Gálatas 6:2 - Qullan Arunaka DC

² Jan walt'añanak utjapxätam ukapachasti, maynit maynikam yanapt'asipxam. Ukham lurasaw Criston kamachip phuqhapxäta.

Aymar Bibliia 1986

² Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.

Qullan Arunaca

² Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.

Gálatas 6:2 Jak'a apnaqawi uñst'ayäwi

1 Crónicas 19:12

juparusti sänwa: “Sirio jaqinakatix nayar atipjirjamäni ukkhaxa, jumaw nayar yanapirix jutäta, amonita jaqinakatix jumar atipjirjamäni ukkhasti, nayaw jumar yanapt'irix jutä.

Éxodo 23:5

Uñisirimar yanapt'añ janiw armasïtati; asnoparutix jathi khumumpi tinkuyat uñjäta ukaxa, janiw jumax ukhamak uñchukïtati; khumup apaqt'añ yanapt'ätawa.

Isaías 58:6

chiqpachansa janiw ukax ukhamäkiti. Kawkïri ayunotix kusisiykitu ukax akawa: ina ch'usat katuntatanakar antutxañawa, t'aqhisiyatanakar antutxañawa, jan suman uñjañanak apanukxañawa;

Mateo 8:17

Taqi akanakasti Isaías profetan arsutaparjamaw phuqhasiskäna: “Jupaw jiwasan usunakasa, chhuxrinakas apxi” sasa.

Lucas 11:46

Jesusasti sarakïnwa: —¡Ay jumanak kamachi yatichirinaka, kamacht'apkakïta! Jumanakax jan phuqkay lurañanakampiw jaqinakar t'aqhisiyapxtaxa, jumanakasti ukarux janiw mä luk'anampis llamkt'añ munapktati.

Juan 13:34

Aka machaq kamachi churapxsma: Maynit maynikam munasipxam. Kunjämtix nayax munasipksma, ukhamarak jumanakax maynit maynikam munasipxam.

Juan 15:12

Nayan kamachixax akawa: Maynit maynikam munasipxam, kamisatix nayax jumanakar munasipxsma ukhama.

Romanos 15:1

Khitinakatix iyawsañan ch'amanïktan ukanakax, pisi ch'amanin t'ukhachasiñanakap jiwasankkaspas ukham apañasawa, janiw jiwasax kuntix munktan uk thaqhañasäkiti.

Romanos 8:2

Cristo Jesús tuqi jakañ churir Ajayun munañapax juchan munañapampita, jiwañampit qhispiyistu.

1 Corintios 9:21

Mä tuqitsti, khitinakatix Moisesan kamachiparjam jan sarnaqapki ukanakan Cristor iyawsapxañapatakix jupanakjamaw nayax tukta, chiqpachansa nayax Diosan kamachiparjamaw sarnaqta, Criston kamachiparjam niyak sarnaqasaxa.

Gálatas 6:5

Sapa mayniw luräwinakapat llakisiñapa.

Deuteronomio 1:12

Ukampis naya sapax janiw jumanakan jan walt'añanakamxa, ch'axwanakamsa askichirjamäkti.

1 Tesalonicenses 5:14

Jilatanaka, jumanakaruw iwxt'apxaraksma, jan ist'asirinakar tuqinuqapxam, mayjt'atanakarus ch'amañcht'apxam, t'ukhachasitanakar yanapt'apxam, taqinimpis llamp'u chuymanïpxam.

Santiago 1:25

Ukatsipana, jumanakatix Diosan arunakap ist'apxäta, phuqhapxarakïtaxa, taqi luräwinakaman kusisitäpxäta. Diosan arupax askiwa, jumanakarusti juchat qhispiyapxtam.

Santiago 2:12

Jumanakasti qhispiyasiñ apanki uka kamachimpi taripatäñatakjamaw parlapxañama, sarnaqapxañamaraki.

Santiago 2:8

Jumanakatix Diosan jach'a kamachip phuqhasipksta ukaxa, walik lurasipktaxa, kunjämtix Qillqatan siski: “Jaqi masimarux juma kipkarjam munasim” sasa.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

2 Pedro 2:21

Jupanakatakix, Tatitun arunakapa, uka chiqa thakhi jan uñt'apxañapax askïsapänwa, uka qullan kamachinak uñt'kasin jan jaysañat sipansa.

2 Pedro 3:2

Amtasipxam, kuna yatiyäwi arunaktix nayra pachanakan Diosan profetanakapax churkistu ukanakata. Jan armasipxamti, Tatitu Qhispiyir Jesucristosax churkistu uka kamachi arunakata, uka arunaksti apostolunakaw jumanakarux yatichapxtam.

1 Juan 4:21

Jesucristox aka kamachi churistu: “Khititix Diosar munaski ukax jilaparux munasirakpan” sasa.