1 Juan 5:19 - Qullan Arunaka DC

¹⁹ Jiwasax Diosankatas yattan, taqi akapachankirix supayan apnaqatawa.

Aymar Bibliia 1986

¹⁹ Yattanwa Diosanquirïtasa, uqhamarac take aca orakpacha Supayan munañapancatapa.

Qullan Arunaca

¹⁹ Yattanwa Diosanquirïtasa, uqhamarac take aca orakpacha Supayan munañapancatapa.

1 Juan 5:19 Jak'a apnaqawi uñst'ayäwi

Lucas 4:6

sarakïnwa: —Nayax taqi akapach markanakan munañanïñapampi, jach'a kankañapamp churäma. Taqi akanaksti nayaw katuqta, khitirutix nayax churañ munkta ukaruw churarakï.

Juan 12:31

Jichhapï akapachax taripatänixa, jichharakiw akapach apnaqiris jaqunukutänixa.

Juan 14:30

“Janiw jumanakamp juk'ampinak parlkxäti, akapach apnaqir supayax niy jutiwa. Jupasti nayxarux janiw kuna ch'amanïkisa,

Juan 16:11

¿khitirak Diosan taripäwip katuqanisti? Khititix akapach apnaqki ukawa, jupasti niya juchañchatäxiwa.

Juan 17:15

Janiw akapachat jupanakar apsuñamatak mayksmati, jan ukasti Supayat imañamatakiw maysma.

Romanos 8:16

Uka pachpa Ajayuw jiwasan ajayusampi mayachasisax Diosan wawanakapätas qhanañchi.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

2 Corintios 5:1

Jiwasanakax akapachankir utar uñtatakïtanwa, apnaqañ utar uñtata, ukax janiw wiñayatakïkiti; ukampis yattanwa, uka utatix tukusinixa, Diosax alaxpachan wiñay uta wakicharapistu, ukasti janiw jaqinakan amparapampi luratäkiti.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

Efesios 2:2

jiwatäsipkäyätawa, akapach amtäwinakaparjamaw arkasipkäyätaxa, kawkïr ajayutix alaxan apnaqki, Diosar jan jaysirinakar ch'amañchki ukan munañap lurasipkäyätaxa.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.

1 Juan 3:14

Jiwasax jiwañat jakañaruw sarakipxtan, uksti jilanakasar munatas laykuw yattan. Khititix jan munki ukax jiwatäskiwa.

1 Juan 3:24

Khitinakatix kamachiparjam phuqhapki ukanakax Tatitumpiw jakapxi, Tatitusti jupanakampiw jakaraki. Qullan Ajayup churkistu uka tuqiw jiwasampi jakatap yattan.

1 Juan 5:10

Khititix Diosan Yuqapar iyawski ukaxa, uka qhanañchäwix chuymapankiwa. Jan iyawsiristi Diosarux k'aritjam uñt'ayi, Diosan Yuqap tuqi qhanañchäwi jan iyawsatap layku.

1 Juan 5:13

Aksti Diosan Yuqapar iyawsirinakaruw qillqanipxsma, wiñay jakañanïpxatam yatipxañamataki.

1 Juan 5:15

Ukhamat yattan, Diosan mayitasar ist'atapa, uka kipkarakiw yattan, kuntix mayktan ukax niyaw utjxistu.

1 Juan 5:18

Khititix Diosat Awkinïki ukax, juchan jan sarnaqxatap yattan, Diosan Jesucristo Yuqapaw juparux imi, supayasti janiw jupar llamkt'kiti.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 20:3

Ukatsti manqhapacha ch'amakaruw jaquntäna, ukaruw jist'antarakïna, punkurusti mä chimpu uchantäna, ukhamat waranqa mara phuqhasiñapkam uka dragonan markanakar sallqjir jan mistuniñapataki. Waranqa mara qhipatsti, uka dragonax mä juk'a pachatak antutnukutaw uñjasini.