Miqueas 5:2 - Qullan Arunaca

² Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Aymar Bibliia 1986

² Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Qullan Arunaka DC

² 2 (1) Jumasti, Belén Efrata, Judá uraqinkir markanakatxa jisk'akïtawa, jumat Israel markar mayni apnaqirix mistuni, ukasti nayra wila masinak taypit saraqiriwa.”

Miqueas 5:2 Jak'a apnaqawi uñst'ayäwi

Génesis 35:16

Ucatsti Betel sisqui uca chekatjja sarjjapjjänwa, ucampisa Efrata sisqui uca chekatjja jayancasipcänwa, ucapachaw Raquelajj wawachasi, ucatsti wawachasiñapanjja janiw walt'cänti jan ucasti wali ch'ama tucüna.

Génesis 35:19

Uqhamaw Raquelajj jiwjjäna, Efrata sisqui uca thaquiruw imjjapjjäna, ucasti jichhajj Belenäjjewa.

Génesis 48:7

Cunapachatejj nayajj Padan-aram sisqui ucsa toket cuttanjjayäta ucqhasti Raquelajj Canaán orakenwa jiwjjäna, ucampisa janïra Efrata sisqui uca chekar purincasa, ucatsti uca Efrata thaqui jac'aruw imt'jjaracta, jichhasti Belén sataraquiwa.

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

1 Crónicas 2:54

Salma chachan wawanacapasti acanacänwa: Belén, netofatitanaca, Atrot-bet-joab, ucasti manahetitan yakha chicatapänwa, zuraítanac cuna,

Salmos 132:6

Efrata chekawjan arust'äwit ist'apjjta, Jaar oraken uc jicjjatapjjaracta.

Salmos 90:2

Kollunac janïr utjquipana, acapachas janïr utjquipana, wiñayatpacha, wiñayataquiw jumajj Diosätajja.

Éxodo 18:21

Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Éxodo 18:25

Ucat jupasti ajllïnwa, israelitanac taypitjja suma amuyt'an jakenaca, ucanacsti uchänwa jilïrinacata waranka, pataca, pheska tunca, uqhamarac tunca jakenacjjaru.

Isaías 11:1

Uca troncojj Isaí chachawa, jisc'a aliw ch'ichsu, mä aliw saphinacapatjja ch'ichtaniraquini.

Isaías 53:2

Tatituw muni jupan sirviripajj mä machak alir uñtata jilañapa, waña orakeruraqui saphinacapjja saphintañapa. Janiw jupajj sumäcänti, janiraquiw c'ajcänsa, uñnakapasti janiw munañjamäcänti,

Isaías 55:4

Nayaw juparojj marcanacataquejj testigot uscta, marcanacataquejja mä jilïri yatichiriraqui.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Jeremías 30:21

Jupanac taypitaracwa mayni jilïrejj mistuni, jupanacar apnakeriraquiw maynejj jupanac taypit mistuni. Nayaruw jac'achasiyaniraquëjja; ucampisa, ¿qhitis nayaru jac'achasiniñ munaspajja? Jupanacajj marcajjäniwa, nayasti Diosaparaquïyäwa. Naya Tatituw ucjja arsta.”

Oseas 6:3

¡Ch'amacht'asipjjañäni Tatitur uñt'jjañasataqui! Tatituw jiwasanacan ucar jutani, cunjämtejj intejj jalsunqui uqhama, cunjämtejj jallojj purjjatanqui tucuyarusa, kalltarusa uqhama.

Amós 9:11

“Davidan tincuta utapa wasitat sayt'ayañ urojj jutasquiwa. Perka p'iysutanacsa phokantaraquïwa, perka t'unjatanacs wasitatwa sayt'ayaraquï, nayrapachajj cunjämacäntï uqhamwa lurt'araquëjja.

Miqueas 4:10

K'ewinaktam, warariraquim Sión marca, cunjämtejj parto usumpi wararir warmejj wararejja uqhama, jakenacamajj jumatjja mistuwayjjapjjaniwa, ucatsti ch'usa pampanacanwa jacapjjaraquini, Babilonia marcacamaraquiw puripjjaraquini. Ucampis ucanjja Tatitojj marcaparojj khespiyaniwa, uñisirinacapatwa khespiyani.

Zacarías 13:7

Take ch'amani Tatitojj arsuwa: “¡Sartasim espada, awatirejj contra, yanapirejj contraraqui! ¡Awatirirojj jiwayam, ovej tamasti aywitatapjjaniwa, nayasti orko ovejanac contraraquiw cuttaraquëjja!

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Mateo 2:1

Jesusasti Belén marcanwa nacïna Judea orakena, ucapachasti Herodesaw reyïscaraquïna. Jerusalén marcarusti mä jakenacaw inti jalsu toketa purinipjjäna, jupanacasti magonacäpjjänwa.

Mateo 2:6

‘Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja’ sasa.

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Lucas 23:2

Ucanwa juchañchañ kalltapjjäna aqham sasa: —Aca jakerojj jakenacasar pejjtusquirwa jicjjatapjjta: ‘Impuestjja janiw romano emperadorarojj pagañasäquiti’ siwa, uqhamaraquiw ‘Cristöt’ saraquiwa, mä arunsti ucajj ‘rey’ sañ muni.

