Miqueas 6:5 - Qullan Arunaca

⁵ Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Aymar Bibliia 1986

⁵ Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Qullan Arunaka DC

⁵ Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Miqueas 6:5 Jak'a apnaqawi uñst'ayäwi

Salmos 111:4

amtascay muspharcañanac jupajj luri. Tatitojj munasiñaniwa, qhuyapayasiriraquiwa:

Salmos 143:11

Tatay, sutim laycuy jacayasita, qhuyapayasirïtam laycuy llaquisiñat wayst'ita.

Salmos 36:10

Jumar uñt'irinacarojj qhuyapt'ayascaquim, k'oma chuymaninacarusti chekapar uñjascaquim;

Salmos 71:19

Diosay, muspharcañ asqui cancañamajj alajjpachcamaw puri: jumajj jach'a luräwinac uñachaytajja; janiw qhitis jumjamajj utjquiti.

Isaías 1:27

Cheka cancañajjampi, uqhamaraqui khespiyasiñajjampiw Sionan utjasirinacarojj cuttayasinjjäjja.

Números 22:41

Khepärmanthi alwajj Balac reyejj Balaamar irptasinjja Bamot-Baal sat kolluruw irpcatäna, uca chekatsti uñjänwa israelitanacan campamento thiyanacapa.

Números 23:27

Ucatsti Balac reyejj sänwa: —Jutam, yakha chekaruw irpäma, inas Diosajj uca chekat Israel marcaru ñankhachañ munchispa —sasa.

Números 25:1

Cunapachatejj israelitanacajj Sitim sat chekar utjantasipjjän ucqhajj, chachanacajj moabita warminacampiw wachoka jucha lurañ kalltapjjäna.

Números 25:2

Uca warminacasti diosanacapar sacrificionac loktapcän ucaruw jupanacarojj jawsapjjäna, ucatsti israelitanacajj mank'anacapatwa mank'apjjäna, uqhamaraquiw moabitanacan diosanacaparusa yupaychapjjäna.

Números 31:16

Jupanacapï israelitanacarojj Tatitu contra sartayapjjänjja, Balaaman arunacapatjja, uqhamarac Baal-peor diosarus yupaychayapjjänjja. Ucatwa Tatitojj marcaparojj plaganacampi mutuyänjja.

Números 31:8

Uqhamaw jiwarayapjjäna, Evi, Requem, Zur, Hur, Reba, uca madianitanacan pheska reyinacaparojja, uqhamarac Balaam sat Beor chachan yokaparusa.

Números 33:49

Jordán jawira jac'an campamentojj Bet-jesimot sat chekata Abel-sitim sat chekacamänwa, Moab pampanacana.

Efesios 2:11

Uqhamajj amtasipjjam cunjämäpcäyätatejj nayrajj uca. Janchin jakenacar circuncisión lurapjje uca judionacajj sutichasipjjewa “circuncidatäpjjtwa” sasa. Ucampis jumanacajj janiw judío castäpcäyätati, ucatsti jumanacarojj sutichapjjtamwa “jan circuncidatanaca” sasa.

Deuteronomio 16:3

“Cawquïri uywtejj loktapcäta ucjja jan levaduran t'ant'ampwa mank'apjjäta, cawquïritejj t'akhesiñ t'ant'äqui uca, Egipto marcat wali janc'aqui mistunipjjatam laycu. Uqhamwa jumanacajj jaccasina Egipto marcat mistunipjjatam amtasipjjäta.

Deuteronomio 23:6

Jan jumanacajj jupanacampi sumancañsa ni asquipsa thakhapjjamti, take jacañ urunacamanjja.

Deuteronomio 8:18

Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Deuteronomio 9:7

“Jan armasipjjamti jumanacajj wasaran Tatitu Diosamaru colerayapjjatamjja. Jumanacasti Dios contraquipuniw sartapjjäyätajja, Egipto marcat mistusina aca orakenacar puriniñcama.

Josué 2:1

Josué chachasti Sitim chekatjja pä jakenacaruw jan qhitinsa uñjcata qhitäna aqham sasa: “Sarapjjam, uñjanipjjaraquim cunjamätaynas uca orakejja uqhamaraqui Jericó marcasa” sasa. Uqhamaw jupanacajj Jericó marcaru puripjjäna mä jan wali sarnaquir warmin utaparu, jupasti Rahab sutinïnwa, ucanaracwa uca arumajj jupanacajj korpachasipjjäna.

Josué 3:1

Josué chachajj khepärmanthejj wali alwat sartasïna, ucatsti take israelit jakenacampiw Sitim sat chekat mistuwayapjjäna Jordán jawirar purisina, ucanwa samarapjjaraquïna janïr jawir maqhatcasina.

Josué 4:19

Israelitanacajj Jordán jawiratjja mistuwayapjjänwa kalltiri phajjsitjja tunca urunac sarakataru, ucatsti Gilgal sat orakeruw puripjjäna, Jericó marcat uñcatasiru.

2 Pedro 2:15

Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.

1 Juan 1:9

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.

Apocalipsis 2:14

Ucampis juma tokejj mä kawkha arunaca sañajjaw utjitu. Jumanac taypinjja Balaam sat jaken jan wali yatichäwinacap jan apanucuñ munirinacaw utjasqui. Uca Balaam jakejj Balac chacharuw amtayäna israelit jakenacaru juchar puriyañataqui, yakha diosanacar loktatäquis ucanac mank'ayasa, uqhamarac uca c'ari diosa nayrakatanjja wachoka jucha lurayasa.

Jueces 11:25

¿Jumasti jilt'atapunïtatisti moabitanacana Balac sat reyita Zipor satan yokapatsti? Ucampis jupajja janiw nanaca contra nuwasiriti jutcänjja.

Jueces 5:11

¡Cawqhantejj uywanacajj um umapqui uca taypin platillonacan suenapampi chica Diosan atipjatapjja arnakapjjam; uqhamarac Israelan utanacapan atipjatapsa!

1 Samuel 12:7

Uqhamasti jichhajj waquichasipjjam, Tatitu nayrakatanwa nayajj jumanacampi parlä, cuna asquinactejj jupajj jumanacarojj lurapctam uqhamarac awquinacamarusa take ucanacata.