1 Juan 5:20 - Qullan Arunaka DC

²⁰ Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

Aymar Bibliia 1986

²⁰ Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.

Qullan Arunaca

²⁰ Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.

1 Juan 5:20 Jak'a apnaqawi uñst'ayäwi

Isaías 44:6

Tatitu, jach'a reyi, Israelan qhispiyiripa, taqi ch'amani Tatitux siwa: “Nayätwa qalltasa, tukuyasa; nayat juk'ampix janiw yaqha diosax utjkiti.

Isaías 54:5

Jumar jakañ churir Tatituw jichhax warmipat uñt'asxätam; sutipasti taqi ch'amani Tatitu satawa. Qhispiyirimax Israelan Qullan Diosapawa, jupasti taqi aka uraqpachan Diosaparakiwa.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 10:10

Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Jeremías 23:6

Uka reyin apnaqäwipansti, Judá uraqix qhispiyatäniwa, Israel markas taqi jan walit jark'aqataw jakasini. Aka sutimpiw sutichapxani: ‘Tatituw jiwasan atipjirisaxa’ ” sasa.

Mateo 13:11

Jesusasti jupanakarux sänwa: “Diosax jumanakar kunanakatix alaxpachan imantatäki ukanak yatiyapxtam, jupanakarusti janiw yatiyatäkiti.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Lucas 24:45

Ukapachaw Qillqatanakat jupanakarux amuyt'ayäna,

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 10:30

Awkimpi nayampix mayakïpxtwa —sasa.

Juan 14:20

Khä urun jumanakax, nayan Awkixankatax yatipxäta, jumanakasti nayankatam yatipxäta, nayasti jumanakankatam yatipxarakïta.

Juan 14:23

Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 14:9

Jesusasti juparux sarakïnwa: —Felipe, akkha mararakis jumanakampïtxä, ¿janit jichhakam uñt'kistasti? Khititix nayar uñjkituxa, Awkirux uñjarakiwa, ukhamasti ¿kunatarak mayistasti: “Awkir uñacht'ayapxita” sasasti?

Juan 15:4

Jumanakax nayampipunïpxam, kamisatix nayax jumanakampi mayakïtxa ukhama. Mä laymi sapax janiw achkaspati, janitix uva alipampi mayakïkchi ukaxa; uka pachparakiw jumanakax janitix nayampi mayakïpkasma ukax janiw achu churapkasmati.

Juan 17:14

Nayasti jupanakarux arunakam churta, ukampis akapachankirinakax jupanakarux uñisiwa, jupanakan jan akapachankirïpxatap layku, kamisatix nayax jan akapachankirïktxa ukhama.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 20:28

Ukatsti Tomasix sänwa: —¡Tatituxay, Diosaxay! —sasa.

Juan 8:42

Jesusasti jupanakarux sänwa: —Chiqpachan Diosatix awkimäspa ukaxa, jumanakax munapxitasmawa, nayax Diosat jutta ukat akankarakta. Janiw nayax munañaxat jutkti, jan ukasti Diosaw nayarux khithanitu.

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

Romanos 9:5

Jupanakax nayra awkinakasan wawanakapawa; Cristox janchi tuqin jupanak taypit juti, jupasti taqi kunxar Diosawa, wiñayatak yupaychatäpan. Ukhamäpan.

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

2 Corintios 5:17

Ukhamasti, khititix Cristompi mayachatäxchi ukax, machaq jaqïxiwa. Nayra luräwinakax tukusxiwa; jichhax taqi kunas machaqar tukutawa.

Efesios 3:18

Ukhamat jumanakax qullan markampi mayachat amuyt'apxäta, Criston munasiñapax taqi tuqir jach'ätapa.

Filipenses 3:9

jupampi chikt'ata jikxatasiñaxataki; janiw kamachirjam chiqa kankañ jikxatatax laykuti, jan ukasti, Cristor iyawsatax laykuwa, kuntix Diosax jupar iyawsirinakar churki uka.

1 Timoteo 3:16

Janiw pächasiñax utjkiti kawkïr chiqa kankañatix iyawsäwisan uñstki ukan jach'ätapata: Cristox jaqir tukt'asaw akapachar jutäna, Ajayütap laykuw atipjawayäna, angelanakan uñjatänwa. Arunakapax markanakar yatiyatänwa, aka uraqpachan juparux iyawsawayapxi, alaxpachansti suma katuqatarakiwa.

Tito 2:13

ukatsti kusiskañ suyt'äwimpi jakañas yaticharakistu, jach'a Qhispiyir Tatit Jesucriston kutt'aniñap suyasa.

Hebreos 1:8

Ukampis Yuqapat siwa: “Juman qhapaq qunuñamax Dios Tata, wiñayatakiwa, Reyi kankañamas chiqapar uñjañawa.

1 Juan 2:23

Khitinakatix Yuqar jan uñt'ir tukupki ukaxa, janirakiw Awkirux uñt'kiti; ukampis khititix Yuqar katuqki ukax Awkirux katuqarakiwa.

1 Juan 2:24

Uka layku, jumanakax qalltatpach ist'apkta uka arunak chuymanakamar imapxam; qalltatpach ist'apkta uka arunaktix chuymanakamar imapxstaxa, jumanakax ukhamarakiw Yuqampi Awkimpix mayakïpxäta.

1 Juan 2:6

Khititix “Diosampix mayakïtwa” siski ukaxa, kunjämatix Jesucristox jakkän ukhamaw jakañapa.

1 Juan 4:14

Jiwas pachpaw uñjtan, Dios Awkix akapachar qhispiyirix Yuqapar khithanitap arsuraktan.

1 Juan 4:16

Jiwasax ukham tuqiw Diosan jiwasar munasitap yattan. Diosax munasiñawa; khititix munasiñan jakki ukax Diosan jaki, Diosasti jupan jakaraki.

1 Juan 4:2

Jumanakax akham tuqikiw maynin Diosan Ajayunïtap yatipxasma: Khititix siski: “Jesucristox janchir tukusaw juti” sasa, ukax Diosan Ajayupaniwa.

1 Juan 5:1

Taqi khititix Jesusan Cristötap iyawski ukaxa, Diosan wawapawa; khititix awkir munaski ukax uka awkin wawanakaparux munasirakiwa.

1 Juan 5:15

Ukhamat yattan, Diosan mayitasar ist'atapa, uka kipkarakiw yattan, kuntix mayktan ukax niyaw utjxistu.

1 Juan 5:18

Khititix Diosat Awkinïki ukax, juchan jan sarnaqxatap yattan, Diosan Jesucristo Yuqapaw juparux imi, supayasti janiw jupar llamkt'kiti.

1 Juan 5:5

Khititix Jesusarux Diosan Wawapätap iyawski ukax akapacharuw atipji.

Apocalipsis 15:3

Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 3:14

“Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa:

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa:

Apocalipsis 6:10

Ukanakasti jach'at art'asisaw sapxäna: “Taqi ch'aman Dios Tata, jumax qullanätawa, arsutamax chiqawa. ¿Kunapachkamarak jan juchañchkäta, uraqin jakapki uka nanakar jiwarayirinakarusti?” sasa.