Apocalipsis 12:10 - Qullan Arunaka DC

¹⁰ Ukatsti mä jach'a aru alaxpachan ist'ta, uka arusti sänwa: “Tatitusan qhispiyasiñapampi, munañanïñ kankañapampi, marka apnaqañapampix purinxiwa; Jesucriston munañanïñ kankañapax purinxiwa. Jilanakasar k'arintas juchañchirix jaqunukutäxiwa, uruy aruma, jilanakasar Dios nayraqatan juchañchirix jaqunukutäxiwa.

Aymar Bibliia 1986

¹⁰ Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.

Qullan Arunaca

¹⁰ Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.

Apocalipsis 12:10 Jak'a apnaqawi uñst'ayäwi

1 Crónicas 29:11

¡Tatay, jach'a kankañasa, ch'amanïñasa, jach'ar aptatäñasa, apnaqañasa, munañanïñasa jumankiwa! Kunatix alaxpachana, akapachansa utjki ukax jumankiwa. Ukhamarak aka markas jumankiwa, ukampis Tatitu, jumaw taqi ukanakat jilïrïtaxa.

Job 1:11

Kunanakapatix utjki ukanak apaqxam, ukapachaw uñjäta kunjämtix ñanqhachkätam ukxa —sasa.

Job 1:9

Ukxaruw juchañchir angelax sarakïna: —Jupax janiw inak jumar luqtktamti.

Job 2:5

Jichhasti janchipar llamkt'am, ukapachaw uñjäta, kunjämtix juman ajanumar ñanqhachkätam ukxa —sasa.

Salmos 22:28

28 (29) Tatituw reyixa, jupaw taqi markanakarux apnaqi.

Salmos 45:6

6 (7) Dios Tatay, reyi kankañamax wiñayatakiwa, reyi kankañamax chiqapar uñjañawa.

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Mateo 26:64

Jesusasti sarakïnwa: —Jumaw uk sasktaxa. Nayasti sapxaraksmawa, Jaqin Yuqaparux ch'aman Diosan kupïxapan qunt'atäskir uñjapxäta, alaxpachat qinayxan jutaskir uñjapxarakïta —sasa.

Mateo 28:18

Jesusasti jupanakar jak'achasisin säna: —Diosax munañan kankañ churitu, alaxpacha, akapach apnaqañataki.

Mateo 6:10

Qhapaq kankañamax nanakar jutpan. Munañamasti akapachan luratäpan, kunjämatix alaxpachan luratäki ukhama.

Lucas 11:2

Jesusasti jupanakarux sänwa: —Diosat mayisipkäta ukkhasti sapxam: ‘Awkixay, sutimax qullanañchatäpan. Qhapaq kankañamax jutpan.

Lucas 22:31

Jesusax sarakïnwa: —Simón, Simón, sum ist'am, supayax jumanakar trigorjam jawq'suñatakiw mayi;

1 Corintios 5:4

Kunapachatix jumanakax tantachasipkät ukkhaxa, nayax ajayun jumanakampi chikäskä, Tatit Jesusan ch'amapas jumanakampi chikäskarakini. Ukhamasti Jesús Tatitusan sutipxaruw

2 Corintios 12:9

ukampis Tatitux situwa: “Munasiñaxampix phuqhatakïtawa; ch'amaxax t'ukhasiñan qhanpach uñsti” sasa. Ukhamasti t'ukhasiñaxat jach'añchastwa, ukhamat Criston ch'amapax nayan uñstañapataki.

Tito 2:3

Uka kipkaraki chuyman warminakas suma sarnaqirïpxpan, jaqxat jan parlasirïpxpati, janirak machirïpxpasa. Mayninakatakisti mä suma uñtäwïpxañapawa,

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 2:26

Khitinakatix jan walt'añanakar atipjkani, ukatsti kuntix nayax munkta ukhamarjam tukuykam lurarakini ukarux, nayaw markanak apnaqañapatak ch'aman kankañ churä,

Apocalipsis 7:10

Taqiniw wali jach'at art'asipxäna akham sasa: “¡Qhispiyasiñax Diosasat juti, qhapaq qunuñan qunt'atäki uka, Corderota!”