Apocalipsis 12:9 - Qullan Arunaka DC

⁹ Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Aymar Bibliia 1986

⁹ Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Qullan Arunaca

⁹ Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 12:9 Jak'a apnaqawi uñst'ayäwi

Génesis 3:1

Diosasti taqi laq'unak lurkatayna uka taypinxa, asirux taqi uka laq'unakat sipan wali sallqänwa, ukatsti warmirux akham sasaw jiskt'äna: —¿Ukhamasti Diosax sapxtamti: “Janiw kawkïri quqan achunakapsa manq'apxätati” sasa?

Génesis 3:13

Ukat Tatit Diosax warmir jiskt'arakïna: —¿Kunatsa jumax uk lurta? —sasa. Warmisti sarakïnwa: —Katariw nayarux sallqjitu, ukat nayax manq'antta —sasa.

1 Crónicas 21:1

Supayax israelitanakatakiw sayt'asïna, ukaw Davidarux Israel markan jaqinakar jakthapiñ amtayäna.

2 Crónicas 18:21

uka ajayusti sänwa: ‘Nayax reyin profetanakaparux k'arinak parlayä’ sasa. Ukatsti Tatitux juparux sänwa: ‘Jumaw juparux amtayäta, saram ukat ukham luraskakim’ sasa.

Salmos 109:6

Ñanqha lurir jaqiruy taripiripatak ucham, pachpa arxatiripax juchañchpan;

Isaías 14:12

“¡Qhantati warawara, kunjämarak uka alayat jalaqtantasti! Markanakar atipjirïstaxaya, jichhax pampar jaquqatätawa.

Isaías 27:1

Israel markan uñisirinakapax lamar qutan axsarkañ laq'ur uñtatäpxiwa, katarinakjamaw uksar aksar q'iwinaqtapxi, ukampis Tatituw jach'a ch'aman espadap ayxarusini, ukampiw q'al jiwarayani.

Isaías 65:25

Qamaqimpi, ovejampisti mayakiw manq'asipxani, leonasti vacar uñtataw chhuxlla manq'ani, kataristi laq'a manq'arakini. Nayan qullan qulluxansti janiw khiti ñanqha luriris utjkaniti.” Tatituw ukham arsu.

Ezequiel 28:16

Walja jach'a alakip luratamampisti, juchanakampi, ch'axwañanakampiw phuqhantastaxa. Ukapachaw nayraqataxat jaqunuksma; qullan qulluxatsa jaqunukuraksma, jumar uñjiri angelasti warawaranak taypit jaqsuniraktam.

Mateo 13:39

jan wali jathampi phawantirix pachpa supayawa. Yawthapiñ pachasti akapach tukuskan uka uruwa, yapu apthapiristi angelanakawa.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Mateo 4:1

Ukatsti Jesusax Ajayumpi wasarar irpataw uñjasïna, ukan supayan yant'atäñapataki.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Mateo 4:5

Ukatsti supayax Jerusalén qullan markaruw irpäna, Tatitun utap patar irpsusinsti,

Mateo 4:8

Tukuyarusti supayax mä jach'a qullu pataruw Jesusar irpäna, ukatsti aka uraqin taqi qamir markanaka, kunja jach'äkäntix uka markanak uñacht'ayäna,

Lucas 10:18

Jesusasti jupanakarux sänwa: —Jïsa, nayax supayar lliju llijur uñtat alaxpachat jalaqtanir uñjta.

Lucas 13:16

Aka warmisti Abrahaman wawanakapat jutiriwa, supayasti juparux tunka kimsaqallqun maraw usuntat sarnaqayäna, ¿janit wakiski sábado urun usupat k'umarachañasti? —sasa.

Lucas 22:3

Ukapachaw supayax Judas Iscarioten chuymapar mantäna, jupasti tunka payan yatiqirinakat maynïrïnwa.

Lucas 22:31

Jesusax sarakïnwa: —Simón, Simón, sum ist'am, supayax jumanakar trigorjam jawq'suñatakiw mayi;

Lucas 8:12

thakhir purki uka jathasti, khitinakatix Diosan arup ist'apki jupanakawa, ukat supayax jutasin uka arunak chuymapat apsuwayxi, ukhamat jan iyawsapxañapataki, jan qhispiyasipxañapatakiraki.

Juan 12:31

Jichhapï akapachax taripatänixa, jichharakiw akapach apnaqiris jaqunukutänixa.

Juan 14:30

“Janiw jumanakamp juk'ampinak parlkxäti, akapach apnaqir supayax niy jutiwa. Jupasti nayxarux janiw kuna ch'amanïkisa,

Juan 16:11

¿khitirak Diosan taripäwip katuqanisti? Khititix akapach apnaqki ukawa, jupasti niya juchañchatäxiwa.

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Hechos 5:3

Ukat Pedrox Ananiasar säna: —Ananías, ¿kunatarak supayasti chuymamar manti, Qullan Ajayur k'arintañamataki, uraqi aljat qullqit mä chikat imaqañamatakisti?

Romanos 16:18

janiw jupanakax Cristo Tatitusar luqtapkiti, jan ukasti, jupanakan munañaparjamakiw luqtapxi, ukatsti suma llaphi munkañ arunakampiw juk'a amuyt'asir jaqin chuymanakap sallqjapxi.

Romanos 16:20

sumankayir Diosax jank'akiw supayar atipjasin kayunakamamp takxatayani. Tatit Jesusax jumanakar munasiñap churpan.

2 Corintios 11:14

Ukasti janiw kunäkisa, pachpa Supayaw k'ajkir angeläkaspas ukham tuku;

2 Corintios 11:3

Ukampis axsarañaxaw utjitu, kunjämatix katarix Eva warmir k'arinakapampi sallqantänxa, ukhamach jumanakan chuymanakam sallqantarakispa uk amuyta, ukhamäspa ukasti Cristor q'uma chuymampi arkañat saraqtayapxiristam.

