Aqhamaw mank'apjjät; isinacamampi isthapita, cayunacamarusa wisqhumpi wisqhuntata, uqhamarac amparanacamarus thujru ayt'ataraqui. Jumanacasti mäquiw mank'antapjjäta Tatitojj uca pascua fiestan jilïri wawanacar jan jiwarayatap laycu.
Lucas 2:41 - Qullan Arunaca Awquinacapasti sapa maraw Jerusalenaru sarapjjerïna Pascua fiestaru. Aymar Bibliia 1986 Awquinacapasti sapa maraw Jerusalenaru sarapjjerïna Pascua fiestaru. Qullan Arunaka DC Jesusan awkipampi taykapampix sapa maraw Jerusalenar sarapxirïna, Pascua urutaki. |
Aqhamaw mank'apjjät; isinacamampi isthapita, cayunacamarusa wisqhumpi wisqhuntata, uqhamarac amparanacamarus thujru ayt'ataraqui. Jumanacasti mäquiw mank'antapjjäta Tatitojj uca pascua fiestan jilïri wawanacar jan jiwarayatap laycu.
Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.
“Take chachanacasti maranjja quimsa cutiwa Israelan Tatitu Diosapan nayrakatapanjja uñstapjjañapa.
“Kalltïri phajjsina tunca pusini uru sarakataru, jayp'thapirusti pascua fiesta lurapjjäta Tatitut amtasisa.
“Sapa mara kallta phajjsina, tunca pusin uru sarakatarusti, Pascua fiesta lurapjjäta, Tatitun jach'a cancañapat amtasisa.
Cunapachatï Jesusajj tunca payani mara phokjjäna ucqhasti, Jerusalén marcaruw sarapjjäna uca fiestan luräwinacaparjama.
Mä juc'a urunacaquejjänwa judionacan Pascua fiestapan puriñapajja. Walja jakenacaw marcanacatjja Jerusalenaru sarapjjäna, janïr Pascua purinquipana k'omachasiñ culto lurañataqui.
Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.
Judionacan Pascua fiestapajj niya jac'äjjatap laycojja, Jesusajj Jerusalén marcaruw sarawayjjäna.
ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.
Jan ucasti Diosan nayrakatapanacwa ucanacjja mank'apjjäta, cawqharutejj jupajj ajllisi ucqhanaqui; Tatitu Diosaman nayräjjapana, wawanacamampi, take uywatanacamampi, uqhamaraqui cawquïri levitanacatejj jumanac taypina jacapqui take ucanacampi chicaw take irnakañaman achunacapata cusisipjjäta.
“Take chachaw Tatitu Diosamarojj maran quimsa cuti uñstani, cawqha chektejj jupajj ajllisqui uca chekana, aca fiestanacanwa uñstapjjani: Jan Levaduran T'ant'a Mank'añ fiestana, Semananaca sat fiestana, uqhamaraqui Enramada fiestansa. Janiraquiw cawquïri jakes Diosarojj jan cunani uñstcaniti,
Ucatsti Elcana chachajj takpach familiapampi Silo sat uca chekarojj, arsutap phokhañataqui uqhamarac sacrificionac loktañataquiw saräna,
Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.