Juan 13:1 - Qullan Arunaca

¹ Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Aymar Bibliia 1986

¹ Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Qullan Arunaka DC

¹ Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.

Juan 13:1 Jak'a apnaqawi uñst'ayäwi

Proverbios 8:31

aca orake lurcäna ucanwa anatasïyäta, ¡nayajj cusisïyätwa jakenac uñjasina!

Jeremías 31:3

ucapachaw nayajj juparojj jayatpacha uñstta. Wiñay munasiñampiw nayajj munsma, ucataracwa qhuyapayasiñampi jichhacam uñjascsma.

Mateo 26:45

Cuttanjjasinjja discipulonacapan ucaruw jutjjäna ucatsti saraquïnwa: —Jichhajj samarapjjam, ict'apjjaraquim. Niyawa horasajj purinjje Jaken Yokapana juchararanacan amparanacaparu catuyatäñapajja.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Lucas 22:53

Cunapachatï nayajj sapürus templona jumanacampïscäyäta ucqhajja, janiw catuntapquistati, ucampis jichhajj horasanacamawa, cunapachatï ch'amacajj munañanïqui uca horasawa —sasa.

Lucas 9:51

Cunapachatï Jesusan alajjpachar maqhatjjañapajj jac'ancjjäna ucqhajja, Jerusalenarojj jan ajjsarasaw sarjjäna.

Juan 11:55

Mä juc'a urunacaquejjänwa judionacan Pascua fiestapan puriñapajja. Walja jakenacaw marcanacatjja Jerusalenaru sarapjjäna, janïr Pascua purinquipana k'omachasiñ culto lurañataqui.

Juan 12:23

Jesusasti ucjjarojj sänwa: —Jaken Yokapan jach'añchatäñap horasajj purinjjewa.

Juan 13:29

Judasajj kollke bolsa catutap laycojja, mayninacajj amuyapjjänwa Jesusajj fiestataqui: “Cuns alanim” siscaspa uqhama; mayjja amuyapjjaraquïnwa: “Pobrenacaru yanapt'am” siscaspas uqhamaraqui.

Juan 13:3

Jesusasti yatïnwa Diosat jutatapa, uqhamarac Diosar cutt'jjañapsa, ucatsti Awquina take munañanïña cancañ churatapsa yatiraquïnwa.

Juan 13:34

Aca machak camachwa churapjjsma: Maynit maynicama munasipjjam. Cunjämtejj nayajj munasipjjsma, uqhama jumanacajj maynit maynicam munasipjjañamaraquiwa.

Juan 14:28

Jumanacajj ist'apjjestawa: ‘Sarjjäwa, ucatsti wasitampiw jutä jumanacampïñataqui’ siri. Chekpachantejj munasipjjetasmajja: ‘Awquin ucaruw sarascta’ uc siri ist'asinjja cusisipjjasamänwa, jupajj nayatsa juc'ampïtap laycu.

Juan 14:31

Cuntejj Awquejj sisquitu uc lurta, acapachajj nayan Awquir munatajja yatiñapataqui. “Sartapjjam, sarjjañäni.”

Juan 16:28

Nayajj Awquejjan ucatwa acapachar jutta; jichhasti acapachjja jaytawayjjtwa, wasitatwa Awquejjan ucaru cutt'jjaracta.

Juan 17:1

Ucanac arsusinjja Jesusajj alajjpachwa uñti, ucatsti sänwa: —Awqui, horasajj purinjjewa. Yokamar jach'añchamaya, Wawamajj jumaru jach'añchañapataquiraqui.

Juan 17:16

Cunjämtï nayajj jan acapachanquirïctjja, uqhamaraquiw jupanacajj jan acapachanquirïpquiti.

Juan 17:26

Jupanacarojj uñt'aysmawa, ucampis uñt'ayascaquïmawa, cunjämtejj nayaru munasista uca munasiñajj jupanacampïñapataqui, nayasti jupanacampïñajjataquiraqui.”

Juan 17:5

Jichhajj Awqui, utjäwimanjja cunjäm jach'a cancañamanccäyättejj janïra aca orake utjquipana, uca pachpa jach'a cancañay churjjeta.

Juan 18:4

Jesusajj yatïnwa cunatejj jupampejj pasañapäcäna ucjja. Mistusinjja jupanacarojj jisct'iwa: —¿Qhitirus thakapjjta? —sasa.

Juan 19:28

Ucanac pasatatsti Jesusajj yatïnwa take cunas phokhasjjatapa, ucatsti Kellkatan phokhasiñapataquejj, —Umat pharjitu —sänwa.

Juan 2:13

Judionacan Pascua fiestapajj niya jac'äjjatap laycojja, Jesusajj Jerusalén marcaruw sarawayjjäna.

Juan 6:4

Judionacan Pascua fiestapajj jac'ancjjänwa.

Juan 7:30

Ucatsti preso apañ munapjjäna, ucampis janiw qhitis catuntañ yant'cänti horasapajj janïr purincatap laycu.

Juan 7:6

Ucatsti Jesusajj jupanacarojj sänwa: —Janïraw horasajjajj purinquiti, ucampis jumanacataquejj cuna horasas waliquiwa.

Juan 8:20

Jesusajj acanac arsünwa templon yatichcasina, ofrenda cajanacajj uscutäcäna ucawjana. Ucampis janiw qhitis preso catuntañ ch'amanïpcänti horasapajj janïra purinitap laycu.

Romanos 8:37

Take acanacansti atipirinacat sipansa juc'ampïtanwa jiwasar munquistus ucan yanapapampi.

1 Corintios 1:8

Juparaquiw jumanacarojj suma uñjapjjätam khepa urucama, uqhamat jan qhitis jumanacar juchañchañapataqui Jesucristojj jutcan uca urunjja.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 6:11

Ucampis muntanwa sapa mayni jumanacan uca jasa chuyma utjapctam ucjja uñachayapjjañama tucuycama, cunatejj suyatäqui ucajj phokhasiñapataqui.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.

1 Juan 4:19

Diosaw nayrakat jiwasanacar munistu, ucatwa jiwasajj juparojj munaractanjja.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.