1 Juan 2:1 - Qullan Arunaka DC

¹ Munat wawanakaxa, jumanakan juch jan lurapxañamatakiw taqi akanak qillqanipxsma. Ukampis maynitix juchar purchixa, Awkisan nayraqatapan mä arxatiriw utjistu, jupasti chiqapar uñjir Jesucristowa.

Aymar Bibliia 1986

¹ Munat wawanacajja, acanacwa kellkanipjjsma juch jan lurapjjañamataqui. Ucampis cawquïritejj juchañchasqui ucataquejj, utjistuwa mä arjjatirisa alajjpach Awquisan nayrakatapana, ucasti Jesucristowa, jupajj chekawa.

Qullan Arunaca

¹ Munat wawanacajja, acanacwa kellkanipjjsma juch jan lurapjjañamataqui. Ucampis cawquïritejj juchañchasqui ucataquejj, utjistuwa mä arjjatirisa alajjpach Awquisan nayrakatapana, ucasti Jesucristowa, jupajj chekawa.

1 Juan 2:1 Jak'a apnaqawi uñst'ayäwi

Salmos 4:4

4 (5) ¡Axsarthapipxam, jan juk'amp juch lurapxamti! Ikintxapxät ukkhasti, kuntix lurapkta ukanakat sum amuythapisipxam;

Ezequiel 3:21

Ukampis jumatix uka jaqir amuyt'ayäta, ukatsti jupax janirak juk'ampi jucha lurkxaniti ukkhaxa, juman arum ist'atapat jupax jakaskakiniwa, jumasti janirakiw kuna juchanïkätasa” sasa.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Lucas 10:22

“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”

Juan 13:33

Munat wawanakaxay, mä juk'a urunakatxa, janiw jumanakampïkxäti. Jumanakax nayarux thaqhapxitätawa, ukampis kunjämtix judionakar siskta ukhamarak jichhax sapxsma: “Janiw jumanakax sarapkasmati kawkirutix nayax sarkä ukaruxa”.

Juan 14:16

Nayasti Awkiruw achikt'ä, jumanakar Qullan Ajayu khithaniñapataki, jupaw wiñayatak jumanakampïskani. Akapachankirinakax janiw jupar katuqkaspati, jupar jan uñjatapa, jan uñt'atap layku; ukampis jumanakax uñt'xapxtawa, jupasti jumanakampïskiwa, ukatsti jumanakampipunïniwa.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 21:5

Jesusasti jupanakaruw jiskt'äna: —Jilatanaka, ¿chawllax utjapxtamti? —sasa. Jupanakasti sapxarakïnwa: —Janiwa —sasa.

Juan 5:14

Uka qhipatsti Jesusax uka jaqirux Tatitun utapan jikxatäna, ukat juparux sarakïna: —Jichhax k'umaräxtawa, jan wasitat juch lurkxamti, jan ukasti, juk'amp jan waliruw purisma —sasa.

Juan 5:36

Ukampis Juanat sipan yaqhaw nayat arsurix utji. Kuntix nayax lurkta ukaxa, Awkix lurañaxatak katuykitu ukawa; ukasti Awkin nayar chiqpach khithanitap yatiyi.

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Juan 8:11

Warmisti sarakïnwa: —Tatay, janiw khitisa —sasa. Jesusasti juparux sarakïnwa: —Nayas janirakiw juchañchksmati; jichhax sarxam, jan juk'amp juch lurkxamti —sasa.

Hechos 7:52

¿Profetanakat kawkïrirusa, nayra awkinakamax jan t'aqhisiyapkänxa? Jupanakax mayni aski jaqin jutañapat yatiyirinakarux jiwayapxänwa. Uka aski jaqin jutxipansti, jumanakax jupar katuntayasin jiwayapxaraktawa.

Romanos 5:10

Kunapachatix Diosan uñisiripäkäyätan ukkhaw Wawapan jiwatap tuqi jupampi sumankthapxtan, ukatarak jakañap tuqi qhispiyatäñäni, jichhasti jupampi sumankthapitäxtanwa.

Romanos 6:15

Ukhamasti, janiw kamachirjam jakapktanti, jan ukasti Diosan khuyapayasiñapan jakapxtan sasax, ¿juch luraskakiñäniti? ¡Janiw ukhamäkaspati!

Romanos 8:34

¿Khitirak jupanakar juchañchaspasti? Janiw khitisa, Cristo Jesusaw jiwawayi; jupaw jiwatat jaktawayi, jichhasti Diosan kupïxapan qunt'atäskiwa, jiwasanakatakiw mayiskaraki.

1 Corintios 15:34

Jumanakax sum amuyasipxam, janirak juch lurkxapxamti, jumanakat yaqhipanakax janïraw Diosar uñt'apkiti. Uksti jumanakan p'inqa tukuñamatakiw sapxsma.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Gálatas 4:19

Wawanakaxay, wasitampiw t'aqhisiñan jikxatasta, kamisatix mä taykax wawachasiñatak t'aqhiski ukhama, Criston jumanak taypin sayt'añapkamasti t'aqhisiskakïwa.

Efesios 2:18

Taqiniw Cristo tuqi, judionakasa jan judionakasa, mä sapa Ajayu tuqiki Awkirux jak'achastan.

Efesios 4:26

Phiñasisinxa, jan juchachasipxamti; uka phiñasiñax jan jayp'ukamäpanti.

1 Timoteo 2:5

Mä sapa Diosakiw utji, mä sapa jaqikiw utji, Diosampi jaqinakampi sumankthapiyirixa, ukasti Jesucristowa.

1 Timoteo 3:14

Jank'akiw jumar tumpir jutañ munta; ukampis inas jank'a jan purinkirista,

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.

Santiago 1:27

Dios Awkir q'uma chuymampi arkañax akanakawa: Wajchanakaru, ijmanakaru, llakitanakar yanapt'aña, ukatsti akapach q'añu lurañanakampix janirak q'añuchasiña ukawa.

Santiago 3:9

Uka laxrampix Dios awkisaruw yupaychtan, uka pachpa laxrampiw Diosar uñtasit lurt'at jaqinakarux ñanqhacharaktan.

1 Pedro 2:22

Jupax janiw kuna juchsa lurawaykiti, janirakiw khitirus sallqjawaykiti.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

1 Juan 3:18

Munat wawanakaxa, jiwasan munasiñasax janiw lakakïñapäkiti; jan ukasti luräwinak tuqiw uñacht'ayasiñapa.

1 Juan 3:5

Jumanakax niyaw yatipxta, Jesucristox juchanak q'umachiriw akapacharux juti, jupansti janiw kuna juchas utjkiti.

1 Juan 3:7

Munat wawanakaxa, janiy khitis jumanakar k'arintpati: khititix chiqapar uñjki ukax askiwa, kamisatix jupax askïki ukhama,

1 Juan 4:4

Wawanaka, jumanakax Diosankirïpxtawa, uka k'ari profetanakarus atipjapxtawa; khititix jumanakampïki ukax akapachankki ukat sipan juk'ampi ch'amaniwa.

1 Juan 5:17

Kunatix jan walïki ukax juchawa, ukampis jiwañar jan puriyir juchaw utji.

1 Juan 5:21

Wawanaka, k'ari diosanakat amuyasipxam.

3 Juan 1:4

Wawanakaxan chiqa kankañan jakapxatap ist'asax wal kusista, nayatakix janiw ukham yaqha kusisiñax utjkiti.