw juti —sasa.

Lucas 9:60

Jesusax juparux saskakïnwa: —Jiwatanakax jiwat masipar imaskpan sama; jumasti saram, ukatsti Diosan qhapaq markapat yatiyanim —sasa.

Juan 11:25

Ukat Jesusax sarakïna: —Nayätwa jiwatat jaktañasa, jakañasa. Nayar iyawsirix jiwkanisa, jakaskakiniwa;

Juan 5:21

Kunjämtix Awkix jiwatanakar jakañ churas jaktaykixa, ukhamarakiw Yuqapax khitinakarutix munki ukanakarux jakañ churaraki.

Romanos 11:15

Judionakan jaqunukut uñjasitapatix, yaqha markankirinakax Diosamp katuqat uñjasipxchixa, ¿kunjämarakïspa jupanakax wasitat katuqatäpkani ukkhasti? ¡Jichhax jiwatanakjam jakasipki ukanakax, wiñay jakañanïpxaniwa!

Romanos 12:15

Kusisitanakampix kusisipxam, jachirinakampisti jachapxarakim.

Romanos 6:11

Ukhamarakiy jumanakax juchatak jiwatäpxatam amuyasipxam, ukampis Diosatak jakapxam, Cristo Tatitump mayakïpxatam layku.

Romanos 6:13

Janchimsti jucha lurañar jan katuyapxamti, jucha lurañ yäkaspas ukhama. Jan ukasti, Diosar katuyasipxam, jiwatat jaktir jaqinakjama, janchimsti jupa nayraqatan aski lurañ yäkaspas ukham katuyapxam.

Romanos 8:2

Cristo Jesús tuqi jakañ churir Ajayun munañapax juchan munañapampita, jiwañampit qhispiyistu.

1 Corintios 12:26

Janchisan mä chiqatix t'aqhischixa, taqi chiqaw t'aqhisiraki, mä chiqatix yäqatächixa, taqpachaniw kusisipxi.

Efesios 2:1

Jumanakax nayrax ñanqha lurañanakana, jucha lurañanakan jakasax

Efesios 2:5

Ukat Cristompi chika jakañ churistu, juchanakasan jiwataskchïyätan ukasa. Jumanakax Diosan khuyapayasiñapat qhispiyasiñ katuqapxtaxa.

Efesios 5:14

taqi kunatix qhanankki ukax qhanaruw tuku. Ukat akham sixa: “Juma ikirix p'arxtasim; jiwatanak taypit sarthapim, Cristow qhant'ätam” sasa.

Colosenses 2:13

Jumanakasti nayra pachanxa, juchanakam laykuw ajayun jiwat uñjasipxäyätaxa, jucha lurañ jan apanukupxatam layku; jichhasti Cristompi chikaw Diosax jakañ churapxtam taqi juchanakat pampachasa.

1 Timoteo 5:6

Ukampis janchin munañap lurir ijma warmisti, jakaskirpach jiwatäxiwa.

Judas 1:12

Kunapachatix jumanakax munasiñat mä suma phunchhäwi lurapkta ukkhax jupanakax mä p'inqäpxiwa, ukan jupanakax kusisiñat jan axsartas manq'apxi, umapxaraki. Awatirinakjamasti jupanakpachakiw awatisipxi. Thayan apat jan uman qinayjamäpxiwa. Achu jan churir quqanakjamäpxiwa, saphitpach jik'inukut q'ala jiwatäpxiwa.

Apocalipsis 3:1

“Sardes iglesiankir angelar qillqasin apayam: ‘Diosan paqallqu ajayupanïki, paqallqu warawaranïki ukax akham siwa: Taqi luratanakam nayax yatta; nayar taqi kunan iyawskitasma ukham uñt'ayasitam yatiraktwa. Ukampis chiqpachan janiw jayskistati.