Números 25:1 - Qullan Arunaka DC

¹ Israelitanakax Sitim chiqan utjantasipkän ukapachasti, chachanakax moabita warminakampiw wachuq jucha lurañ qalltapxäna,

Aymar Bibliia 1986

¹ Cunapachatejj israelitanacajj Sitim sat chekar utjantasipjjän ucqhajj, chachanacajj moabita warminacampiw wachoka jucha lurañ kalltapjjäna.

Qullan Arunaca

¹ Cunapachatejj israelitanacajj Sitim sat chekar utjantasipjjän ucqhajj, chachanacajj moabita warminacampiw wachoka jucha lurañ kalltapjjäna.

Números 25:1 Jak'a apnaqawi uñst'ayäwi

2 Reyes 23:7

Ukatsti chachapura juch lurañataki wakichatäkäna uka utanaksa t'unjarakïnwa, uksti Tatitun utapan lurapxäna, yaqha diosanakar yupaychasa, ukanarak warminakax Astarté diosataki isinak p'itapxäna.

Salmos 106:28

Pegor chiqan Baal diosan luqtiriparuw tukupxäna, jiwat diosanakar luqtatanak manq'apxäna.

Éxodo 22:19

19 (18) “Mä uywamp q'añusir jaqix jiwañapatak juchañchatäniwa.

Éxodo 34:15

“Janiw kuna amtäwirus uka uraqin jakir jaqinakamp mantapxätati, jupanakax diosanakapar yupaychasina, wilañcha luqtatanak jumanakar churapxiristam, jumanakax uka diosanakar luqtat waxt'anak manq'apxarakisma,

Eclesiastés 7:26

Jiwañat sipansa kunatix juk'amp jan walïki uk jikxatta: warmix chuymampi sallqxasax amparapampiw qhumanti. Diosar munirix ukham warmit jaltxaniwa, ukampis jucharar jaqix sipitanakaparuw jalt'ani.

Jeremías 40:11

Kawkïr judionakatix Moab, Amón, Edom sat uraqinakan jakapkäna ukanakasti, Babiloniankir reyin yaqhipa judionakarux pachpa uraqipar jaytaskatap yatipxarakïna, ukhamaraki Guedaliasaru uka marka apnaqirit utt'ayawayatapa.

Ezequiel 20:21

“ ‘Ukampis jupanakan wawanakapax nayatakix sayt'asipxarakikïnwa. Janiw kamachinakaxsa arsutanakaxsa jaysapkänti; jakañ churiri arunakaxarjamas sarnaqapkänti, sábado urunakaxsa takisipxarakïnwa. Nayasti wali phiñasitapunïyätwa, uka phiñasiñax apaqtayasiñatakix pachpa wasaran tukjañ amtäyäta,

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Números 25:17

—Madianita jaqinakar nuwantapxam, jupanakar atipjapxam,

Números 31:2

“Israelitanakan sutipxar madianita jaqinakat phuqsusim, uka qhipat jiwxäta” sasa.

Números 33:49

Jupanakax Jordán jawira irananakan utjnuqtasipxäna, Bet-jesimot chiqawjata, Abel-sitim sat chiqakama, Moab uraqi pampanakana.

Números 7:15

nakt'ayat waxt'a luqtañatakisti, mä vaca qallu, mä urqu oveja, mä maran urqu oveja,

1 Corintios 10:8

Jiwasax wachuq q'añu jucharux jan katuyasiñäniti, kunjämtix jupanakat yaqhipanakax katuyasipkän ukhama, ukham luratapatsti mä urukiw pä tunka kimsan waranqa jaqinakax jiwarapxäna.

Deuteronomio 3:29

“Uka qhipatsti, jiwasax Bet-peor sat qhirwan qhiparapxtan.

Deuteronomio 32:38

¿Kawkinkarak waxt'anakam aparapipkäyäta, wilañchanakam luqtapkäyät uka diosanakamasti? ¡Sartasipxpanay jumanakar yanapt'iri! ¡Jutapxpanay jumanakar arxatiri!

Deuteronomio 4:3

Jumanakasti uñjapxtawa, kuntix Tatitux Baal-peor sat chiqan lurki ukxa, ukhamarak kunjämtix jumanak taypit ukan utjir diosar yupaychirinakar jiwaraykän uksa.

Josué 2:1

Josué chachax Sitim chiqat pani uñaqir jaqinak jamasat khithäna, jupanakarusti sänwa: “Sarapxam, kunjamätaynasa uka uraqixa, Jericó markasa uk uñaqanipxam” sasa. Jupanakasti sarapxänwa, Jericó markar purisax mä jan wali sarnaqir warmin utaparuw puripxäna, sutipax Rahab satänwa, uka arumax ukan qurpachasipxäna.

Josué 22:17

¿Janit Peor chiqan jucha luratanakas layku Tatitun mutuyäwipa katuqatasa amtasipktasti? Uka jucha luratat janïraw jichhürkam q'umachatäktanti.

Josué 3:1

Qhipürusti, Josué chachampi, taqpach israelitanakampix Sitim sat chiqat wali willjtaw mistuwayapxäna, ukatsti Jordán jawir chiqaruw puripxäna; janïr makhatkasasti ukawjaruw utjnuqtapxäna.

Apocalipsis 2:14

Ukampisa, jumatak arsuñaxaw utjitu: Balaam sat jaqin yatichäwinakap jan apanukuñ munirinakaw ukan utjaski, jumasti janiw kamsktasa. Uka Balaam jaqix Balac chacharuw amtayäna israelita jaqinakar juchar puriyañataki, idolonakar luqtatäkis ukanak manq'ayasa, uka idolonak nayraqatan wachuqa jucha lurayasa.