2 Corintios 12:7

ukhamarak jan khitinsa uka muspharkañ qhanañchäwinakat nayar taripaskañapataki. Ukat nayan jan jach'achasiñaxatakix mä t'aqhisiñ katuqta, janchir mä ch'aphimpi jununtatäkaspas ukhama, ukasti Supayan mä khithapjamaw nayar t'aqhisiyitu.

2 Corintios 2:11

Ukhamat Supayax jiwasar jan atipjkistaniti, ñanqha amtanakap sum yattanxa.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

Efesios 4:14

Janiy wawanakar uñtat sarnaqxañäniti, kawksarus jank'ak irpataki, ukatsti jan wali thakhi sarnaqir k'ari yatichirinakan yatichäwipampis sallqjataraki.

2 Tesalonicenses 2:3

Kunäkipansa jan sallqjayasipxamti. Ukampis janïr uka uru purinkipanxa, Diosar kutkatasirïñaw jutañapa, kunapachatix ñanqha jaqix uñstankan ukapacha, khititix t'unjañatak juchañchatäki uka.

1 Timoteo 2:14

Adanax janiw sallqjat uñjaskänti, jan ukasti, warmiw sallqjat uñjasïna, sallqjayasitapampiw juchar purïna.

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

Hebreos 2:14

Kunjämatix mä utankir wawanakax mä janchita, mä wilat jutixa, ukhamarakiw Jesusax jaqjam janchinïna, jaqjam wilanïna, ukhamat jiwäwipampi atipjañataki, khititix jiwayañatak ch'amanïkän uka supayaru.

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

1 Juan 5:19

Jiwasax Diosankatas yattan, taqi akapachankirix supayan apnaqatawa.

Judas 1:9

Kunapachatix Miguel arcangelax Moisesan janchipat supayamp nuwaskäna ukkhaxa, janiw kuna jisk'achañ arumpis juchañchkänti, jan ukasti jupax sakïnwa: “¡Tatituw jumarux juchañchasktam!” sasa.

Apocalipsis 12:12

Ukalayku, ¡kusisipxam, alaxpachanaka, ukan utjirinakas kusisipxam! Ukampis, ¡kunakïkan uraqimpina qutampin jakirinakatakixa! Supayasti urunakapan juk'akïxatap yatisinxa jumanakampi katuntasiriw wali q'apisit saraqani” sasa.

Apocalipsis 12:3

Ukatsti yaqha chimpuw alaxpachan uñstarakïna: mä jach'a wila dragón animalaw uñstäna, ukasti paqallqu p'iqinïnwa, tunka waxran kuna, sapa p'iqirusti mä pillumpi asxatata.

Apocalipsis 12:7

Ukatsti mä jach'a nuwasiñaw alaxpachan utjäna: Arcángel Miguelasti angelanakapampi sayt'asisin uka dragonampiw nuwasïna. Dragonampi angelanakapampisti sayt'asipxarakïnwa,

Apocalipsis 12:8

ukampis janiw atipjapkänti, janirakiw alaxpachan jupanakatak mä chiqax utjkxänti.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!

Apocalipsis 18:23

Janipuniw juman mä micha qhanas qhankxaniti, jaqichasïwinakan kusisiñ uxutanakapas janirakiw ist'askxaniti. Alakipa lurir jaqinakamax aka uraqpachan wali munañan jaqinakäpxänwa, jumasti layqasitanakamampiw taqpach markanakar sallqanttaxa.”

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 2:13

Nayax taqi luratanakam yatta, kawkhantix supayax reyi qunuñanïki uka markan jakatamsa yatiraktwa, ukampis taqi chuymampiw sutix katxäsisktaxa, nayar iyawsatam janipuniw jaytanukktati. Uka markan Antipas sat aski arsurixar jiwayapxi, ukham jiwayapkipansa, janiw ukapachas nayar iyawsañam apanukktati.

Apocalipsis 2:24

Ukampis jumanakat khitinakatix Tiatira iglesian uka yatichäwinakar jan arkapkta, janirak kuntix jupanakax ‘supayan imantat yatichäwipa’ sapki, ukanaksa uñt'apkta, jumanakaruw sapxsma, janiw kunampsa mayipkämati.

Apocalipsis 2:9

Nayax taqi luräwinakam yatta, t'aqhisitamsa, pist'añan sarnaqatamsa yatiraktwa, ukampis ajay tuqin qamirïtawa. ‘Judiöpxtwa’ siri jaqinakan jumxat jan wali parlatanakap yatiraktwa, ukampis chiqpachan jupanakax supayan tamapankasipkiwa.

Apocalipsis 20:10

Sallqjir supayasti nina azufre qutar jaquntataw uñjasini, kawkirutix k'ari profetampi uka jach'a axsarkañ animalampix jaquntat uñjasipkarakïn ukaru. Ukan uruy aruma taqpachan t'aqhisipxani, wiñayan wiñayapataki.

Apocalipsis 20:8

ukatsti pusi tuqinpach utjir markanakar sallqjiriw mistuni, Gog, Magog sat markanakar sallqjiri, ukatsti nuwasiñatakiw uka markanakan ejercitonakapar tantachthapini, ukanakasti quta iranan utjir ch'allar uñtatäniwa.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.

Apocalipsis 9:1

Ukxarux phisqïr angelaw trompetap phust'äna, ukatsti mä warawar uñjta, alaxpachat uraqiruw jalaqtanitayna; uka warawarasti uraqi manqha pachan jist'arañanakap katuqäna.

Apocalipsis 9:20

Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.