Efesios 5:2 - Qullan Arunaka DC

² Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Aymar Bibliia 1986

² Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Qullan Arunaca

² Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Efesios 5:2 Jak'a apnaqawi uñst'ayäwi

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

Éxodo 29:18

Ukat altar patxar oveja nakt'ayasin Tatitur jach'añchas luqtäta, uka nakt'at waxt'an suma q'apkirïñapataki.

Éxodo 29:25

Ukatsti amparanakapat apaqasin altarxar uk nakt'ayäta, suma q'apkir nakt'ayat luqtäwimp chika. Ukasti Tatitur jach'añchañatak nakt'ayat waxt'awa.

Levítico 1:13

Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki.

Levítico 1:17

Ukxarusti uka palomxa chhiqhanakat katt'asaw ch'iyjañapa, jan payar jaljtayasa, ukatsti sacerdotew altarxan ninax aqaski ukxar uka paloma nakhantayani, Tatitutak mä suma q'apkir luqtäñapataki.

Levítico 1:9

Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki.

Levítico 3:16

Ukatsti, sacerdotex altarxaruw taqpach nakhantayani mä suma q'apkiri manq'añ waxt'ata. Taqpach lik'inakasti Tatitutakiwa.

Amós 5:21

“Nayax jumanakan uruyañ urunakam uñistwa, janiw yäqkaraktsa, jach'a tantachasïwinakamas janiw kusisiykituti.

Mateo 20:28

Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.

Juan 13:34

Aka machaq kamachi churapxsma: Maynit maynikam munasipxam. Kunjämtix nayax munasipksma, ukhamarak jumanakax maynit maynikam munasipxam.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Romanos 15:16

Jesucristor luqtas jan judiöpkis ukanakan askipataki. Sacerdote luräwixax Diosan suma yatiyäwip yatiyañawa, ukhamat jan judiöpkis ukanakar jupa nayraqatar uñstayañataki, jupar kusisiykir waxt'äwjama, Qullan Ajayun q'umachata.

Romanos 4:25

jupax juchanakas laykuw jiwar katuyat uñjasïna, ukatsti aski jaqinakat katuqatäñasatakiw jaktayat uñjasirakïna.

Romanos 8:3

Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.

Romanos 8:37

Taqi akanakansti atipjirinakat sipansa juk'amp atipjirinakätanwa, khititix jiwasar munkistu jupa tuqi.

1 Corintios 16:14

Kuntix lurapkät ukxa, munasiñampi lurapxam.

1 Corintios 5:7

Ukhamasti jumanakar jan walt'ayir nayra levadura jaqtapxam, ukhamat machaq masat lurat t'ant'aru uñtatäpxañamataki. Chiqpachansa jumanakax Pascua urunakan manq'añäkis uka jan levaduran t'ant'jamäpxtawa. Cristow jiwasan Pascua Corderosaxa, jupax jiwasanak laykuw jiwawayi.

2 Corintios 2:14

Diosax yuspagaratäpan, jupasti Cristompi chika atipjañaruw irpistu, jiwasanak tuqirakiw arunakapsa yatiyi, uka arunakasti mä suma q'apkir qulläkaspas ukhamaw taqi chiqar puri.

2 Corintios 2:15

Jiwasax Cristox Diosar luqtki uka suma incienson q'aphipjamätanwa. Ukasti qhispiyatanak taypiru, jan qhispiyatanak taypiruw puri.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

Gálatas 2:20

Chiqpachansa, nayax Cristomp chikaw ch'akkatat uñjasta, janiw nayax jakxtti, jan ukasti, Cristow nayan jakxi. Jichhasti janchin jakaskasaxa, Diosan Yuqapar iyawsatax laykuw jakaskta, nayar munasin jakañap naya layku apt'asiwayi.

Efesios 1:4

Diosax Cristo tuqiw ajllisistu, aka uraqix janïr utjkän ukkhatpacha, ukhamat q'umachata, jan akch'a q'añuni jupan nayraqatapankañasataki. Munasiñap laykuw,

Efesios 3:17

Cristox chuymanakaman iyawsañ tuqi jakpan, munasiñasti jakäwinakaman saphipäpan, utt'äwiparakïpan.

Efesios 3:19

Uka munasiñap uñt'apxañamatakiw mayta, ukasti taqi kuna yatiñat sipan juk'ampi jilankiwa, ukhamat Diosan kankañapampi phuqt'atäpxañamataki.

Efesios 4:15

Jan ukasti muñasiñan chiqapar lurasaw Cristor uñtas jiltañasa, jupan iglesian p'iqipätap layku.

Efesios 4:2

Alt'at chuymanïpxam, munasirïpxarakim; llamp'u chuymanïpxam, maynit maynikamasti munasiñampi uñjasipxam;

Efesios 5:15

Ukhamasti wali amuyumpi sarnaqapxam. Janiy pisi amuyunjamax jakapxamti, jan ukasti ch'ikhi kankañampi jakapxam.

Efesios 5:25

Warmin chachanaka, warminakamar munasipxam, kamisatix Cristox iglesiar munaski ukhama, jakañapsa iglesiap laykuw apt'asiwayi.

Filipenses 4:18

Epafrodito jilatampi apayanipkista uk taqpach katuqxta, jichhasti jilarkiriw utjitu. Kuntix apayanipkista ukax mä suma q'apkir inciensökaspas ukhamawa, uksti Diosax kusisiñampiw katuqi.

Colosenses 3:14

Taqi ukanakat sipansti, munasiñan phuqt'atäpxam, uka munasiñaw mayar tukuyirixa.

1 Tesalonicenses 4:9

Jilatanak pura munasiñxatsti janiw jumanakar qillqaniñax wakiskxiti, pachpa Diosaw jumanakar maynit maynikam munasiñ yatichapxtam.

1 Timoteo 2:6

Jupaw taqinin juchap qhispiyañatak jiwañar katuyasiwayi, uksti Diosax wakisitarjamaw Jesucristo tuqi taqinir qhispiyañatak munasiñap uñacht'äwayi.

1 Timoteo 4:12

Waynätam laykux janipun jisk'achayasimti; jan ukasti, iyawsirinakan mä suma uñtkañ sarnaqam, parläwimana, sum sarnaqañana, munasiñana, Cristor iyawsañana, q'uma kankañan jakañansa.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Hebreos 8:3

Taqi Jilïr sacerdotenakax waxt'äwinaka, wilañchanak luqtañatak utt'ayatawa, ukat Jesucriston mä kun luqtañapas wakisi.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

Hebreos 9:23

Ukhamasti, alaxpach yänakat uñaqas luratanakarux, wilañchanakampi q'umachañaw wakisïna; ukampis pachpa alaxpachankir qhapaq yänakarux, ukat juk'ampi suma wilañchanakampi luqtañaw wakisi.

Hebreos 9:26

Ukhamäsapän ukasti, akapach qalltatpach Cristox walja kutiw jiwañapäsapäna. Ukampis jichhax aka qhipa urunakan Cristox mä kutikiw wiñayatak uñsti, jupapachpaw taqi juchanak pampachañatak t'aqhisis luqtasiwayi.

1 Pedro 4:8

Taqi kunat sipansa, jumanakkamax munasipxapunim, munasiñax walja juchanak pampachi.

1 Juan 3:16

Jiwasax kunäkitix munasiñax uk yatxtanwa, Jesucristox jiwas laykuw jakañap apt'asiwayi; jiwasanakasti uka pachparakiw jilanakas layku jakañas apt'asiñasa.

1 Juan 3:23

Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.