Juan 11:55 - Qullan Arunaca

⁵⁵ Mä juc'a urunacaquejjänwa judionacan Pascua fiestapan puriñapajja. Walja jakenacaw marcanacatjja Jerusalenaru sarapjjäna, janïr Pascua purinquipana k'omachasiñ culto lurañataqui.

Aymar Bibliia 1986

⁵⁵ Mä juc'a urunacaquejjänwa judionacan Pascua fiestapan puriñapajja. Walja jakenacaw marcanacatjja Jerusalenaru sarapjjäna, janïr Pascua purinquipana k'omachasiñ culto lurañataqui.

Qullan Arunaka DC

⁵⁵ Judionakan Pascua jach'a urupax niy jak'ankxänwa, walja jaqirakiw taqi tuqit Jerusalén markar sarapxäna; Pascua uru janïr purinkipan q'umachasiñ luräwi phuqhañataki.

Juan 11:55 Jak'a apnaqawi uñst'ayäwi

Génesis 35:2

Uqhamasti Jacobojj familiaparu, uqhamarac jupampi chica jacapcäna ucanacarusti sänwa: —Take yakha diosanacatejj jumanac taypin utjqui ucanacjja apanucupjjam, cuerppacha jarekasipjjam ucatsti yakha isinacampi uchasipjjam.

Job 1:5

Uca mank'äwi pasatatsti, Job chachajj wawanacapa jawsayasinjja wali alwata sartasinwa sacrificionac nact'ayasin loktirïna, uqhamata sapa mayni jupanacajja juchanacapata k'omachatäñapataqui. Uqhamsti Job chachajja lurirïnwa wawanacapajja inampisa chuymanacapana jan walinaca amtasinjja Dios contra jucha lurapjjaspa uca amuyasina.

Salmos 26:6

Tatay, amparanacajjas k'omachataw maqhatansma, juchajjats pampachataw altaramar jac'achasinsma,

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Números 9:10

“Take jumanaca, uqhamarac wawanacamasa, nayan jach'a cancañajjaruwa Pascua fiesta amtapjjañama, cawquïrinacatejj jan k'omäpqui, mä jiwatar llamct'atap laycu, uqhamarac cawquïrinacatejj jayan jicjjatasipqui, uqhamarac saräwincasipqui,

Números 9:6

Ucampisa mä kawkha jan k'omachat jakenacaw utjäna, jupanacan jiwat jaquir llamct'atanacap laycu; jupanacasti janiw uca urunjja Pascua fiestancapjjañapäcänti. Jupanacasti uca urpachaw Moisesan uqhamarac Aaronan ucaru sarapjjäna.

Mateo 26:1

Jesusajj take ucanac arsutatjja discipulonacaparuw aqham säna:

Mateo 26:2

“Cunjämtejj jumanacajj yatipctajja, acat pä urutjja pascua fiestäjjewa. Jaken Yokapasti catuntayatäniwa ucat ch'accatataraquïniwa.”

Marcos 14:1

Israelitanacan Pascua fiestapataquejj pä uruquejjänwa. Uca Pascua urunacansti jan levaduran t'ant'wa mank'apjjerïna. Jilïr sacerdotenacampi, ley yatichirinacampisti, cunjäm toketsa Jesusar catuntañ munapjjäna jupar jiwayañataqui.

Lucas 22:1

Niya jac'ancänwa jan levaduran t'ant'a mank'añ fiestajja, Pascua fiesta sata.

Juan 12:1

Pascua fiestataquisti sojjtüruquïpanwa Jesusajj Betaniaru saräna, Lazarojj jaccäna ucaru, cawquïrirutejj Jesusajj jiwatat jactayäna ucaru.

Juan 13:1

Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Juan 18:28

Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.

Juan 2:13

Judionacan Pascua fiestapajj niya jac'äjjatap laycojja, Jesusajj Jerusalén marcaruw sarawayjjäna.

Juan 2:6

Sojjta wacullanacaw kalat lurata utjäna, judionacan cultonacapan k'omachasïwinacaparjama. Sapa wacullarojj mä quimsakallk tunca, jan ucajj patac litrjamaw umajj mantäna.

Juan 5:1

Ucanac pasatatsti judionacajj mä fiesta lurapjjäna, Jesusasti Jerusalenaruw cutt'äna.

Juan 6:4

Judionacan Pascua fiestapajj jac'ancjjänwa.

Hechos 21:24

Jupanacarusti jumamp chic irpam. Ucatsti jupanacamp chicarac k'omachasim, ñic'utanacapa mururayasipjjañanacapataqui kollke churam. Uqhamatwa takenis amuyapjjani cuntï jumjjat parlapqui ucajj jan chekätapa, uqhamarac jumajj Moisesan leyipsa sum phokhascatama.

Hechos 21:26

Pablosti uca pusi jakeruw irpjjarusiwayi. Khepürojj jupanac chicaw k'omachasi. Ucatsti temploruw manti, cunürutejj juchat k'omachasiñ urojj tucusiñapäcän uc yatiyañataqui. Ucürusti sapakat mayniw ofrendanacap apanipjjañapäna loktañataqui.

Hechos 24:18

Nayajj take acanacwa lurascäyäta, uqhamaruw Asia tokenquiri mä kawkha judionacajj templon jicjjatapjjetu, nanacan saranacajjarjama k'omachasisquiri. Janiraquiw walja jakes ni cuna ch'ajjwas utjcänti.

1 Corintios 11:28

Ucatpï waquisejja janïra uca t'ant'a, uqhamarac uca copat umcasajja, sapa mayniw chuymap uñantasiñapa.

Santiago 4:8

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.

1 Samuel 16:5

—Jïsa, uqhamawa. Tatitur mä sacrificio loktiriw jutta. Jichhajj k'omachasipjjam ucatsti nayampi chica sacrificio loktir sarapjjaraquim —sasaw Samuelojj saraquïna. Ucat janc'aquiraquiw Samuelojj Isaí chachampiru, yokanacapampiru k'omachäna, ucat sacrificio loktiri sarañataquiw jupanacarojj jawsaraquïna.