Éxodo 34:23 - Qullan Arunaca

²³ “Take chachanacasti maranjja quimsa cutiwa Israelan Tatitu Diosapan nayrakatapanjja uñstapjjañapa.

Aymar Bibliia 1986

²³ “Take chachanacasti maranjja quimsa cutiwa Israelan Tatitu Diosapan nayrakatapanjja uñstapjjañapa.

Qullan Arunaka DC

²³ “Chachanakasti taqiniw maran kimsa kuti Israelan Tatit Diosap nayraqatan uñstapxani.

Éxodo 34:23 Jak'a apnaqawi uñst'ayäwi

Génesis 32:28

Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.

Génesis 33:20

Ucjjarusti mä altar luraraquïna, El-Elohe-Israel sasaw suticharaquïna.

2 Crónicas 8:13

cawquïri urunacantejj Moisesan leyiparjama loktañajj waquisqui uqhamaru, samarañ uruna, sapa phajjsina kallta urunacana, uqhamarac marcpachana quimsa fiestanacajj utjqui ucanacanaraqui: jan levaduran t'ant'anaca fiestana, semananacan fiestapa, uqhamarac chhujllanacana fiestapanaraqui.

Salmos 84:7

ch'amanacapajj jiljjataniwa, Sión marcansti Diosaruw uñjapjjani.

Éxodo 23:14

“Nayaru jach'ar aptañataquisti maranjja quimsa cutiw fiesta luräta.

Éxodo 23:17

“Take chachanacasti maranjja quimsa cutiw jutapjjañapa Tatitur uñstirejja.

Ezequiel 46:9

Cunapachatejj marcan fiesta urunacapan Tatitur yupaychir mantanini ucapachasti aqhamwa luraraquini: Cawquïrinacatejj amsta tokenquir puncunjam mantanipjjani ucanacasti aynach tokenquir puncu chekwa mistuwayjjapjjani, cawquïrinacatejj aynach toke puncu cheka mantanipjjani ucanacasti amsta puncu chekwa mistuwayjjapjjaraquini. Janipuniw cawqui puncu chektejj mantanipcäna uca chekjja mistuwayapcaniti jan ucasti uca uñcatasi puncu chekwa mistuwayjjapjjani.

Deuteronomio 16:16

“Take chachaw Tatitu Diosamarojj maran quimsa cuti uñstani, cawqha chektejj jupajj ajllisqui uca chekana, aca fiestanacanwa uñstapjjani: Jan Levaduran T'ant'a Mank'añ fiestana, Semananaca sat fiestana, uqhamaraqui Enramada fiestansa. Janiraquiw cawquïri jakes Diosarojj jan cunani uñstcaniti,

1 Samuel 1:3

Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.