Oseas 9:10 - Qullan Arunaca

¹⁰ Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.

Aymar Bibliia 1986

¹⁰ Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.

Qullan Arunaka DC

¹⁰ Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.

Oseas 9:10 Jak'a apnaqawi uñst'ayäwi

1 Reyes 16:31

jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.

2 Reyes 17:11

Ucsti jupanacajj lurapjjänwa cunjämatï yakha marcanacajj lurapjjerïqui uqhamaru; Tatitusti ucanacaruraquiw jupanacan nayrakatanacapatjja jakonucutayna. Israel jakenacasti inciensonacwa naqhayapjjäna, ñankha luräwinacwa lurapjjaraquïna, uqhamata Tatitur colerayasina.

Salmos 115:8

Uca diosanacar luririnacajj ucanac quipcaquïpjjewa, iyawsirinacas pachpaquïpjjaraquiwa.

Salmos 81:12

Ucat munañaparjam sarnakayta, munataparjamaw sarnakapjjaraquïna.

Cantar de los cantares 3:6

¿Cunas wasar toketa jutqui ucajja, mirrampi, inciensompi, uqhamarac take casta k'apquir kollanacampi k'aphichatäcaspas uca jiwk'e taypi jutqui ucajja?

Isaías 28:4

Uca ancuntat pankaranacampi suma lurat pankar arcosti, cawquïritejj uca suma valle patan sartqui ucajja nayrakat achokeri higonacar uñtatäniwa; cunapachatejj maynejj uñjasin mäqui irakasi, ucatsti mank'antaraqui uqhama.

Jeremías 11:13

Judá marcajj walja diosanacaniwa kawkhäquitejj marcanacapajj ucqha, uqhamaraqui Jerusalenanquiri jakenacasti walja altaranacaracwa Baal diosataquejj sayt'ayapjje kawkhäquitejj Jerusalén marcan callenacapajj ucqharaqui.

Jeremías 24:2

Maynïrejja wali suma higonacanïnwa, nayrïri achuquir higonacani, ucampisa maynïristi jan wali higonacaniraquïnwa, uca higonacasti sinti jan walipunïnwa, janiw mank'añjamäcaraquïnsa.

Jeremías 3:24

Yakha diosanacar mä p'enka yupaychatasajja, cuntejj awquinacasajj wawäcäyätan ucapacha jicjjatapcatayna uca apt'asiyistu; ovejanaca, uywanaca, uqhamaraqui yokall, imill wawanacsa.

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 31:2

Tatitojj siwa: “Jiwañat jaltaniri marcampejja, wasaran qhuyapayasiñajj uñacht'ayäyäta. Cunapachatejj Israel marcajj samart'añataqui thakascän,

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Ezequiel 20:8

“Ucampisa jupanacajj cutcatasipjjetuwa janiraquiw arunacajjsa ist'añsa munapcänti; uca ajjtascañ diosanacapatsa janiw jithektapcänti, janiraquiw Egiptonquir c'ari diosanacapsa apanucuñ munapcänti. Nayasti colerasiñajjsa jupanacjjaru wartaniña amtäyätjja, pachpa Egipto oraken mutuyaña colerajjajj apaktañapcama.

Oseas 11:1

“Israel marcarustijj wawacän ucqhajj nayajj munasiyätwa; jupajj wawajjänwa, ucatsti Egiptot jawsaracta.

Oseas 13:5

Nayaw uca nina ch'alla orake wasaranacanjja imaraquïyäsma.

Oseas 2:15

Ucatsti uva yapunacapjja cuttayjjäwa, Acor vallsti jupataquejj suyt'aña puncwa tucuyaraquï. Ucanwa jupajj nayar arsutani tawako urunacapanjama tuct'asa, Egiptot mistuncänjja uca urunjama.

Oseas 4:14

Ucampis janiw nayajj phuchanacamar wachoka jucha luratapatjja ni yojjch'anacamarus yakha chachanacampi sarnakatapatjja mutuycäti, jumanacpacha jan wali warminacampi sarnakapjjatam laycu; sacrificionac loktañataquisti jan wali sarnaker warminacampiw chicachasipjjtajja, jumanacataquisti uca jan wali sarnacañajj mä cultjamawa. ¡Uqhamwa mä marcajj aynacht'awayi jan amuyt'asitap laycojja!

Amós 4:5

Jan levaduran t'ant'a nact'ayasa yuspagarasina ofrenda loktasipjjaraquim, yatiyapjjaraquim take chekana ofrenda churapcäta ucanacsa, niyaquejjay jumanacataquejj uqham lurañajj sumächejja.” Uqham siw Tatitojja.

Miqueas 7:1

“¡Ay cunaquïcan! nayataquejja cosech apthapitat jilt'anaca thakasirjamätwa, janiraquiw cunsa jicjjatcti, ni uva ni higo, uva achunaca mank'añ munasina.

Números 15:39

Cunapachatejj fleconacan uchat uñjapjjät ucqhajj, take camachi arunac churapcsma ucanacat amtasipjjäta, ucatsti phokhapjjaraquïtawa, janiraquiw jumanacan pachpa amtäwinacamampi, munañanacamampi apayasipjjätati, cawquïrinacampitejj jumanacajj jan iyawsañani tucupcta ucanacampi.

Números 18:13

Uqhamaraqui cawquïri nayra cosechanacan achunacaptejj loktapquitu ucanacas jumataquïniwa. Cawquïri jaketejj familiamat k'omachat jicjjatascani ucasti mank'araquispawa.

Romanos 6:21

Ucampis ¿cuna suma asquirac catokapjjtasti jichhajj mä p'enkachäwiquïchi ucajja? Take ucanacan tucuyapasti jiwañaquiwa.

Deuteronomio 32:10

Wasaran jupanacar jicjjatäna, waña, uqhamarac thayan jawk'suta orakena, amparaparuwa khomjjarusïna, jupanacaru yatichasa, munat imill wawaparjamaw imaraquïnjja.

Deuteronomio 32:17

Supayanacaruw sacrificio loktapjjaraquïna, jan uñt'at c'ari diosanacaru, machak diosanacaru, ucqha purinitanacaru, cawquïri diosanacarutï awquinacamajj jan yupaychapjjerïqui ucaru.

Deuteronomio 4:3

Jumanacasti uñjapjjtaw cuntï Tatitojj Baal-peor sat chekanjja lurqui ucjja, uqhamaraquiw uñjapjjta cunjämsa jumanac taypit jiwarayäna take cawquïri jakenacatï uca chekanquir diosaru yupaychapjjäna ucanacarojja.

Jueces 6:32

Uca urutsti Gedeonarojj Jerobaal sasaw sutichapjjäna, ucampis sapjjaraquïnwa: “Baal diosajj arjjataspan” sasa, Gedeonajj Baal diosan altarapa tincthapiyatap laycu.