Juan 11:55 - Qullan Arunaka DC

⁵⁵ Judionakan Pascua jach'a urupax niy jak'ankxänwa, walja jaqirakiw taqi tuqit Jerusalén markar sarapxäna; Pascua uru janïr purinkipan q'umachasiñ luräwi phuqhañataki.

Aymar Bibliia 1986

⁵⁵ Mä juc'a urunacaquejjänwa judionacan Pascua fiestapan puriñapajja. Walja jakenacaw marcanacatjja Jerusalenaru sarapjjäna, janïr Pascua purinquipana k'omachasiñ culto lurañataqui.

Qullan Arunaca

⁵⁵ Mä juc'a urunacaquejjänwa judionacan Pascua fiestapan puriñapajja. Walja jakenacaw marcanacatjja Jerusalenaru sarapjjäna, janïr Pascua purinquipana k'omachasiñ culto lurañataqui.

Juan 11:55 Jak'a apnaqawi uñst'ayäwi

Génesis 35:2

Ukat Jacobux wila masinakaparu, jupampi chika jakirinakarus säna: —Kuna yaqha diosanakatix jumanak taypin utjchi ukanak apanukupxam, ukatsti taq jariqasipxam, yaqha isinakampi uchasipxarakim.

Job 1:5

Uka manq'äwi qhipatsti, Job chachax wawanakap jawsayasinxa, wali willjtat sartasin nakt'at wilañchanak luqtirïna, ukhamat sapa mayni jupanakan juchanakapat q'umachatäñapataki, jupax chuymapan sänwa: “inampisa wawanakaxax jucha lurapxchi chuymanakapan Tatitur ñanqhachasina” sasa.

Salmos 26:6

Tatay, amparanakaxas q'umachataw makhatansma, juchaxatsa pampachataw altaramar jak'achasinsma,

Éxodo 19:10

Tatitusti Moisesarux saskakïnwa: —Saram, ukatsti markar wakichanim jichhüru, qharüru jupanakax q'umachasipxpan. Isinakap t'axsusipxpan,

Números 9:10

Taqi jumanakawa, wawanakamamp kuna nayar jach'añchas Pascua uruyapxäta. Khitinakatix mä jiwatar llamkt'atap layku jan q'umäpki, jan ukax, khitinakatix jayan jikxatasipki, saräwinkasipki,

Números 9:6

Ukampisa, mä qawqha jan q'umachat jaqinakaw utjäna, jupanakan jiwat jaqir llamkt'apxatap layku; ukat ukürux Pascua jan uruyapkänti. Jupanakasti Moisesampiru, Aaronampir parliriw sarapxäna,

Mateo 26:1

Uka yatichäwinak arsuñ tukuyasinsti, Jesusax yatiqirinakaparuw säna:

Mateo 26:2

—Jumanakax niy yatipxtawa, akat pä ururux Pascua jach'a urüxaniwa, Jaqin Yuqapasti ch'akkatañatak katuntayatäniwa.

Marcos 14:1

Israelitanakan Pascua uru uruyañatakix pä urukixänwa, uka urun jan levaduran t'ant'a manq'apxirïna. Jilïr sacerdotenakampi, kamachi yatichirinakampisti kunjäm tuqitsa Jesusarux katuntañpin munapxäna, ukat jupar jiwayañataki.

Lucas 22:1

Jan levaduran t'ant'a manq'añ urux jak'ankxänwa, jan ukax, Pascua uru sataraki.

Juan 12:1

Pascua jach'a urutak suxtürükipan Jesusax Betania markaruw saräna, jupax jaktaykatayna uka Lazarox kawkintix jakkäna uka markaru.

Juan 13:1

Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.

Juan 18:28

Ukatsti Jesusarux Caifasan utapat marka apnaqirin utaparuw irpapxäna. Ukapachax niyaw willjtanxäna, judionakasti janiw uka utar mantapkänti saraparjam jan q'añuchasiñataki, mantapxasapän ukax janiw Pascua manq'a manq'apkasapänti.

Juan 2:13

Judionakan Pascua jach'a urup niya jak'ankxipansti, Jesusax Jerusalén markaruw saräna.

Juan 2:6

Ukansti qalat lurat suxta jach'a wakullaw uma uchañatak utjäna, judionakax uka umampiw q'umachasiñ luräwi phuqhapxirïna. Sapa wakullarux niya patak litro umaw phuqt'äna.

Juan 5:1

Uka qhipatsti, judionakax mä kusisiñ uru uruyapxäna, Jesusasti Jerusalenaruw kutt'äna.

Juan 6:4

Judionakan Pascua urupax jak'ankxänwa.

Hechos 21:24

Jupanakar Tatitun utapar irpam, ukatsti jupanakamp chik q'umachasiñ luräwi phuqham, ñik'utanakap mururayasipxañapatakisti qullqim churam. Ukhamat taqinis amuyapxani kuntix jumxat arsupki ukan jan chiqätapa, Moisesan kamachipsa sum phuqhaskatama.

Hechos 21:26

Ukatsti Pablox uka pusi jaqiruw irpxarusiwayi, qhipürusti jupanak chikaw q'umachasiñ luräwi phuqhi. Ukatsti Tatitun utaparuw manti, kunürutix juchat q'umachasiñ urux tukusiñapäki uk jupanakar yatiyañataki, ukhamat sapaqat mayni apanipxañapäki uka waxt'äwinak luqtañataki.

Hechos 24:18

Nayax taqi ukanak luraskäyäta, ukhamaruw Asia suyunkir mä qawqha judionakax Tatitun utapan jikxatapxitu, q'umachasiñ luräwi phuqhaskiri. Janirakiw walja jaqisa, kuna ch'axwas utjkänti.

1 Corintios 11:28

Ukalayku, janïr uka t'ant'a manq'kasa, uka qirut umkasax sapa mayniy chuymap uñantaspan.

Santiago 4:8

Diosar jak'achasipxam, jupasti jumanakarux jak'achasiniwa. ¡Jucharar jaqinaka, amparanakam q'umachasipxam! ¡Jumanaka, Diosar munkasin juch luririnakax chuymanakam q'umachasipxam!

1 Samuel 16:5

Samuelux sarakïnwa: —Jïsa, sumankañampiwa. Tatituru mä wilañcha luqtiriw jutta. Jichhax q'umachasipxam, ukatsti nayamp chika wilañcha luqtir sarapxam —sasa. Ukatsti Samuelux jank'akiw Jesé chachampiru, yuqanakapampirux q'umachäna, ukatsti wilañcha luqtir sarañatakiw jawsarakïna.