1 Pedro 4:8 - Qullan Arunaka DC

⁸ Taqi kunat sipansa, jumanakkamax munasipxapunim, munasiñax walja juchanak pampachi.

Aymar Bibliia 1986

⁸ Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.

Qullan Arunaca

⁸ Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.

1 Pedro 4:8 Jak'a apnaqawi uñst'ayäwi

Proverbios 10:12

Uñisisiñax ch'axwanak utjayi, munasiñasti taqi juchanak pampachi.

Proverbios 12:16

Jan amuyt'an jaqix mäkiw kunatsa q'apisi, ch'ikhi jaqisti, chuyma uskay arunakarux janiw yäqkiti.

Proverbios 17:9

Jan wali luratat pampachir jaqix, suma munasiñ utjayi; jan wali luratata jan pampachir jaqixa, jaqi masiparux juk'amp jayarst'ayi.

Proverbios 18:13

Janïr sum ist'kasin arsuñax, jan amuyt'asirïña, mä p'inqarakiwa.

1 Corintios 13:1

Nayatix jaqinakana, angelanakan arunakap parlirista, ukat janitix munasiñax utjkitaspaxa, nayax mä latar uñtatakiw tuxuqirista, jan ukax mä platillor uñtatakiw chhulluqirista.

1 Corintios 13:4

Munasiñanïñax llamp'u chuymanïñawa; khuyapayasirïñawa; janiw uñisisiñäkiti, janiw jach'achasiñäkiti,

Colosenses 3:14

Taqi ukanakat sipansti, munasiñan phuqt'atäpxam, uka munasiñaw mayar tukuyirixa.

1 Tesalonicenses 3:12

Tatitusti jumanakar jiltaypan, maynit maynikam munasiñan juk'ampi utjañapataki, kunjämtix nanakax jumanakar munasipksma ukhama.

2 Tesalonicenses 1:3

Munat jilatanaka, jumanakat Diosar yuspagarañax wakisipuniwa, kunatix askïki ukarjam lurasina, jumanakan iyawsäwimax jiltaskiwa, maynit maynikam munasiñas juk'amp juk'ampiw utjaskaraki.

1 Timoteo 1:5

Aka arunakan amtäwipax, maynit maynikam q'uma chuymat mistki uka munasiñampi, suma chuymampi, chiqpach iyawsañampi munasiñasawa.

Hebreos 13:1

Maynit maynikam jilapurjam munasipxam.

Santiago 5:12

Ukampis jilatanaka, juramento jan lurapxamti: alaxpach laykusa, akapach laykusa, janirak yaqhanak laykusa. “Jïsa” sapkät ukkhax ukhamapunïpan; “janiw” sapkät ukkhasti, ukhamarakïpan, ukhamat Diosax jumanakar jan juchañchaskañapataki.

Santiago 5:20

jumanakax yatipxam, khititix juchanir jan wali thakhit kuttayanki ukaxa, jiwañat qhispiyi, ukatsti taqi juchanakapat Diosan pampachatäñ jikxatayaraki.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

3 Juan 1:2

Munat jilata, ajay tuqin sumak jikxatasiñamataki, taqi kunas sumak sarañapataki, janchinsa jan usuntañamatakiw Diosat mayta.