Juan 1:29 - Qullan Arunaka DC

²⁹ Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Aymar Bibliia 1986

²⁹ Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Qullan Arunaca

²⁹ Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Juan 1:29 Jak'a apnaqawi uñst'ayäwi

Éxodo 28:38

ukhamat Aaronan parapankapunini. Uka placasti, kunapachatix Aaronax israelitanakan jucha luratanakapat luqtanak katuykani, ukatsti Tatitun uka luqtanak katuqatapat juchanakap pampachkani uk uñacht'ayani.

Isaías 53:10

Tatituw juparux ukham t'aqhisiyäna. Niyakixay jupax juchanakas layku luqtasiwaychixa, jichhax wali jaya maranakaw jakani; wawanakaparus uñjarakiniwa, kuntix Tatitux munki uk phuqhani.

Isaías 53:11

Ukham sinti t'aqhisitapatsti, ukapachaw Tatitur jaysañan askïtap yatini; Tatitun chiqa luqtiripasti waljaniruw qhispiyani, jupanakan juchanakapsti juparakiw apxani.

Isaías 53:7

Chhuxriñchjata, jisk'achjataw uñjasïna, ukampis janiw arsuskänti. Janiw lakapsa arsuñatak jist'arkänti, kunjämatix mä ovejax t'arwa yawiratax jan jachkix ukhama; khariñ ovejar uñtat jiwayañatak apapxäna, jupasti janipuniw kunatakis lakap jist'arkänti.

Oseas 14:2

2 (3) Tatitur kuttanxapxam, akham mayt'asisa: “Taqi ñanqha luratanakaxat pampacht'apxita, nanakan jumar yupaychatanakaxsa, suma chuymampirak katuqt'apxita.

Levítico 10:17

—¿Kunatsa uka juchat luqtata chivo qullan utan jan manq'apxta? Jumanakax askiw yatipxta uka waxt'an qullanätapa, Tatitux jumanakaruw churapxtam, ukhamat jumanakan aka jaqinakan juchanakap apapxañamataki, ukhamarak Tatitut juchat pampachatäñ mayipxañamataki.

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Números 18:1

Tatitux Aaronaruw säna: “Kunapachatix israelitanakax Tatitump Jikisiñ Carpar ñanqhachañatak kuna juchsa lurapkani ukkhaxa, jumampi, wawanakamampi, Leví ayllunkir mayni jilanakamampikiw jupanakan jucha luratapat pampachäwi mayipxäta; ukampis kunapachatix jumampi, wawanakamampi sacerdote kankañ phuqkasin jucha lurapxäta ukkhaxa, janiw khitis jumanakan jucha luratanakamat pampachäwi maykaniti, jan ukasti, jumanakpachaw mayisipxäta.

Números 18:23

Levitanakakiw Tatitump Jikisiñ Carpan luräwinakap phuqhapxani, jupanakarakiw kuna pantjasitanakatsa juchañchat uñjasipxani. Ukasti, jumanakatakisa, wawanakamatakis wiñayatak arsut kamachïniwa. Leví chachat saraqirinakax janiw Israelan uraqinïpkaniti.

Números 21:9

Ukatsti Moisesax broncet mä katari luräna, ukatsti mä wiphalan lawaparuw warkkatäna, katarimpi mich'intayasiristi, broncet lurat katariruw uñtäna, ukat jan jiwkänti.

Mateo 1:21

Mariax mä yuqall wawa wawachasini, juparusti JESÚS sasaw sutichäta, juparakiw markaparux juchapat qhispiyani” sasa.

Mateo 20:28

Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.

Juan 1:35

Qhipürusti Juanax pani arkirinakapampiw wasitat ukawjankaskäna.

Juan 1:36

Ukatsti Jesusar uka chiqa saraskir uñjasinxa, Juanax sänwa: —¡Uñtapxam, jupaw Diosan Corderopaxa! —sasa.

Juan 1:43

Qhipürusti Jesusax Galilea tuqiruw sarañ amtäna, Feliper jikxatasinsti, juparuw säna: —Arkita —sasa.

Juan 2:1

Kimsa uru saraqatarusti, Galilea uraqinkir Caná markan mä jaqichasïwiw utjäna. Jesusan taykapasti ukankänwa,

Juan 3:16

Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Juan 4:42

Ukat warmirux sapxäna: —Jichhax, janiw juman arsutamatakti iyawsapktxa, jan ukasti, nanak pachpaw jupat ist'apxtxa, jupan akapachan Qhispiyir Cristötap yatipxarakta —sasa.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Hechos 13:39

Ukat jupar iyawsirinakax jupa tuqi pampachäwi jikxatapxi, Moisesan kamachipax janiw juchanakamat pampachäwi jikxatayapkiristamti.

Hechos 8:32

Qillqatan ullarkän ukasti akänwa: “Jiwayañatak apat ovejar uñtatänwa; t'awra yawirinakan nayraqatapan jan wararir ovejar uñtataw jan kuns arskänti, janirakiw jupax lakapsa jist'arkänti.

1 Corintios 15:3

Nayraqatasti, kuna yatichäwinaktix nayax yatiqkta ukarak jumanakarux yatichapxsma, ukasti akhamawa: Qillqatanakarjamax Cristox juchanakas laykuw jiwawayi;

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

Gálatas 3:13

Cristow kamachin ñanqhachäwipat qhispiyistu, jupax juchanakas laykuw ñanqhachäwi katuqi, Qillqatan akham siwa: “Taqi khititix mä lawaru warkkatat jiwki ukax, ñanqhachatäpan” sasa.

