Éxodo 34:24 - Qullan Arunaca

²⁴ Nayasti jumanacan nayrakatanacamatsti yakha marcanacjja alisnucüwa, uqhamatwa jumanacan orakenacama yapjjatas jach'aptayäjja. Ucampis janiw qhitisa orakenacamjja catuscaniti cunapachatejj Tatitu Diosamaru maran quimsa cuti uñstir sarcäta ucqhajja.

Aymar Bibliia 1986

²⁴ Nayasti jumanacan nayrakatanacamatsti yakha marcanacjja alisnucüwa, uqhamatwa jumanacan orakenacama yapjjatas jach'aptayäjja. Ucampis janiw qhitisa orakenacamjja catuscaniti cunapachatejj Tatitu Diosamaru maran quimsa cuti uñstir sarcäta ucqhajja.

Qullan Arunaka DC

²⁴ Nayaw jumanakan nayraqatamat yaqha markanakar alisnukü, ukatsti jumanakan uraqinakam jach'aptayä. Ukhamat Tatit Diosamar maran kimsa kuti yupaychir sarapkäta ukkhakamax, jan khitis uraqinakam katuntasiñapataki.

Éxodo 34:24 Jak'a apnaqawi uñst'ayäwi

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 35:5

Cunapachatejj jupanacajj sarjjapjjäna ucapachasti, Diosajj uca yakha marcanacarojj wali ajjsarañanaca churäna, ucatwa jupanacajj jan Jacobon wawanacaparojj arctapcänti.

1 Reyes 5:1

Tironquiri Hiram reyejj cunapachatï yatïna Salomonaru reyit utt'ayapjjatapa, David awquipa lanti ucqhajja, yatiyirinacapwa qhitäna Salomonan ucaru, Hiram reyejj Davidarojj munapunïnwa uca laycu.

1 Crónicas 4:10

Jabes chachasti israelanquir Diosaruw oracionan mayïna aqham sasa: “Achict'assmawa bendición nayar churañamataqui, uqhamarac mä jach'a orake, ucatsti yanaparaquita, khespiyaraquita jan walinacata nayan jan walt'añanacajj utjañapataqui” sasa. Diosasti juparojj churänwa cuntï jupajj maycäna uca.

2 Crónicas 17:10

Uccacamasti Judá marcaru muytatäpcäna take uca marcanacana reinonacapawa Tatitur wali ajjsarapjjäna ucatsti janiw Josafat reyimpi nuwasi munapcänti.

Job 1:10

Jumajj janiw qhitina juparu llamct'añapsa munctati, janiraquiw familiaparusa, cuna yänacapatejj utjqui ucanacarusa. Jumasti take luratanacaparojj bendiciractawa, ucatwa jupajj orakenjja walja uywanacani kamir jakejja.

Salmos 120:1

Llaquisiñajjan Tatitur art'asta, jupasti ist'ituwa.

Salmos 78:55

Israel marcan nayrakatapatjja, Tatitur jan uñt'ir marcanacarojj ananucünwa; ayllunacaparuw orakenac laquintäna, chhujllanacapan jacayaraquïna.

Salmos 80:8

Jumaw Egiptot uva alir apsuntajja, Diosar jan uñt'ir jakenac jakonucusin ayrunttajja;

Éxodo 33:2

Nayasti angelajjwa qhitäjja jumanacar irpañapataqui, uqhamarac uca oraket alisnucuñapataqui cananeonacaru, amorreonacaru, hititanacaru, ferezeonacaru, heveonacaru, uqhamarac jebuseonacarusa.

Éxodo 34:11

“Jumasti phokham cuntejj nayajj jichhüru siscsma uqhamarjama. Nayasti jumanacan nayrakatamatjja alisnucüwa amorreonacaru, cananeonacaru, heteonacaru, ferezeonacaru, heveonacaru, uqhamarac jebuseonacarusa.

Proverbios 16:7

Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Levítico 18:24

“Janipuni ucanacampejja k'añuchasipjjamti. Cawquïri marcanactejj nayajj jumanac nayrakatata ananuccä ucanacasti uca luräwinacampiwa k'añuchasipjjejja,

Hechos 18:10

Nayaw jumampïscta, janiw qhitis cuns camachcätamti. Walja jakenacaw aca marcanjj utjasquitu” sasa.

Deuteronomio 12:20

“Cunapachatejj jumanacan Tatitu Diosamajj orakenacam jach'aptaycani jupan arsutaparjama, ucatsti jumanacaru aycha mank'añatejj munasipjjätam ucqhajj, jumanacajj mank'asipcaquismawa cuna horasasa.

Deuteronomio 16:16

“Take chachaw Tatitu Diosamarojj maran quimsa cuti uñstani, cawqha chektejj jupajj ajllisqui uca chekana, aca fiestanacanwa uñstapjjani: Jan Levaduran T'ant'a Mank'añ fiestana, Semananaca sat fiestana, uqhamaraqui Enramada fiestansa. Janiraquiw cawquïri jakes Diosarojj jan cunani uñstcaniti,

Deuteronomio 19:8

Cunapachatejj Tatitu Diosamajj jumanacan orakenacama jach'aptayani, ucatsti takpach orakenac churapjjätam, cunjämatejj jumanacan awquinacamar arupampi arsuwayqui uqhama,

Deuteronomio 7:1

“Jumanacan Tatitu Diosamaw puriyapjjätam cawquïri oraktï catuntapcäta ucaru, ucatsti jumanacan nayrakatamatjja pakallko wali jach'a ch'amani marcanacaruwa jakonucuni: hititanacaru, gergeseonacaru, amorreonacaru, cananeonacaru, ferezeonacaru, heveonacaru, uqhamarac jebuseonacarusa.