Lucas 2:41 - Qullan Arunaka DC

⁴¹ Jesusan awkipampi taykapampix sapa maraw Jerusalenar sarapxirïna, Pascua urutaki.

Aymar Bibliia 1986

⁴¹ Awquinacapasti sapa maraw Jerusalenaru sarapjjerïna Pascua fiestaru.

Qullan Arunaca

⁴¹ Awquinacapasti sapa maraw Jerusalenaru sarapjjerïna Pascua fiestaru.

Lucas 2:41 Jak'a apnaqawi uñst'ayäwi

Éxodo 12:11

Ukhamarusa, jank'akiw manq'apxäta, isinakamampi isthapita, kayunakamarus wiskhumpi wiskhuntata, amparamansa thujru ayt'ataraki, Tatitun Pascua urupätap layku.

Éxodo 12:14

Aka urux jumanakatak amtasiñ urüniwa, Tatitur jach'añchasaw uruyapxäta. Wiñay kamachïkaspas ukham wawanakamana, wawanakapaw amtasipxäta.

Éxodo 34:23

“Chachanakasti taqiniw maran kimsa kuti Israelan Tatit Diosap nayraqatan uñstapxani.

Levítico 23:5

“Nayrïr phaxsina tunka pusini uru saraqat jayp'thapirux Tatitut amtasisin Pascua uruyañ qalltapxäta.

Números 28:16

“Sapa mara qallta phaxsina, tunka pusin uru saraqatarusti, Pascua uruyapxäta, Tatitun jach'a kankañapat amtasisa,

Lucas 2:42

Jesusax tunka payan maranïxän ukkhasti, jupanakax Jerusalén markaruw sarapxäna, uka jach'a urun luräwiparjama.

Juan 11:55

Judionakan Pascua jach'a urupax niy jak'ankxänwa, walja jaqirakiw taqi tuqit Jerusalén markar sarapxäna; Pascua uru janïr purinkipan q'umachasiñ luräwi phuqhañataki.

Juan 13:1

Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.

Juan 2:13

Judionakan Pascua jach'a urup niya jak'ankxipansti, Jesusax Jerusalén markaruw saräna.

Juan 6:4

Judionakan Pascua urupax jak'ankxänwa.

Deuteronomio 12:11

ukapachaw jumanakax kawkha chiqarutix Tatit Diosamax sutipan utjasiñapatak ajlliskani, uka chiqan taqi kunanaktix sapksma ukanak luqtapxäta: jupar yupaychañatak nakt'at uywa wilañchanak luqtasa, sapa tunkat maya churäwinak luqtasa, taqi kuntix sum ajllisin Tatit Diosamar churañ arsupkta ukanak luqtasa.

Deuteronomio 12:18

Jan ukasti Tatit Diosaman nayraqatapana, jupan ajllisita chiqawjanak manq'apxäta; Tatit Diosaman nayraqatapan wawanakamampi, taqi uywatanakamampi, jumanak taypin jakir levitanakamp chikaw taqi irnaqäwiman achunakapat kusisipxäta.

Deuteronomio 16:16

“Taqi chachaw Tatit Diosam nayraqatan maran kimsa kuti uñstani, kawkha chiqtix jupax ajlliskani uka chiqana, aka urunak uruyañataki: Jan Levaduran T'ant'a manq'añ uruyañ uruna, Semananaka sat uruyañ uruna, ukhamarak Chhujllanakan sat uruyañ uruna. Jupanakasti janiw Tatitun nayraqatapar ch'usa amparaki uñstkaniti,

1 Samuel 1:21

Qhipa marasti, Elcaná chachax taqpach wila masinakapampiw Siló sat chiqar saräna, arsutap phuqhiri ukhamarak wilañcha luqtiri,

1 Samuel 1:3

Elcaná chachasti sapa maraw wila masinakapamp chika Siló chiqar sarirïna, taqi ch'aman Tatitur yupaychiri, ukhamarak wilañchanak luqtiri. Uka markansti, Elí sat sacerdoten Hofní, Finees, uka pani yuqapaw ukankapxäna, jupanakasti Tatitun sacerdotenakaparakïnwa.