1 Timoteo 2:6

Jupaw taqinin juchap qhispiyañatak jiwañar katuyasiwayi, uksti Diosax wakisitarjamaw Jesucristo tuqi taqinir qhispiyañatak munasiñap uñacht'äwayi.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

Hebreos 2:17

Ukatakisti taqi kunansa jilanakapjam tukuñapaw wakisïna, khuyapayasiri, chiqapa, Jilïr sacerdotjam Dios nayraqatan tukuñataki, ukatsti t'aqhisitap tuqi jaqin juchanakapan pampachatäñapataki.

Hebreos 9:28

Ukhamarakiw Cristox mä kutik taqinin juchap pampachañatak t'aqhisis luqtasïna. Uka qhipatsti wasitat uñstanini, janiw juchanak pampachiriti, jan ukasti, jupar suyt'irinakar qhispiyiriw uñstanini.

1 Pedro 1:19

jan ukax Tatit Jesucriston suma wilapamp alatawa. Jupasti mä suma q'uma jan kamacht'at ovejar uñtat luqtatarakïnwa.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

1 Juan 2:2

Jesucristox juchanakas qhispiyañ laykuw jakañap luqtasiwayi, janiw jiwasan juchas laykukiti, jan ukasti taqi akapachankir jaqinakan juchanakap laykuwa.

1 Juan 3:5

Jumanakax niyaw yatipxta, Jesucristox juchanak q'umachiriw akapacharux juti, jupansti janiw kuna juchas utjkiti.

1 Juan 4:10

Munasiñax akan uñsti: janiw jiwasanakat Diosarux munapkäyätan, jan ukasti jupaw jiwasanakar munistu, ukat Wawap khithani, juchanakas layku jakañap luqtasiri.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Apocalipsis 14:1

Ukatsti Corderoruw uñjta, Sión qullu patan sayaskiri. Jupamp chikasti patak pusi tunka pusin waranqa jaqinakaw ukankaskäna, jupanakasti paranakaparux Corderon sutipampi, Awkipan sutipampi qillqt'atäpxänwa.

Apocalipsis 14:10

Diosat jutkani uka jach'a mutuyäwi katuqani, q'apisiñapasti wakichatawa; azufrempi ninampi t'aqhisiyataw uñjasini, qullan angelanakampi, Corderompiw mutupxatap uñjapxani.

Apocalipsis 14:4

Jupanakasti janiw k'ari diosanakar yupaychas q'añuchasipkataynati, jupanakax taqpachaniw Corderor arkapxäna, kawkirutix jupax sarkän ukaru. Jupanakax jaqinak taypit qhispiyatäpxataynawa, nayrïr churäwi Diosampir Corderompir luqtañataki.

Apocalipsis 15:3

Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 19:7

Kusisipxañäni, kusisiñan phuqt'at jupar jach'añchapxañäni, Corderon jaqichasiñap urux purinxiwa. Esposapasti wakicht'atäxiwa.

Apocalipsis 19:9

Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.

Apocalipsis 21:14

Markar muyuntir pirqapasti tunka payan jach'a qalanakxar utt'atänwa, uka qalanakasti Corderon tunka payan apostolunakapan sutinakapampi qillqantatänwa.

Apocalipsis 21:27

Janipuniw uka markarux kuna q'añus mantkaniti, janirakiw k'ari diosanakar yupaychirinakasa, sallqjirinakas mantkaniti. Jan ukasti, khitinakan sutipatix Corderon wiñay jakañ qillqatapan qillqatäki ukanakakiw uka markarux mantapxani.

Apocalipsis 21:9

Ukatsti mä angelaw juti, uka angelasti qhipïr paqallqu t'aqhisïwinakan phuqt'ata paqallqu qirunak ast'atakän uka angelanakat maynirïnwa, uka angelasti situwa: “Jutam, khititix Corderon esposapäkani ukaruw uñacht'ayäma” sasa.

Apocalipsis 5:6

Ukatsti qhapaq qunuñ jak'an mä Cordero uñjta. Uka Corderosti, kharinukutäkaspa ukhamaw sayt'atäskäna, uka pusi jakaskirinakampi, pä tunka pusin jilïrinakampi muyuntata. Paqallqu waxranïnwa, nayranakapas paqallqurakïnwa. Uka paqallqu nayranakasti Diosan paqallqu ajayuparakïnwa, uraqpachar khithanitäki ukanaka.

Apocalipsis 5:8

ukatsti ukspachaw, uka pusi jakaskirinakasa, uka pä tunka pusin jilïrinakas Cordero nayraqatan killt'asipxäna. Sapa maynin arpax utjäna, inciensompi phuqt'ata qurit lurat qiru ast'atkamarakïnwa, uka inciensosti Diosan markapan mayisitanakapänwa.

Apocalipsis 6:1

Ukatsti uka paqallqu sellonakat mayïr sello Corderor ch'iyaqir uñjarakta, ukapachaw uka pusi jakaskirinakat maynïrir ist'arakta, qhixu qhixur uñtata, wali jach'at art'iri: “¡Jutam!” sasa.

Apocalipsis 6:16

Jupanakasti taqpachaniw uka qullunakampiru, qarqanakampir sapxarakïna: “¡Nanakxar tinkxattapxita, qhapaq qunuñan qunt'atäki ukan nanakar jan uñjañapataki, Corderon q'apisiñapat imantapxarakita!

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.