Lucas 23:38

P'ekep patansti mä kellkataw utjäna, [griego, latín, hebreo arunacana] kellkata, “Acajj Judionacan Reyipawa” —sänwa.

Juan 7:42

Kellkatanjja siwa: ‘Cristojj rey Davidan wawanacapatwa sartañapa, Belenanquirïñaparaquiwa, Davidan pachpa marcapata’ ” sasa.

Deuteronomio 1:15

“Ucatsti sapakat tribunacatwa jumanacata amuyt'ani, sarnakañsa yatiri jakenacar ajllïyäta jumanacjjaru jilïri jaket utt'ayatäpjjañapataqui; yakheparusti waranka jakenac apnakañapataquiw uchäyäta, yakheparusti patac jakenac apnakañapataqui, mayninacarusti pheska tunca jakenaca, apnakañapataqui, mayninacarusti tunca jakenac apnakañapataquiraqui. Uqhamaraqui sapakat tributaquisa kellkerinaca.

Colosenses 1:17

Janïr cunas utjcän ucqhatpachwa Cristojj utji, jupïpanaracwa take cunas chekaparu utjascaraqui.

Hebreos 13:8

Jesucristojj pachpaquïsquiw wasürusa, jichhürusa, wiñayasa.

Hebreos 7:14

Suma yatitawa, Tatitusajj Judá tributwa juti. Cunapachatï Moisesajj sacerdotenacat parlcän ucqhajj janiw cuns siscänti aca tributjja.

1 Juan 1:1

Kellkanipjjsmawa jumanacaru qhititejj utjcapunïna, cunapachatï take cunas kalltascäna ucqhatpacha. Nanacasti jupa pachpatwa ist'apjjta, uqhamarac quicpa nayranacajjampis uñjapjjaracta, uñcatapjjaracta, amparanacajjampis llamct'apjjaracta, ucasti jacañ Aruwa.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.

Apocalipsis 2:8

“Esmirnanquir iglesian angelaparojj kellkasin apayaraquiquim: ‘Aqham siw qhititejj kalltäqui, tucuyäcaraqui ucajja, qhititejj jiwcäna jichhasti jacascaraqui ucajja:

Apocalipsis 21:6

Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.

Jueces 17:7

Belén marcanjja jayanquir mä waynaw utjäna Judá sat tributa. Jupasti Leví familiatänwa.

Rut 1:1

Cunapachatejj Israel marcajj juezanacan apnakatäcäna uca maranacanjja, mach'aw utjäna uca chekanjja. Ucatwa Judänquiri Belén marcata Elimelec chachajj Moab sat orakeru jaquir sarjjäna. Jupamp chicajj sarapjjänwa: Noemí sat warmipa, uqhamarac pä wawanacapa, Mahlón, Quelión sutininaca. Take jupanacasti efrateo Belén marcat jutirïpjjänwa, uqhamaw puripjjäna Moab orakeru ucan jacañataqui.

Rut 4:11

Take ucanquirinacasti arsupjjaraquïnwa aqham sasa: —Nanacaw take acanacat uñjapjjta. ¡Diosasti munpan, cawquïri warmitï utamaru mantancani ucasti Raquel, uqhamaraqui Lea warminacjamäpan, jiwasa Israelit jakenacajj jupanacan wawanacapäpjjtanwa! Jumasti suma aytat jakëma aca Efrata sat Belén marcanjja.

1 Samuel 10:19

Ucampis jichhajj jumanacajj Diosamarojj jisc'achapjjtawa, jupaw take jan walt'añanacatsa, llaquisiñanacatsa khespiyanipjjtam, mä rey jumanacar apnakañapataqui mayisasti jumanacajj Diosaruw jisc'achasipctajja. Uca laycu jichhajj Tatitun nayrakataparu uñstapjjam, sapakat tribunacata, uqhamarac jach'a familianacatsa” sasa.

1 Samuel 17:12

Mä jakeraquiw Belén marcan utjäna Isaí sutini, Saúl reyin urunacapansti jupajj niya chuymanëjjänwa. Uca jakesti quimsakallko yokanacanïnwa, sullquïristi David sataraquïnwa.

1 Samuel 17:18

Uqhamaraqui aca tunca quesompi apawayam batallonan comandantepataqui. Ucatsti jilanacamar uñjt'aniraquim, cunjämäsipquis jupanacajj uca tokenacata yatiyaraquita, ucatsti mä cunsa apanirapita nayan yatiñajjataqui jupanacan waliquïscatapata.”

1 Samuel 23:23

Cawquïri imantasiñanacarutejj imantasqui ucanacsti wali suma uñakanipjjam; nayan ucaru yatiyiri cuttanipjjam, cawqhancquitejj ucjja sum yatjjatasa. Ucat nayajj jumanacampi chicaw sarä. Chekpachapuni uca chekancchejja, nayasti c'uchut c'uchu thaksü take uca Judá orakjja, uqhamarac take jakenac taypsa.

1 Samuel 8:12

Mayninacarojj waranka soldadjjaru jilïritwa ucharaquini, mayninacarusti pheska tunca soldadonacjjaruw ucharaquini. Jumanacat yakhepanacarusti yapupa khollipjjañamataquiw uchapjjätam, yapupa apthapiñataquiraqui, uqhamarac armanacap lurañataqui, guerrar sarañ carronacan yänacap lurañataquiw uchapjjätam.