Rut 4:10 - Qullan Arunaca

¹⁰ Uqhamaraquiw jumanacajj arsüpjjäta, nayana Rut ijmaru warmejjat catokjjañajjataqui, uqhamat orakepajj jiwiri Mahlón chachapan sutipancascañapataqui. Uqhamatsti janiw Mahlón chachan sutipajj chhaktcaniti jupanac taypinjja, ni aca marcansa armatäcaniti —sasa.

Aymar Bibliia 1986

¹⁰ Uqhamaraquiw jumanacajj arsüpjjäta, nayana Rut ijmaru warmejjat catokjjañajjataqui, uqhamat orakepajj jiwiri Mahlón chachapan sutipancascañapataqui. Uqhamatsti janiw Mahlón chachan sutipajj chhaktcaniti jupanac taypinjja, ni aca marcansa armatäcaniti —sasa.

Qullan Arunaka DC

¹⁰ Nayax Rut ijma warmimpiw jaqichasxarakï, ukhamat uka uraqix jiwir Mahlón chachapan sutipankaskañapataki. Ukhamasti janiw Mahlón chachan sutipax wila masinakap taypin chhaqtkaniti, aka markansa janiw sutipax armatäkaniti. Jumanakaw jichhürux taqi ukanak uñjapxista —sasa.

Rut 4:10 Jak'a apnaqawi uñst'ayäwi

Génesis 29:27

Leampi casarasiñ semänjja phokhaquimaya, ucat Raqueljja churapjjaraquïma, jumatejj nayataqui yakha pakallko marampi irnakäta ucqhajja —sasa.

Génesis 38:9

Ucampis Onán chachajj amuyasïnwa wawanac nazcaspän ucanacajj janiw jupan wawapa satäcasapänti. Ucatwa sapa cuti jilapan viudapampi iquintcän ucqhajj janiw usuriptayañ muncänti, jan ucasti orakeruquiw waranucünjja, uqhamat jilapajj jan jupa toke wawanïñapataqui.

Salmos 109:15

Tatitojj ucanac amjjäsiscacpan, sutipasti oraket chhaktayatäpan.

Salmos 34:16

Tatitojj ñankha luririnacataquiw sayt'i, aca oraket jupanacar chhaktayañataqui.

Proverbios 18:22

Esposa jicjjatañajj suma asqui jicjjatañawa; Diosan bendicionap catokañaraquiwa.

Proverbios 19:14

Awquita taycatjja uta kamir cancaña catokañawa utji, ucampis ch'iqhi warmjja Tatituquiw churi.

Isaías 48:19

wawanacamasti ch'allar uñtata jan jact'cayaraquïsapänwa, uca ch'allanacjam sinti waljapunïsapänwa jan jact'cayaraqui; janiraquiw nayajj cunäquipansa tucjquiriscätti, nayrakatajjatsa janiraquiw jayar apanuccaraquiriscätti.”

Oseas 12:12

Jacobosti Aram tokenacaruw jaltjjäna, ucansti warmi jicjjatañataquejj ovej awatïna.

Oseas 3:2

Ucatsti mä warmi nayajj alasta tunca pheskani kollkempi, mä carga chicatani cebadampi cuna.

Zacarías 13:2

Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.

Malaquías 2:14

Ucatsti jisct'asisipcactawa: “¿Cunats uqhamäpacha?” sasa. Diosasti uñjaractamwa cuna arunactï warmimampi waynäcasin casarasisajj arscäyäta ucanaca jan phokhatamjja, uca laycu. ¡Jupasti juman warmimänwa, jumasti jupa sapampi jacañataquiquiw arsuraquïyätajja!

Efesios 5:25

Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.

Deuteronomio 25:6

Cawquïri tayna wawatejj jupat nacini, ucajj jiwir jilapan sutipwa aparaquini, uqhamat sutipajj jan Israel marcan chhakhañapataqui.

Hebreos 13:4

Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.

Josué 7:9

Cananeo jakenacas, uqhamaraqui take aca orakenacan jaquir jakenacasa jichhajj yatipjjaniwa cunatï Israel marcarojj pasqui ucjja; take jupanacaw mayacht'asisina nanacar t'unjapjjetani. Jichhasti ¿jumajj cunsa luräta jach'a sutimajj jan p'enkachatäñapataquejja? —sasa.

Rut 4:9

Ucatsti Booz chachajj, jupanacan nayrakatapanjja sänwa: —Take jumanacaw arsurïpjjäta, nayasti jichhüruw Noemí warmit alasjjta cawquïri oraketejj Elimelec, Mahlón, Quelión sat chachanacanccäna uca.