ukampis kawkïri cabritotix Azazelatakïkani uksti, jakkirpach juchat pampachatäñataki Tatitun nayraqatapar uñstayani, ukatsti uka cabritorux wasararuw Azazelatak antutnukxani.
1 Juan 2:2 - Qullan Arunaka DC Jesucristox juchanakas qhispiyañ laykuw jakañap luqtasiwayi, janiw jiwasan juchas laykukiti, jan ukasti taqi akapachankir jaqinakan juchanakap laykuwa. Aymar Bibliia 1986 Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa. Qullan Arunaca Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa. |
ukampis kawkïri cabritotix Azazelatakïkani uksti, jakkirpach juchat pampachatäñataki Tatitun nayraqatapar uñstayani, ukatsti uka cabritorux wasararuw Azazelatak antutnukxani.
Ukxarusti uywatax sarakïnwa: ‘Tata, arsutamarjamaw phuqta, ukampis qunt'asiñax utjaskakiwa’ sasa.
Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!
Kunapachatix cruzar ch'akkatasin aptapkitani ukkhasti, taqiniw nayarux iyawsapxitani —sasa.
Ukat warmirux sapxäna: —Jichhax, janiw juman arsutamatakti iyawsapktxa, jan ukasti, nanak pachpaw jupat ist'apxtxa, jupan akapachan Qhispiyir Cristötap yatipxarakta —sasa.
Ukatakisti taqi kunansa jilanakapjam tukuñapaw wakisïna, khuyapayasiri, chiqapa, Jilïr sacerdotjam Dios nayraqatan tukuñataki, ukatsti t'aqhisitap tuqi jaqin juchanakapan pampachatäñapataki.
Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.
Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,
Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.
Jumanakax niyaw yatipxta, Jesucristox juchanak q'umachiriw akapacharux juti, jupansti janiw kuna juchas utjkiti.
Munasiñax akan uñsti: janiw jiwasanakat Diosarux munapkäyätan, jan ukasti jupaw jiwasanakar munistu, ukat Wawap khithani, juchanakas layku jakañap luqtasiri.
Jiwas pachpaw uñjtan, Dios Awkix akapachar qhispiyirix Yuqapar khithanitap arsuraktan.
Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.