Mateo 2:6 - Qullan Arunaca

⁶ ‘Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja’ sasa.

Aymar Bibliia 1986

⁶ Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja —sasa.

Qullan Arunaka DC

⁶ ‘Judea uraqinkir Belén marka, wali aytat markanak taypinxa, janiw sinti jisk'äktati; jumat mä jilïrix mistuni, jupaw Israel markaxarux irpani’ sasa.

Mateo 2:6 Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

2 Samuel 5:2

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

1 Crónicas 2:51

Salma chachasti Belén ucan awquipänwa; Haref chachasti Bet-gader ucan awquipänwa.

Esdras 2:21

Belenanquiri jakenacasti, pataca pä tunca quimsanïpjjänwa.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Números 24:19

Mä atipjiriw Jacobotjja mistuni, marcan kheparirinacarojja t'unjaniwa” sasa.

Mateo 2:1

Jesusasti Belén marcanwa nacïna Judea orakena, ucapachasti Herodesaw reyïscaraquïna. Jerusalén marcarusti mä jakenacaw inti jalsu toketa purinipjjäna, jupanacasti magonacäpjjänwa.

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Juan 21:16

Payïrinjja wasitampiw jisct'i: —Simón, Jonasan yokapa, ¿nayaru munasistati? —sasa. Pedrosti ucjjarojj saraquïnwa: —Jïs, Tata, jumaw yatta nayajj jumaru munatajj-jja —sasa. Jesusasti siwa: —Uqhamajj ovejanacajja awatim —sasa.

Juan 7:42

Kellkatanjja siwa: ‘Cristojj rey Davidan wawanacapatwa sartañapa, Belenanquirïñaparaquiwa, Davidan pachpa marcapata’ ” sasa.

Efesios 1:22

Take cunsa Criston munañaparuw uchawayi, uqhamaraqui iglesian p'ekëñapataquejj Cristo pachparuraquiw uchawayi.

Colosenses 1:18

Uqhamarus Cristojj uca cuerpon p'ekepawa, ucasti iglesiawa. Juparaquiw uca cuerporojj jacañ churi, jupajj jiwatanacat nayrakat jactiriwa, uqhamat jupajj take cunansa nayrancañapataqui.

Hebreos 7:14

Suma yatitawa, Tatitusajj Judá tributwa juti. Cunapachatï Moisesajj sacerdotenacat parlcän ucqhajj janiw cuns siscänti aca tributjja.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 2:27

cunjämatï nayarojj Awquejjajj munañanïña cancañ churitojja uqhama. Marcanacarusti mä hierro varampjamaraquiw apnakapjjani, ñek'et lurat phuqhunacäcaspas uqhamaracwa t'unthapipjjani.

Apocalipsis 7:17

Trono taypincquis uca Corderow jupanacarojj ovejanacarjama awatini, jacquir uma jalsunacaruw anaquiraquini. Diosasti take jachanacap nayranacapat phiscurjjani” sasa.