Uqhamaraquiw tucjayaraquïna chachapura juch lurañataqui waquichatäcäna uca utanacsa, ucasti lurasïnwa Tatitun templopana yakha diosar yupaychasina, ucanracwa warminacajja isinaca p'itapjjäna Asera sat diosapataqui.
Números 25:1 - Qullan Arunaca Cunapachatejj israelitanacajj Sitim sat chekar utjantasipjjän ucqhajj, chachanacajj moabita warminacampiw wachoka jucha lurañ kalltapjjäna. Aymar Bibliia 1986 Cunapachatejj israelitanacajj Sitim sat chekar utjantasipjjän ucqhajj, chachanacajj moabita warminacampiw wachoka jucha lurañ kalltapjjäna. Qullan Arunaka DC Israelitanakax Sitim chiqan utjantasipkän ukapachasti, chachanakax moabita warminakampiw wachuq jucha lurañ qalltapxäna, |
Uqhamaraquiw tucjayaraquïna chachapura juch lurañataqui waquichatäcäna uca utanacsa, ucasti lurasïnwa Tatitun templopana yakha diosar yupaychasina, ucanracwa warminacajja isinaca p'itapjjäna Asera sat diosapataqui.
Baal-peor diosan loktiriparuw tucupjjäna, jiwat diosanacar loktat wilañchanac mank'apjjäna;
“Ucampis janipuniwa sumancañaru mantapjjätati uca oraken jaquirinacampejja. Jupanacasti diosanacaparu yupaychasina, uqhamarac sacrificionac loktasinjja jumanacaru churapjjeristam, ucatsti jumanacajj inampis uca diosanacaru loktat mank'anacsa mank'antapjjasma.
Jiwañat sipansa juc'amp jan wali jicjjataracta, ucasti cawquïri warmitejj chuymapampejj mä sipitampjama sallkjqui, amparanacapampisa catuntcaraqui ucawa. Qhititejj Diosataqui asquïqui ucajja, uca warmitjja jaltaniwa, ucampis jucharar jakejj uca sipitaruw jalantani.
Cawquïri judionacatejj Moab, Amón, Edom sat orakenacana jacapcäna ucanacajj ist'apjjaraquïnwa Babilonianquiri reyejj, yakhepa judionacarojj pachpa orakeparu jaytascatapa, uqhamaraqui Gedaliasarusa marca apnakerita utt'ayawayatapsa uca kheparirinacaru apnakañapataqui.
“Ucampisa jupanacan wawanacapajj nayataquejj sayt'asipjjaraquiquïnwa. Leyinacajjsa, camachi arunacajjsa janiw phokhapcaraquïnti ni ucarjamas sarnakapcaraquïnti, uca arunacasti qhitinacatejj ucarjama sarnakapqui ucanacarojj jacaña churi, samaraña urunacajjsa taquisipjjaraquïnwa. Nayasti uca pachpa wasaranwa jupanacarojj colerasiñajj wartaniñ munäyäta, pachpa wasaran jupanacar tucjaña, uqhamat colerasiñajjajj samarañapataqui.
Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.
Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”
“Phoksusim madianitanacatjja israelitanacan sutipjjaru, uca pasatatwa jiwjjäta” sasa.
Jordán jawira jac'an campamentojj Bet-jesimot sat chekata Abel-sitim sat chekacamänwa, Moab pampanacana.
Janiw jupanacjama wachoka jucha lurañasäquiti. Uqham lurapjjatapatsti jupanacatjja mä uruquiw pä tunca quimsan waranka jakenacajj jiwarapjjäna.
sacrificion loktata uywanacan liq'ip mank'apcän ucanacasa cawquincaraqui loktapcäyäta uca vino umirinacasti? ¡Sartasipjjpanaya jumanacar yanapt'añataqui! ¡Jutapjjpanay arjjatirisa!
Jumanacasti uñjapjjtaw cuntï Tatitojj Baal-peor sat chekanjja lurqui ucjja, uqhamaraquiw uñjapjjta cunjämsa jumanac taypit jiwarayäna take cawquïri jakenacatï uca chekanquir diosaru yupaychapjjäna ucanacarojja.
Josué chachasti Sitim chekatjja pä jakenacaruw jan qhitinsa uñjcata qhitäna aqham sasa: “Sarapjjam, uñjanipjjaraquim cunjamätaynas uca orakejja uqhamaraqui Jericó marcasa” sasa. Uqhamaw jupanacajj Jericó marcaru puripjjäna mä jan wali sarnaquir warmin utaparu, jupasti Rahab sutinïnwa, ucanaracwa uca arumajj jupanacajj korpachasipjjäna.
¿Janit jumanacataquejj juc'aquïqui Peor sat chekan juchanaca lurctan ucajja, cawquïrittejj chuymasas jan jichhacam k'omachatäqui, uqhamaraqui walja jakenaca uca jucha laycu jiwarapjje Diosan marcapata ucanacasa?
Josué chachajj khepärmanthejj wali alwat sartasïna, ucatsti take israelit jakenacampiw Sitim sat chekat mistuwayapjjäna Jordán jawirar purisina, ucanwa samarapjjaraquïna janïr jawir maqhatcasina.
Ucampis juma tokejj mä kawkha arunaca sañajjaw utjitu. Jumanac taypinjja Balaam sat jaken jan wali yatichäwinacap jan apanucuñ munirinacaw utjasqui. Uca Balaam jakejj Balac chacharuw amtayäna israelit jakenacaru juchar puriyañataqui, yakha diosanacar loktatäquis ucanac mank'ayasa, uqhamarac uca c'ari diosa nayrakatanjja wachoka jucha lurayasa.