1 Juan 3:11 - Qullan Arunaka DC

Jumanakax qalltatpach ist'apkta uka arunakax akham siwa: “Maynit maynikam munasipxañasawa” sasa.

Aymar Bibliia 1986

Aca arunacwa ist'apjjtajja kalltäwitpacha: “Munasipjjam maynit maynicama” sasa.

Qullan Arunaca

Aca arunacwa ist'apjjtajja kalltäwitpacha: “Munasipjjam maynit maynicama” sasa.

1 Juan 3:11 Jak'a apnaqawi uñst'ayäwi

Juan 15:12

Nayan kamachixax akawa: Maynit maynikam munasipxam, kamisatix nayax jumanakar munasipxsma ukhama.

Gálatas 6:2

Jan walt'añanak utjapxätam ukapachasti, maynit maynikam yanapt'asipxam. Ukham lurasaw Criston kamachip phuqhapxäta.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

1 Tesalonicenses 4:9

Jilatanak pura munasiñxatsti janiw jumanakar qillqaniñax wakiskxiti, pachpa Diosaw jumanakar maynit maynikam munasiñ yatichapxtam.

1 Timoteo 1:5

Aka arunakan amtäwipax, maynit maynikam q'uma chuymat mistki uka munasiñampi, suma chuymampi, chiqpach iyawsañampi munasiñasawa.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 3:8

Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.

1 Pedro 4:8

Taqi kunat sipansa, jumanakkamax munasipxapunim, munasiñax walja juchanak pampachi.

1 Juan 1:5

Jesucristox aka arunak nanakarux yatichapxitäna, uksti jumanakaruw yatiyapxsma: “Diosax qhanawa, janiw jupan kuna ch'amakas utjkiti”

1 Juan 4:11

Munat jilatanaka, Diosatix ukham munaschistuxa, jiwasanakax maynit maynikamaw munasiñasa.

1 Juan 4:21

Jesucristox aka kamachi churistu: “Khititix Diosar munaski ukax jilaparux munasirakpan” sasa.

1 Juan 4:7

Munat jilatanaka, maynit maynikam munasiñasawa, munasiñax Diosat juti. Taqi khititix munaski ukax Diosan wawapawa, Diosarusti uñt'arakiwa.

2 Juan 1:5

Jichhasti, munat jilatanaka, maynit maynikam munasipxañasatakiw achikt'asipxsma. Kuntix qillqanipksma uka arsutanakax janiw machaq kamachïkiti, jan ukasti qalltatpach katuqktan uka pachpa arsutanakawa.