Rut 4:11 - Qullan Arunaca

Take ucanquirinacasti arsupjjaraquïnwa aqham sasa: —Nanacaw take acanacat uñjapjjta. ¡Diosasti munpan, cawquïri warmitï utamaru mantancani ucasti Raquel, uqhamaraqui Lea warminacjamäpan, jiwasa Israelit jakenacajj jupanacan wawanacapäpjjtanwa! Jumasti suma aytat jakëma aca Efrata sat Belén marcanjja.

Aymar Bibliia 1986

Take ucanquirinacasti arsupjjaraquïnwa aqham sasa: —Nanacaw take acanacat uñjapjjta. ¡Diosasti munpan, cawquïri warmitï utamaru mantancani ucasti Raquel, uqhamaraqui Lea warminacjamäpan, jiwasa Israelit jakenacajj jupanacan wawanacapäpjjtanwa! Jumasti suma aytat jakëma aca Efrata sat Belén marcanjja.

Qullan Arunaka DC

Taqi ukankirinakasti arsupxarakïnwa akham sasa: —Nanakaw taqi akanakat arsupxä. ¡Tatitusti munpan utamar mantkani uka warmix Raquel, Lea warminakjamäñapa, jiwasa israelit jaqinakax jupanakan wawanakapäpxtanwa! Jumasti, Belén markanxa, suma uñt'ata, aytat jaqirakïma.

Rut 4:11 Jak'a apnaqawi uñst'ayäwi

Génesis 23:10

Efronasti uca hitita jakenac taypincascaraquïnwa uca horasajja, ucatsti Abrahamarojj take jakenacana, uqhamarac marca mantaña cheka pasasipcäna ucanacan ist'cañaraquiw aqham saraquïna:

Génesis 24:60

Rebecarusti aqham sasaw bendicipjjaraquïna: “Munat cullaca, ¡Jumasti waranka, warankanacan taycapäman! ¡Wawanacamasti uñisirinacapan marcanacapsa catuntapjjaracpan!” sasa.

Génesis 29:16

Labanajj pä phuchanïnwa. Jilïrejja Lea sata, sullcasti Raquel sataraqui.

Génesis 29:25

Khepärmanthisti Jacobojj, ucqhaquiw amuyasi Leampi iquitapa, ucat Labanan ucar sari, aqham sasa: —¿Cuns lurista? ¿Janit nayajj Raquel laycu irnaktjja? ¿Cunatsa sallkjjesta? —sasa.

Génesis 29:32

Leasti usur jakeptasinjja mä yokall wawa wawachasïna, ucarusti Rubén sasaw suticharaquïna, saraquïnwa: “Tatitojj llaquisitajj-jja yatïnwa. Jichhasti chachajjajj munasjjaraquitaniwa” sasa.

Génesis 35:23

Leampi wawanacanïpcän ucanacasti acanacänwa: Rubén, jilïri yokapa; Simeón, Leví, Judá, Isacar, Zabulón ucanaca.

Génesis 35:24

Raquelampi wawanïcän ucanacasti acanacaraquïnwa: Joseampi, Benjaminampi.

1 Reyes 21:8

Ucspachawa warmipajja cartanaca kellkäna Acab chachapan sutiparu, selljjatawayänwa reyin sellopampi cuna; ucatjja uca cartanacjja apayänwa Nabot chachan marcapan jacapqui ucan awquinacaru, uqhamarac jilïrinacarusa.

1 Crónicas 2:51

Salma chachasti Belén ucan awquipänwa; Haref chachasti Bet-gader ucan awquipänwa.

Salmos 132:6

Efrata chekawjan arust'äwit ist'apjjta, Jaar oraken uc jicjjatapjjaracta.

Proverbios 14:1

Yatiñan warmejj utapjja sumwa uñjasi, ucampis jan amuyt'an warmejja pachpa amparapampiwa utaparojj tucji.

Proverbios 31:23

Chachapasti marcanjja suma uñt'atawa, marcana wali aytata jilïri chachanac taypinquirïtap laycu.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Mateo 2:6

‘Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja’ sasa.

Deuteronomio 25:7

Ucattejj uca jakejj jan cuñadapampi casarasiñ muncan ucqhajj warmejj tribunalar uñstiriw sarani uca jilïrinacar aqham siri: ‘Nayan cuñadojjasti janiw jilapan sutipajja Israel marcan jacañapjja munquiti, janiraquiw nayampis familiachasiñsa munquiti’ sasa.

Deuteronomio 25:9

ucqhasti cuñadapajj uca jakerojj jac'achasisinjja, take jilïrinacan uñjcataw cayupatjja wisqhupa apsuni, ucatsti ajanupat thuscataraquini, aqham sasa: ‘Aqhamaw lurañajj cawquïri jaketï jan jilapan sutip sarayañ munqui ucarojja’ sasa.